စံအိမ်ကြီး၏ တစ်ဆောင်နှင့် တစ်ဆောင် ကူးသော လျှောက်လမ်းပေါ်၌ လျှောက်ရင်း ရေပူစမ်းရှိရာအဆောင်သို့ လာနေကြသည်။
စံအိမ်က ကြီးလွန်းတော့လည်း တစ်ဆောင်မှ တစ်ဆောင် ကူးဖို့ကို အတော်လေး လျှောက်ရသည်။ ခပ်လှမ်းလှမ်းက အဆောင်တစ်ခုကို မြင်တော့ ဝမ်းသာအားရနှင့် ဂျိတ်ခ်က လက်ညှိုးလေးထိုးပြကာ စကားစလေသည်။
" နီခီ နီခီ! ဟိုအဆောင်လား ရေပူစမ်းက "
" အဲ့ဒါ ကျွန်တော်တို့အတွက်မဟုတ်ဘူး အဖေ့တပည့်တွေအတွက် "
" ဪ ရေပူစမ်းက နှစ်ခုတောင်လား "
" သဘာဝအတိုင်းဖြစ်နေတာက တစ်ခုထဲပါ ဒါမယ့် အပြင်က ရေပူစမ်းရေချိုးအိမ်တွေက သူတို့ကို လက်မခံလို့ ဒီမှာ သက်သက်ဆောက်ပေးလိုက်တာ "
" ဘာလို့ အပြင်ကရေချိုးအိမ်တွေက သူတို့ကို လက်မခံမှာလဲ "
ဤသို့ စပ်စပ်စုစု မေးတတ်သူက သူများအကြောင်းဆို သိပ်စပ်စုသည့် ပတ်ဆောင်းဟွန်း။
" ယာခူဇာတွေဖြစ်နေလို့လေ "
" ....... "
နီခီ့စကားအဆုံး ဂျေးမှတပါး ကျန်သူများအကုန် ငြိမ်သက်သွားလျက်။ နီခီ့အား ဂျပန်လူဆိုးဂိုဏ်းဟူသည့် ယာခူဇာမျိုးနွယ်မှန်း အစောကြီးကတည်းကသာ သိခဲ့မယ်ဆိုလျှင် အပေါင်းအသင်းလုပ်ရဲကြမှာမဟုတ်။
ဤမျှသတ္တိရှိသော လူငယ်လေးတွေရယ်။
သူတို့ကြား ငြိမ်သက်နေသည့် လေထုကို ဂျေးက ဖြိုခွင်းလိုက်ရသည်။
" ကဲကဲ ရောက်ပြီ အထဲဝင်ကြ "
ဤတော့မှ အဆောင်ထဲဝင်လိုက်ကြပြီး စတင်မြင်ရသည်က အဝတ်လဲခန်းဖြစ်ဟန်ရှိသော အခန်းများ ဖြစ်သည်။ သူတို့ခြောက်ယောက်စလုံး ထိုအခန်းတို့ထဲ ဝင်ကာ အဝတ်လဲလိုက်ကြသည်။
အဝတ်လဲသည်ဆိုသော်လည်း အဝတ်ချွတ်ခြင်း။ အကြောင်းမှာ ဂျပန်ရိုးရာရေပူစမ်း၌ ရေစိမ်လျှင် အဝတ်ဗလာနှင့်ဆိုတာ ရှေးကတည်းက အဲ့သည့်လိုပင်။
အဝတ်ဗလာဆိုသော်လည်း ယောက်ျားလေးတွေဖြစ်တာကြောင့် ခါး၌ သဘက်အဖြူလေးတွေတော့ ပတ်ထားကြသည်။
YOU ARE READING
𝐇𝐨𝐰 𝐓𝐨 𝐑𝐮𝐢𝐧 𝐀 𝐅𝐫𝐢𝐞𝐧𝐝𝐒𝐡𝐢𝐩
Romanceခြောက်နှစ်ကျော်ကာလ တစ်လျှောက်လုံး ထားရှိခဲ့တဲ့ သူငယ်ချင်းသံယောဇဥ်က သက်မဲ့စိတ္တဇနာမ်တစ်ခုကြောင့်နဲ့ အခြေအနေတစ်ခုအထိ ပြောင်းလဲသွားတယ်ဆိုတာ အင်မတန်မှ ရုတ်တရက်ဆန်မနေဘူးလား။ 𝐇𝐨𝐰 𝐓𝐨 𝐑𝐮𝐢𝐧 𝐀 𝐅𝐫𝐢𝐞𝐧𝐝𝐒𝐡𝐢𝐩..💘
