လပြည့်ညရယ်ကြောင့် ဖြစ်မည်။ ကောင်းကင်းယံထက် ပြည့်ဝန်းနေသော လမင်းကြီးမှ တစ်ပါး ကြယ်စင်တို့ကိုတောင် တိမ်ကွယ်နေ၍ မမြင်ရပေ။ ထိုတော့ အမှောင်ယံထဲ လ၏ အရောင်ကသာ အထင်းသားဖြင့်။
လသာချိန်မလို့ စံအိမ်၏ အပြင်ဘက် ခြံအတွင်းရှိ ခပ်ကြီးကြီးသစ်ပင်ကြီးအောက် ခင်းကျင်းထားသည့် သစ်သားကတီသဖွယ် အခင်းပေါ်၌ ဂျေးက ဟီးဆွန်းနှင့်အတူ ထိုင်ကာ စကားစမြည်ပြောနေကြသည်။
ခဏကြာတောာ့ ရှေးဟောင်းနှောင်းဖြစ်တွေ ထိုင်ပြောနေကြသည့် သူတို့နှစ်ဦးဆိီသို့ လက်တွင်ခပ်ထူထူစာအုပ်တစ်အုပ် ပိုက်ထားသည့် ဂျိတ်ခ်က မှုန်ကုတ်ကုတ်ရုပ်ဖြစ်နေသော ဆောင်းဟွန်းနှင့်အတူ ရောက်လာကြသည်။
ဂျိတ်ခ်က သူတို့ထိုင်နေကြသည့် ကတီ၏ အလည်၌ လက်ထဲက စာအုပ်ထူကြီးကို ဝုန်းကနဲ ချကာ ဝင်ထိုင်လိုက်သည်။ စာအုပ်၏ မျက်နှာဖုံးတွင်တော့ ' ဖြစ်ရပ်မှန် သရဲဝတ္ထုတိုများ ' ဟူ၍ ဂျပန်လိုရေးထားလေရဲ့။
ထိုအခါ စာအုပ်နာမည်ကို အသံထွက်ဖတ်လိုက်ရင်း ဂျေးက အမေးစသည်။
" ဒီလို ပေါတောတောစာအုပ်ကို ဘယ်က တွေ့လာကြတာလဲ "
" မင်းကြီးတော်ကို ပေါတောတောလား ဒါ ဖြစ်ရပ်မှန်တွေကွ "
" မင်းက ဒါကိုဖတ်ရအောင် ဂျပန်စာဖတ်တတ်လို့လား "
ရုပ်သေကြီးနှင့် ဂျေးကအမေးပြုတော့ ဂျိတ်ခ်လည်း ရှူးရှူးရှဲရှဲတွေဖြစ်ကုန်ပြီး၊
" မဖတ်တတ်ပေမယ့် နည်းနည်းပါးပါးတော့ ပြောတတ်တယ်ကွ! "
" ပြောတတ်လို့ပဲ မင်းမသိတာတွေ ငါ့ကို ဘာသာအတင်း ပြန်ခိုင်းတာလေ ဟွန့် google translateနဲ့တောင်ရှာရသေးတယ် သရဲစာအုပ်ကိုမှ ငါ့ဘာသာပြန်ခိုင်းရတယ်လို့ "
ဆောင်းဟွန်းက ဆူဆူပုတ်ပုတ်နှင့် မကျေနပ်ချက်တွေကို ဖွင့်ဟပြောဆိုတော့ ဂျေးမှာ ခွီချင်သွားသည်။ သူ့ခင်ဗျာ အတော်လေး ဘဝင်မကျဖြစ်နေပုံ။ မောင်မင်းကြီးသားရှင်းမ်ဂျိတ်ခ်ကလည်း အလိုက်ကမ်းဆိုးမသိ၊ သိဖို့လည်းစိတ်ကူးမရှိဘဲ ဆောင်းဟွန်းအား ညှင်းဆဲနေခြင်း။
YOU ARE READING
𝐇𝐨𝐰 𝐓𝐨 𝐑𝐮𝐢𝐧 𝐀 𝐅𝐫𝐢𝐞𝐧𝐝𝐒𝐡𝐢𝐩
Romanceခြောက်နှစ်ကျော်ကာလ တစ်လျှောက်လုံး ထားရှိခဲ့တဲ့ သူငယ်ချင်းသံယောဇဥ်က သက်မဲ့စိတ္တဇနာမ်တစ်ခုကြောင့်နဲ့ အခြေအနေတစ်ခုအထိ ပြောင်းလဲသွားတယ်ဆိုတာ အင်မတန်မှ ရုတ်တရက်ဆန်မနေဘူးလား။ 𝐇𝐨𝐰 𝐓𝐨 𝐑𝐮𝐢𝐧 𝐀 𝐅𝐫𝐢𝐞𝐧𝐝𝐒𝐡𝐢𝐩..💘
