تحت جناح الشيخ //

تحت جناحه//البارت ..4..

علياء_
ومرت اليوم بين الشغل والاكل..

كعدت الصبح كالعاده سبحت وصليت ونزلت يم مرت عمي تريكت وياهه وبقيت اساعدهه بالبيت لان مريضه خطيه لحدما صار وقت الغده

وكعدنه احنه النسوان نتغده بحدنه لان عمامي جانو معزومين همه وجدي وراحو للعزيمه ..ماحس الا صار نقاش حاد بين نسوان عمامي سندس وساجده..
                    ..........................

ساجده_
كعدت الصبح مريضه وجسمي متكسر كوه كمت سويت ريوك لبيت عمي وكعدت اتريك الى ام نزلت علياء تريكت وياي وبقت تساعدني بالبيت اخر شي تعبت
خليتهه هيه تكمل الغده ماكدرت اوكف بحراره المطبخ اكثر خليت وطلعت بالصاله واجتني سندس تتمختر وتسمعني كلام..

سندس: اي عيني من تشوف الزلم هنا تسوي روحهه بس هيه وبس وهيه النادره والنضيفه ومن يرحون تكعد تحط رجل على رجل..

ساجده: شوفي ولج ترى مريضه وروحي طالعه لا تخليني اذب ضيمي كله بيج وهنا ادفنج ترى تحملت هواي..

سندس: يمه خوفتيني والله زين وطلعلج لسان يسجيدو وصرتي تعلين صوتج علي..

ساجده: سندس وخري مني ماعايزه مشاكل

سندس: شوفي ولج انتي طول عمرج بهذا البيت خدامه لانج اصلا بت خدامه وشغلج هنا تنضفين وتخدمين وانتي ساكته
و اذا عليتي صوتج علي مره ثانيه اشوفج شي مايعجبج فاهمه..
وبعدين اذا ماتعجبج العيشه بهاي الطريقه وريني عرض جتافج وروحي من هل بيت لان مو ملجئ عدنه احنه..

ساجده: ولج تحترمين نفسج لا اكوم افرك حلكج فرك وحل يجي عمي واني الج

اذا متاكله على كل حرف حجيتي هسه ..ولج انه تكولين علي خدامه يابنت الحرام يافاجره ..

سندس: ولج تعاي اني فاجره ها اليوم اوريج بنت الحرام شسوي..

علياء: ماحسيت الا سمعت صوت نسوان عمامي تكامشن من الروس والصوت واصل للضالين

اجيت اركض وفصلت بيناتهن وبعدت مرت عمي ساجده ماحس الا سندس ضلت تحجي..

سندس: ولج اني بنت الحرام لو انتي ولج امج الخدامه يلي ماخلت بيت ماخدمته و  الله يعلم منو ابوج وشنو اصلج واذا جنتي بت حلال لو لا..

علياء: سمعتهه هيج ماتحملت خليت وعطت بيهه ..
كافي سندس احترمي نفسج وخلي يجي جدو وانه اكله كلشي سمعته منج

وتدرين بجدي اذا سمع بهيج شي وخاصه اذا اني حجيتله يوم واحد مايبقيج بهل بيت ..

سندس: خب ط.ز بيج وبجدج اعلى مابخيلج اركبي ...

علياء: تخبلت على كلامهه وصلافتهه شافت محد بالبيت وذبت سمهه كله علينه ماحس الا صوت جدي اجه...

جدي: بصياح...ولج سندس هاي عليمن الحجي..

سندس: عمي انت هنا ..لا عمي مو عليك هنه تهجمن علي ومشعن شعري ماعرف شلون زل لساني وحجيت هيج..