تحت جناح الشيخ //

تحت جناحه//البارت ..23..

سجاد_
ودعت الشيخ وطلعت للبيت وصلت سلمت على امي واخوي...

_مساء الخير..

ام سجاد: هلا يمه مساء النور ..

اخ سجاد الجبير: هلا خويه وينك من الصبح مابينت..

سجاد: والله جنت يم الشيخ راد مني شغل..

اخ سجاد: هاا ماشي ..يله اني اترخص خلي اكوم اناملي ساعه ..

ام سجاد: اخذ راحتك وليدي.. ها يمه سجاد احسك مو على بعضك شبيك وليدي

سجاد: لا يمه حبيبتي مابيه شي بس تعبان رايح انام محتاجه شي..

ام سجاد : سلامتك وليدي..

سجاد_
دخلت لغرفتي وتمددت على الجربايه وايدي جوه راسي وافكر بيلي صار مساع

رغم جنت ضايج من كلام خال الشيخ بس لمن تذكرت تفاصيل العقد انزاحت الضوجه من خاطري

بقيت افكر بالصور الي اخذناهن ..افف شيصير لو هذا العقد حقيقي شيصير لو اشوف حياتي مثل الشباب واتزوج ...

ليش الناس كامت ترفض تزوج بناتهه لسايق عبالك شي عيب الواحد يشتغل سايق..

واني افكر خطر بالي الصوره الاخذتهه من مرت الشيخ خليت وطلعت نقالي وشفت الصوره توه ياله ركزت بملامحهه ياااالله شكد حلوه ومؤدبه

بس شلفايده خطبتنه مزيفه واصلا مايجوز اتمعن بملامحهه ..بس مو حرام تعتبر مرتي وحلال اصفن بملامحهه وطولهه ..هههه كصيره شو هاي البنيه بس حلو الكصر عليهه ..بقيت صافن بالصوره لحدما نمت ..

..................
الشيخ عزيز_
بعدما راح سجاد دخلت للصاله ولكيت امي كاعده ونايمه على رجلهه علياء كعدت كبالهم وبقيت احجي ويه امي وعيني على علياء شلون نايمه احسهه طفله تصير من تنام..

خديجه: ها يمه راح الولد ..

عزيز: اي يمه راح ..شو نايمه بحضنج

خديجه: اي يمه يمكن مشتاقه لحضن بيبيتهه كل شوي تنسى وتكلي بيبي..

عزيز_
سمعت كلام امي وانقهرت عليهه ااخ لو بيدي شي ماقصر وياهه بس شسوي الله يهدي النفوس ..
_اي يمه احجيلي شصار مساع ويه مرت خالي

خديجه: صار الي اتفقنا عليه علياء تكفلت بكلشي خلتهن يصوفرن وجوهتهن وداعتك اول مره اشوف شيخصيتهه هيج قويه وتحجي بدون خوف او تردد..

عزيز: هههه طبعا جا غير مرت الشيخ هاي..

خديجه: هههه الله يهنيكم يمه ويسعدكم ماناقصكم بس طفل صغير يحمل اسمكم..

عزيز: يمه رجعنه..

خديجه: هههه يله خلاص ماحجي بعد..

عزيز: يله اني صاعد ارتاح شويه بغرفتي محتاجه شي