تحت جناح الشيخ //

تحت جناحه//البارت ..26..

سجاد_
بعدما خلصنه غده كلي الشيخ بره غسل رحت غسلت واني بالي يمهه تمنيت اشوفهه ..

غسلت وخلصت ورجعت شي بداخلي كلي ارفع عينك وفعلا رفعت عيني عل مطبخ وشفتهه واكفه تباوعلي رجف قلبي عليهه

وكفت لحضه وتالي نزلت عيني ودخلت كلت مايصير اباوعلهه اني وياهه خطبتنه اسميه وعل ورق حتى لو جانت تعتبر حلالي مايصير عيب من الشيخ انضر لحرمه بيته..خليت ودخلت للديوان كعدت والشيخ طلع يغسل بره..

لمياء_
شفته باوعلي شويه ونزل عينه واني هم رحت اركض للغرفه احس جسمي كله صار يرجف من نضرته

اول مره اركز بملامحه طلع احلى من الصور بهواي وشخصيته ولبسه وكلشي بي عجبني وبالاحرى ذوبني صار وجهي احمر وصخنت من الخجل شويه ودخلت علي علياء..

علياء: ها ولج شبيج ركضتي جنج شايفه جني ..

لمياء: ها لا مابيه شي

علياء: هممم شفتي الحب ها

لمياء: علياااء كافي من غير شي وجهي مصخن

علياء: ههههه الله يديم الحب والسعاده بقلبج يارب..

لمياء: ويهدي قلبج على اخوي

علياء_

حجت هيج وتلاشت الابتسامه من وجهي حسيت بغصه بقلبي ماتدري باخوهه معتبرني بنته وماناوي يفرج علي ويحبني..

لمياء: ها صفنتي

علياء: ها لا ماصفنت يله كومي خلي نغسل الماعين مو عبالج تعوفيهن علي وتنامين..هههه

لمياء: يله ماشي امري لله
كمنه اني وعلياء غسلنه الماعين ونضفنه البيت وراحت كلمن لغرفتهه نامت ..

عزيز_

تغدينه وخلصنه وانتبهت على سجاد كل شوي يصفن بعالم ثاني حسيت بقلبه وباله اكو هواي اشياء يفكر بيهه ..

_ها بويه احسك مو على بعضك احجيلي

سجاد: ها شيخنه لا مابيه بس تعبان شويه

عزيز: متاكد بويه اذا بيك شي احجيلي اني ابوك واخوك

سجاد: لا والله شيخ بس تعبان تدري بيه ماضم عنك شي ولا عندي شي غير شغلي واهلي افكر بيهم

عزيز: خير انشالله يله بويه روح لبيتكم نام وارتاح ..

سجاد: انشالله مامحتاج شي شيخه

عزيز: سلامتك بويه ..

خله وراح سجاد ودخلت اني للبيت لكيتهم نايمين صعدت فوك للغرفه دخلت شفت علياء نايمه ومرفوعه كلبيتهه فوك الركبه هل منضر خلاني اشتعل

تمنيت اضيع بين رجليهه بهاي اللحضه يوم عن يوم كاعد تخبلني وتغركني بحبهه اكثر تعاملهه ويه اهلي وطيبتهه وبراءتهه تخليني اتمنى اضمهه بروحي وماطلعهه بعد