تحت جناح الشيخ //

تحت جناحه//البارت ..28

علياء_

بعدما انضمينه بقينه شويه وشفت سجاد اجه بحده يدور علينه كلت اكيد راح يلكاهه خليت وطلعت بدون مايشوفني ورحت للشيخ وصادفته بالطريق وعاط بيه..

عزيز: علياااء وين اختفيتن

علياء: ماختفينه شيخ جنه نتمشه هناك ..

عزيز : ليش تجن منا وترحن عن عيني وين لمياء..

علياء: عفتهه يم سجاد تتمشى واجيت ..

عزيز: شنوو ..

هيج لعد تتمشون اني الك ولك سويجد اعلمك..
_تعالي امشي كعدي يمه يله لا تتحركين من كبالي بعد..

علياء: انشالله.

لمياء_
لاحضت على علياء راحت بدون مايشوفهه سجاد ورطتني خليت وطلعت كدامه قبل لا يلزمني لابده عنه ..

سجاد_
بقيت ادور مثل المخبل وين راحت هاي البنيه اجت الف حسبه بالي خاف خطفوهه خاف صار بيهه شي شويه والتفت ولكيتهه تمشي باتجاهي ركضت عليهه وعطت بيهه ولزمتهه من زندهه..

_انتي وينج ليش اختفيتي عن عيني ..

لمياء: ااخ اذيتني وخر منا العالم

سجاد: بعدت ايدي عنهه وخليت ادي على اكتافهه صرت اسالهه مثل المخبل.. كليلي خو محد تعرضلج محد اذاج انتي زينه مابيج شي

لمياء_ شفته يسالني متخبل لهل درجه خاف عليه من ماشافني كدام عينه ..

لا مابيه شي جنت اتمشه اني وعلياء عادي..

سجاد: افففف الحمدلله ماتصورين شكد خفت عليج الف حسبه اجت بالي فكرت ابن خالج سوالج شي..

لمياء: لا شيجيبه لهنا..

سجاد_
وخرت اديه عنهه وبقيت ساكت وصافن عليهه يالله شكد خفت عليهه حسيت روحي تطلع مني واني ادور عليهه بين الناس بس ردت المح وجهه..

لمياء: يله نروح علياء راحت يم الشيخ ..

سجاد: اي يله امشي ..

لمياء: مشيت واني بداخلي متندمه لان طاوعت علياء وسويت هيج بالولد راحت روحه من الخوف علي

بس حلو هل شعور ان شخص بهاي الدنيا غير امي واخوي يخاف علي ويهتم بيه..شويه وصلنه للطاوله الكاعد عليهه عزيز بقه صافن علينه وشكله معصب..

عزيز: اتمنى نلتي نصيبج من الرزاله..

لمياء: اسفه خويه ماقصدي اخوفكم علينه..

عزيز: يله امشو خلي نروح نتعشه هبطتونه..

علياء: انشالله..ها ولج شحجيتو

لمياء: اني الج بالبيت هبطتي الرجال وخوفتي علينه ..

علياء: هههه يمه الحب يمه مدامه خاف عليج معناهه قلبه مو خالي اتجاهج..