تحت جناح الشيخ //

تحت جناحه//البارت ..6..

_الشيخ عزيز..

بعدما سالت البنيه علياء وجاوبتني بنفس الاجابه الكالو عنهه عمامهه احتاريت من جهه احس بيهه بريئه ومن جهه كلام ابن عمهه بان شافهه بعينه بنفس الملابس ماعرفت شسوي بفيت محتار

كلتلهه خلاص روحي جانت نيتي اسلم امرهه لعمامهه واطلع من السالفه لان ماكدرت اسويلهه شي..
بس الي وكفني وخلاني اغير قراري لمن توسلت بيه وكالتلي اني داخله على الله وعليك لمن سمعت هذي الجمله تذكرت ابوي من كلي قبل وفاته ..

الشيخ عبد الوهاب: بويه عزيز انت راح تصير الشيخ من بعدي وانت حامل اسمي اريدك ترفع اسمي ما تنزله بيوم

واريد اوصيك بدينك وباهلك وعيالك واقربائك واوصيك باليتيم وبالفقير وبالمظلوم واريد اوصيك باليستجير بيك بعد رب العباد ويدخلك دخيل وطالب مساعدتك هذن ال٨ اريد تعتبرهن اخر وصيه الي واخر امنيه عندي قبل موتي

ماريدك تخيب ضني بوحده من هذن ال٨ وصايا اريد ترفع راسي بدنيا والاخره وليدي..

الشيخ عزيز: تأمر يابوي لا توصي حريص امنيتك ووصيتك صارت اهم من روحي وحياتي ابشر يابوي ..

فززني من هاذي الذكره صوت واحد من الكاعدين..

عمي الجبير: شيخنه انت شفت كلامهه ومع ان ابن عمهه شافهه بعينه الا انها بقت تنكر كلشي سوته

وبلا زحمه عليك شيخنه اني وخواني اريد اغسل عاري واصلا مانعرف البنيه اذا جانت عفيفه او لا والولد داخللهه للبيت ..

الشيخ عزيز: بالنهايه هاي مشكله عائليه اعتبرهه واني اجيت طرف صلح وحتى لا يكون اكو ظلم بالموضوع ..

عمي الجبير: والنعم منك شيخنه ماتقصر

الشيخ عزيز: بس قبل كلشي اني الي طلب عند جبيركم ..

الجد: تفضل شيخنه تامر مو تطلب انت..

الشيخ عزيز: مايامر عليك ظالم يحجي..اني ناوي واريد اذا الله راد اتقدم لبنتكم علياء على سنه الله ورسوله ..

عمي الجبير: شيخ انت شدكول بويه لا تقبل بهذا الشي عارنه نريد نغسله اذا مل وحده زنت يجي واحد يستر عليهه معناهه تاهت الدنيا وكثرو اولاد الحرام..

الشيخ عزيز: ياجماعه الله امر بالستر و اني قابل اخذ بنتكم واستر عليهه ومن دون ماحد يحس عليهه
يعني الكلام هذا بيني وبينكم واني مستعد هسه اجيب الشيخ يعقدلنه اتمنى ماتردني لان بنتكم صارت دخيلتي ومستجيره بيه بعد رب العباد

وابوي قبل وفاته وصاني باليستجير بيه وياخذني دخيل لا تحرمني من تنفيذ وصيه ابوي الله يرحمه..
هسه شكلت ياحجي

الجد: ماعرف شكلك ياشيخ احس اني اذا وافقت راح اقلل من شأنك واضلمك بنتنه..

الشيخ عزيز: لا ماراح تظلمني اني حاب ورايد هذا الشي ومتقبله وابد مابيهه اي تقليل من الشان لان الله سبحان وتعالى هوه الساتر ويامر بالستر واني ناوي استر على بنتكم واخليهه وسط عيني ..