تحت جناح الشيخ //

تحت جناحه//البارت ..7..

ساجده: لا والله عمه مامجذبه وداعتج الشيخ هددهم وكلهم محد يمد ايده على علياء وانج بحمايته وتحت جناحه ..

علياء: شنو يعني

ساجده: يعني اذا صار بيج شي بهذا البيت راح تعلن عليهم حرب وياخذ بدالج عشر زلم ..

علياء: عمه صدك تحجين يعني الشيخ ماضلمني نفسهم ماعافني بيدهم ..عمه كولي الصدك يعني هسه عمامي ماراح يذبحوني ..

ساجده: اي والله ياعمه احجي الصدك وعمامج مايكدرون يلمسون شعره منج بعد كلام الشيخ..

علياء: زين شلون راح اعيش بهذا البيت بدون مايذبحوني اكيد كلهم كرهوني ومايردون يشوفون وجهي بعد ..

ساجده: لا عمه ماراح تبقين بهذا البيت

علياء: ليش عمه جا وين اروح اذا مابقى هنا راح يطردوني من البيت عمه..

ساجده: عمه اهدي محد طاردج من البيت بس الشيخ ماكدر يقنع عمامج ومالكه حل غير ان..

علياء: ان شنو عمه احجيلي مو رجفتي قلبي

ساجده: عمه الشيخ طلب ايدج وجدج وافق بس عمامج ماراضين عن هل زواج ومصرين ان يذبحونج بحجه غسل العار بس الشيخ عزيز وكف بنصهم وكلهم علياء تحت جناحي ومحد يقربلهه وياذيهه واليرميهه بورده ارميه برصاص..

علياء: شنووو عمه شكاعد تكولين انتي انه اتزوج الشيخ انه اتزوج شخص بعمر ابوي والله اليعلم جم زوجه عنده..

عمه وماتشوفين فرق العمر بيناتنه يعني عود حليتوهه هسه ..يعني تكلولي مانذبحج ومانخليج تعيشين مثل باقي البنات براحه وهني..

ساجده: عمه احسلج وصدكيني الشيخ عزيز ماكو منه ورجال صاحب كلمه وهيبه وكلمن يشوفه يكول شاب ٢٠ سنه مو رجال جبير

وصدكيني راح يحترمج ويصونج بس انتي لازم تحترمينخ هم وتحترمين اهله وتحسبيله الف حساب بنيتي وتذكرين فضله عليج دائما ..وبعدين الفرق بيناتكم مو هواي بس ٢٠ سنه ..

علياء: ٢٠ سنه ولج عمه كاعد تستوعبين شنو يعني ٢٠ سنه لا مستحيل مازوج ماروح ادمر حياتي بيدي ماكدر افضل ان يذبحوني واموت مره وحده ولا اتزوج شخص بكد ابوي واموت باليوم الف موته...

ساجده: ولج عمه يذبحونج بس تبقين هنا والشيخ مطلك مرته من زمان وباقي بلا مره ..ولج عمه صدكيني الشيخ رجال وابن رجال

ماراح ينزل دمعتج ويقهرج بيوم وصدكيني ماكو رجال بدنيا يسوي سوايته وقليلين يلي يسترون على بنات العالم بدون مقابل ..

مع ان عمامج وكفو بوجهه وكلوله البنيه مانتوقع تطلع عفيفه بس سكتهم وكلهم اني قابل بكلشي والبنيه داخله علي بعد رب العالمين وماخليهه تنداس بين الرجلين وتنذبح..

علياء: عمه اخاف والله اخاف يطلعون مو خوش ناس اخاف يضلون يعيرون بيه وماعيش مرتاحه هناك عمه والله اموت روحي اذا واحد بيهم كابلني بيوم وكلي انتي مو شريفه واخذناج حتى نستر عليج ..