تحت جناح الشيخ //

تحت جناحه//البارت ..24..

لمياء: ياخيه اني تزوجت ابن شيخ ضرغام الصغير وجان مراهق عمره بس ٢٠ سنه واني عمري ١٥ سنه جنت كلشي ماعرف ولا بالي الزواج هيج راح يصير بي

الى ان اجت ليله الدخله ودخل علي زوجي السابق بكل وحشيه بيومهه الله لا يوري لاحد الالم الي حسيته شاغت روحي واني طفله بقيت ابجي واناشغ وانزف ودوني للدكتوره لعبت بعمتي لعب طلع مزقني تمزق .

.خيطتني وانطتني علاج وكالت لعمتي شهر كامل مايتقربلهه ..رجعنه للبيت وكلتله وصارت هوسه وكوه ياله عافني اسبوعين لان صرت انام بغرفه عمتي

بس بعدين ضحك عليهه بكلمتين وخلتني ارجع انام بغرفته وبليلتهه تقربلي وبوحشيه هم لحدما اغمى علي وماحسيت الا فكيت عيني وشفت عمتي فوك راسي ترش على وجهي ماي وتكعدني

ساعتهه انهاريت من البجي وكلتلهم اخذوني لاهلي بس ماطاوعوني خلتني نايمه بغرفتهه وبقه يوميه يدور حجه علي لو تنضيف لو غسل ملابس

وكلما انسى شي لو اتثول كدامه يكوم يكتلني ويشبعني بوكسات الى ان مرت مرت اسبوعين ثانيه واخذني للغرفه

وبقه يتقربلي يوميه ومن يكوم عني انهار بالبجي والعياط وصابني اكتئاب لحدما مرت سنه على هل حال اخر شي ماتحمل زاد تعذيبه الي وعنفه بالفراش ماتحملت ...

وبيوم اجه اخوي عزيز يطمن علي ...دز علي عزيز للديوان يشوفني واجه حصرني زوجي بالغرفه وهددني اذا حجيت شي لاخوي يذبحني ..

وقتهه خفت بس تشجعت وكلت مايكدر يسوي شي بالعكس اخوي هوه راح يدمره اذا يعرف بي هيج مسوي ويايه..

علياء: يبوو هاذ كله تحملتي وانتي بس ١٥ سنه عمرج الله يعينج على الي شفتي..

لمياء: اي والله ياخيه شفت الويل بهاي السنه ..اي
وطلعتله بالديوان ركضت عليه وكمت ابجي واشهك هوه افتهم علي وسالني مسويلج شي ..

"كبل كتله خويه هوه يعذب بيه خويه يطكني وياذيني حيل"
جنت طفله حتى حجيي جان مال طفل مو مره متزوجه

علياء: زين وعزيز شلون كدر ينطيج الهم بعمر صغير

لمياء: وقتهه امي لحت عليه وقنعته ماجان قابل الفكره من اساسهه ولمن اشتكيتله لزم زوجي وطكه وكومه بالارض

وصار يطكه وهوه فاقد وكلهه التمت عليه يردون يفكونه منه ماكدرو لحدما كسر خشمه وانغمى عليه ياله ابتعد عنه عزيز واخذني وكلهم حضرو روحكم الليله ماخلي واحد بيكم عايش..

علياء: بعد ايدي

لمياء: والله ياخيه من اتذكر الي صار ليلتهه جسمي كله يرجف من الخوف عبالك امس صار مو قبل ٣ سنين..

علياء: اي وشسوه ليلتهه

لمياء: ليلتهه شال الارض وكعدهه عليهم وصلني للبيت وراح والصار هناك سولفو عمامي لامي ..