تحت جناح الشيخ //

تحت جناحه//البارت ..10..

علياء: اخذت الصينيه للمطبخ وردت اغسل الصحون واجتي لمياء ..

لمياء: ها عروس شكاعد تسوين ولج..

علياء: ها حبي اريد اغسل الصحون

لمياء: لا حبيبتي ماعدنه هيج تردين الناس تحجي علينه وتكول شغلو مرت الشيخ وره ساعه من عرسهه..

علياء: ههه لا شسالفه احنه اهل اليصير بهذا البيت الناس شدراهه بي..

لمياء: هههه ميخالف حبيبتي مايصير انطيني عنج وصعدي لغرفتج اكيد الرجال منتضرج على نار 😉..

علياء: كلامهه خجلني وخوفني شنو منتضرني وشنو على نار استحيت كلش خليت وصعدت للغرفه سمعت صوت الدوش كلت اكيد كاعد يسبح

خليت وكلت خل ابدل ملابسي قبل لا يطلع دخلت بغرفه التبديل ونزعت ملابسي بسرعه وبقيت بس بالكلابيه القصيره جوه الملابس ..جان التفت وشفت عزيز وراي واكف ولاف المنشفه على خصره..كبل ولااراديا صرخت..

..ااااا دور وجهك ..

عزيز: طلعت من الحمام ورحت لغرفه التبديل وجان اشوفهه بس بالكلابيه الداخليه صدمت ام عيشتي

بقيت صافن عليهه ملعونه شني من جمال شايله شعلتني شعل ماحس الا التفتت علي وصرخت ..تقربت بسرعه عليهه وخليت ايدي على حلكهه..
اششش لا تصرخين..

علياء: ششش.ششسوي هنا..

عزيز: هاي غرفتي واجيت ابدل ملابسي شنو شسوي..

علياء: ماشي ممكن تطلع  حتى ابدل ..

عزيز: اوك راح اطلع بس لا تصرخين لا عبالهم صار بيج شي ..
اخذت ملابسي ورجعت للحمام ابدل واني مبتسم وبقلبي اضحك عليهه شلون صرخت من شافتني كانهه شافت جني

علياء: يمه اخترعت ادري شجابه وراي واني شكو حتى اصرخ هيج هوه رجلي مو حرام يشوفني هيج..
لا بس عيب استحي منه منا ورايح مابدل بس بالحمام ماريد هل موقف ينعاد المره اللخ يمكن اشرد مو بس اصرخ....

بدلت وطلعت للغرفه وطلع هوه من الحمام خليت وكملت طريقي رحت كعدت عل جربايه وهوه هم كعد فجاتا صاحني...

الشيخ عزيز_

بدلت وطلعت شفتهه طلعت هيه هم وراحت كعدت بطرف الجربايه اجيت اني هم كعدت عل جربايه ماعرف شحجي وياهه او بشنو ابدي بس لازم احاجيهه مايصير تمر هل ليله بدون ولا كلمه حاولت ابدي وياهه الكلام..
علياء تعالي كعدي هنا ..

علياء: نعم شيخ..

عزيز: تعالي اريد احجي وياج

علياء : خفت لمن كالي تعالي يمي ماعرف شراح يسويلي جسمي كله ضل يرجف كعدت بصفه بس بعيد شويه..
نعم تفضل شيخ

عزيز: شوفي يابنت الناس اعرف انج صغيره وماتوقعتي بيوم تزوجين شخص بعمري واني ماجبرتج ولا راح اجبرج على شي

وصدكيني لو جان بيدي غير هل حل ماقصر وياج بس عمامج ماخلولي غير خيار ..يعني انه اخذتج حتى استر عليج واحفظ سمعتج وسمعه اهلج

وحتى لا تنذبحين وتصير خطيتج بركبتي اني وعمامج لانج استجرتي بيه بعد ربي وصرتي دخيلتي لهذا السبب اجيت محضر صلح ومايجوز اطلع واني ماحال مشكلتج..
فيا بنت الحلال بيتي هوه بيتج واهلي همه اهلج واولادي ..

علياء: احطهم بروحي قبل عيوني..

عزيز: الله يجازيج بالخير ..اي يابويه انتي بمثابه بنتي وماعدي اشكال وياج اني..

تردين تبقين على ذمتي العمر كله واخليج بعيوني لو تردين فتره كم شهر وتطلبين الطلاك اوتعيشين بهل بيت بصفتج بنتي واني ولي امرج ..

القرار راجع الج والتحسينه مناسب الج سوي ماراح اضغط عليج بشي بس اريد اطلب شي واحد منج..

علياء: تفضل شيخ..

عزيز: عذريني على هذا الطلب بس لازم اكلج حتى مستقبلا ماتصير مشاكل..

شوفي بنتي الاشياء الشفتيهه والعشتيهه والسويتيهه بيت اهلج ماريد احد يعرفهه غيري ولا اريدج تعيدينهه بيتي

اريد مثل ماسترتج تستريني وتحافظين على صورتي وتصونين عرضي وماتكررين الخطا مره ثانيه..

علياء: عرفته يقصد المشكله مالتي ولمن تذكرت الصار ماتحملت اختنكت ونزلت دمعتي..
شيخ عزيز انت تآمن بالله سبحانه

عزيز: سبحانه وتعالى ..اي بويه

علياء: شيخ احلفلك بالله سبحانه وتعالى اني ماسويت شي ينزل راس اهلي والتهمه هذي اني بريئه منهه والله شاهد علي..

عزيز: يابنتي انه مايهمني يلي صار وهذا كله من الماضي ..وانه كتلج ماريده ينعاد مو حتى اكسر خاطرج وانزل دمعتج

بالعكس اريدج تديرين بالج على روحج وماتعيدين اخطائج سواء جنتي مسويه هل شي او لا واريد ترفعين راسي بين اهلي وناسي وتخلين الكل يحبج ويحترمج ..

علياء: راسك دومه مرفوع انشالله شيخ..

عزيز: يله مسحي دمعتج لان وعدت جدج مانزل دمعتج هاي بدايتهه هيج بالنهايه شلون ..وهاي شيخ وحدهه ماريدهه اريد شيخ عزيز لو ماستحق..ههه

علياء: هههه لا طبعا تستحق شيخ عزيز..

عزيز: يله بويه كومي غسلي وجهج وتعالي خنام باجر يجون الخطار يتباركولج لازم تكعدين مصحصحه يله..

علياء: حاضر..

كمت للحمام وشفت عزيز تغطه باللحاف ونام عل جربايه دخلت غسلت وجهي واخذت نفس

وبصراحه فعلا هذا الشيخ ماكو منه ياريت الزلم كلهه مثله اصلا الله يقدرني واخليهم يحبوني ويحترموني..

خليت وطلعت لكيته غاط بالنوم..اجيت ونمت بطرف الجربايه الثاني بقيت اتكلب بالساعتين مامتعوده انام يم شخص اليوم ياله عرفته لحدما غفيت..