تحت جناح الشيخ //

تحت جناحه//البارت ..37..والاخير

علياء_

هزيت براسي ..نعم..واني دموعي تجري والابتسامه على وجهي رحت ركض حضنت جدي وهوه حضني

وصار يبوس براسي ويكلي بويه سامحيني ماكدرت احميج من الظلم ماكدرت احافظ عليج يمي وبيتي ..

بقيت حاضنته وابجي احس اشتياقي الهم فاق الحدود ولا حضن الف سنه يكدر يروحي اشتياقي الهم ..سلمت عليهم ورحت دخلت اركض حضنت بيبيتي...

_بيبيييييييي اشتاقيتلج بيبيييي

الجده: ببجي...يمه بنتي يمه ياريحه الغالي يمااااا ولج يمه كسر قلبي غيابج يمه ولج ابوج راح واخذ نص قلبي ويا

وانتي بغيبتج اخذتي قلبي كله ولج يمه حتى روحي حنت عليج ولشوفتج وعطرج يمااا...

علياء: ببجي...بيبي حنيت على حضنج ماتصورين شكد استاقيت انام وادفن روحي بصدرج ماتدرين شيصير بيه من افز بالليل ومالكه روحي بحضنج بيبييي

روحي ذبلت من رحت عنج ولا حلالي حضن من بعد حضنج ...بقينه وحده حاضنه الثانيه ونبجي تالي سلمت على مرت عمي ساجده وهم بقيت ابجي لحدما تعبت ودخت ..

الجده: يمه بنتي اسم الله شبيج..

علياء: لا مابيه دوخه عاديه دائما تجيلي..

ساجده: ولج علياء هاي شنو بطنج ..

علياء: اي عمه حامل..

كلت حامل وماحس الا بيبي وساجده كامن يهلهلن..

الجده: الف مبروك يمه تعاي اضمج بحضني يريحه الغالي..

ساجده: ههههه والله اليوم فرحتي مانطيهه لاحد وعلى هذا اليوم الحلو نذرت اذبح اضحيه فده لكلشي مرينه بي ودفع بلى ومشاكل عنه بالمستقبل ...

علياء_
بقيت حاضنه بيبي ونسوان عمامي كاعدات يسولفن ويضحكن وياي اول مره اشوفهه يسولف وبعيونهن حب اتجاهي .

.عزيز وجدي وعمامي بالديوان بقو كاعدين واحنه بالصاله صار وقا الغده وجدي لزم عزيز الا يتغده عنده ..

وفعلا سوو غده وتغدينه وشربنه جاي وكال جدي اليوم تباتون يمنه الليله وقبل عزيز وبقينه عدهم واني نمت للصبح بحضن بيبي .

.كعدنه الصبح وودعت بيت جدي ووعدناهم نجيلهم كل اسبوع ورجعنه للبيت صعدنه للغرفه واجيت ركض حضنت عزيز..

عزيز: ههههه على كيفج ولج الطفل..

علياء: ماتتخيل شكد فرحتني اليوم مستعده ادفعلك عمري كله اله لخاطر السويته الي اليوم ..

عزيز: ماريد شي بس تكوميلنه بالسلامه وتجيبيلي بنيه حلوه مثلج..

علياء: هاا يعني ماتريد ولد الاعرفه الشيوخ يحبون الولد

عزيز: ههه بس انه احب البنات لان حنينات على اهلهن وخاصه ابوهن..

علياء: جا اذا جبتلك بنيه راح تحبهه اكثر مني