تحت جناح الشيخ //

تحت جناحه//البارت ..17..

علياء_

رحت دخلت للمطبخ احضر الغده لعزيز..

خديجه: هههه والله مرتك وابنك شبعوني ضحك من الصبح ليهسه تشرحله وتنطي مساله وتروح تشتغل

وهوه ضال يتافف شلون تتاخر عليه ولو تشوف مناقرتهم حطلك بطن واشبع ضحك عليهم ههههه..

عزيز: هههه تدوم الضحكه انشالله..

خديجه: بوجودكم يمي تدوم ضحكتي وليدي..

عزيز: انشالله موجودين دائما يمج..سولفيلي عنج شلونج صحتج هل فتره

خديجه: الحمدلله وليدي عايشين

عزيز: اي الحمدلله..علياء خو ماكاعد تتعبج او مقصره وياج

خديجه: لا يمه مريتك ورده ماكو منهه من تزوجتو ليهسه ماشفت منهه الا كل طيب

عزيز: اي الحمدلله..

خديجه: انت شلونك يمه دوامك ديوانك شلونهن

عزيز: والله الحمدلله بخير كلشي تمام

خديجه: احسك تعبان يمه احجيلي

عزيز: لا بس راسي يوجعني من امس صداع..

خديجه: اسم الله عليك وليدي خاف ضغطك مرتفع

عزيز: لا ماعتقد هسه اتغده واناملي شويه بلكي يصير احسن..

علياء_

كملت الغده واخذت ااسفره فرشتهه عل طاوله..
_يسوري حبيبي كملت المساله..

ياسر: اي كملتهن

علياء: انطيني اشوف..اممم اوك تمام كله صح بقالنه بس فصل واحد كوم اخذ كتبك بالصاله الصغيره وغسل اديك ووجهك وتعال تغده حتى بعدين نكمل ماشي

ياسر: ماشي..

علياء_

اخذ ياسر كتبه ورحت جبت الصحون وخليتهن عل طاوله..

خديجه: يله يمه عزيز خلي نكوم نتغده

عزيز: يله يمه..

خديجه: يله يمه علياء تعاي تغدي..

علياء: اي يمه بس خلي اصيح لمياء..

رحت لغرفه لمياء دكيت الباب ودخلت صحتهه عل غده واجينه كعدنه عل طاوله..

_اليوم اني طبخت انطوني رايكم..

خديجه: خل اشوف بله..بسم الله ..ماشالله كلش طيب عاشت ايدج بنيتي..

علياء: عوافي يمه

لمياء: يمييي كلش طيب عاشت ايدج مرت اخوي

علياء: هههه عوافي حبيبتي ..

عزيز: اشوفهه اليوم حيويه ومرتاحه احسهه وتحجي بطلاقه ..

مديت ايدي اكلت من طبخهه وفعلا طلع كلش طيب اطيب من طبخ لمياء واني منا جوعان اكلتلي صحنين ياله شبعت..