تحت جناح الشيخ //

تحت جناحه//البارت ..25..

لمياء: بعدما طلع عزيز رحت للغرفه واني قلبي نار كعدت علياء وشافتني خايفه..

علياء: اسم الله شبيج ولج خايفه..

لمياء: خيه الولد متخربط ومريض واحس قلبي نار عليه

علياء: يا ولد شصاير

لمياء: لج عزيز خابر للسايق وجاوبه اخوه كله الولد بالطوارئ عبالي سووله شي سالت عزيز كال مريض محد مسويله شي بس احس قلبي نار ماكاعد يهده شلون..

علياء: لا تخافين حبيبتي مدام كال مابي شي ومحد متعرضله معناهه فعلا الولد مريض شنو مو بشر هوه مايتمرض يعني ..

لمياء: خيه والله خايفه يصير بي شي ماكدر اسامح نفسي اذا صار بي شي من وراي

علياء: خيه شسالفه لا تفاولين على الولد تالي صدك يصير بي شي نوب صبري هسه يجي عزيز ونفهم منه الصاير..كومي غسلي وجهج واهدي وخلينه نطلع بره يم امي..

كمنه غسلت وجهه واني غسلت وجهي وعدلت نفسي وطلعنه بره يم امي صبحت عليهه وكعدنه ننتضر عزيز..ساعه ودخل علينه..

خديجه: ها يمه الولد شبي

عزيز: هلا يمه مابي شي لا تخافون فلاونزه وضغطه مرتفع ومتخربط عليهم..

علياء: يعني محد متعرضله

عزيز: لا بويه شحده اليتعرضله غير الشمس مايشوفونهه بعد ..

لمياء: اي الحمدلله..

عزيز: يله يمه محتاجه شي راح ابدل واطلع للشركه اني..

خديجه: لا سلامتك يمه ميسر

عزيز: يله رايح..

صعدت فوك واجت وراي علياء تحضرلي الملابس ..دخلت ذبيت الغتره والدهداشه ودخلت للحمام غسلت وجهي ومشطت وطلعت

لكيتهه مخليتلي الملابس على الجربايه وكاعد ترتبهن اجيت لبست البنطرون والقميص وهيه دايره وجهه عني مستحيه اخذت الستره وكتلهه ساعديني خل البسهه اجت اتقربت وساعدتني بلبسهه.

_بويه علياء حجيتي ويه لمياء

علياء: اي شيخ حجيت وياهه وفهمتهه انهه مو السبب بيلي صار

عزيز: مو كاني احسهه مساع خايفه على سجاد

علياء: هاا لا تكول خاف صار بي شي بسببي تعرفهه مايهون عليهه احد يتاذى بسببه

عزيز: هاا ماشي..
يله اني رايح محتاجه شي اجيبلج وياي

علياء: سلامتك شيخ

عزيز: يله مع السلامه.. ديربالج على نفسج وعلى اهلي

علياء:انشالله ديربالك بالطريق

عزيز: انشالله..

علياء: خله وراح واني رجعت للصاله يم امي ولمياء