تحت جناح الشيخ //

تحت جناحه//البارت ..36..

الشيخ عزيز_

بعدما فتح الباب جد علياء دخلت سلمت عليه وتقربت علياء تبوس ايده وابتعد عنهه بقيت لازم اعصابي كوه اخذت علياء من ايدهه ودخلنه للديوان

لكيت عمامهه كلهم واكفين موجودين بالديوان كلت السلام عليكم  ورحت صعدت على العلوه مال ديوان وخليت علياء وره ضهري وحجيت وياهم بصوت...

_سمعو ياعمامهه ويا جدهه اني قبل ٥ اشهر حضرت وسيط صلح وخير ببيتكم وبيناتكم انتو وعلياء

وبعد استجارتهه بيه اخذتهه تحت جناحي وحمايتي بعد حمايه رب العالمين واخذتهه زوجه الي بس حتى استر عليهه وعاشت وياي بصفتهه بنتي

الى ان دخلت قلبي وسكنت فؤادي بطيبتهه واخلاقهه وطاعتهه لربهه شكيت بيهه بسبب كلامكم عنهه بانهه مو عفيفه وحبيتهه رغم معرفتي بهذا الشي

واحجيهه كدام الكل وماكو حياء بهذا الشي ..بعدما حبيت علياء وتقربتلهه جان ضني انهه مو عذرا بس الشفته بهذاك اليوم صدمني وانتو هسه راح تنصدمون منه...

اخذت العلاكه وفتحتهه وفرشت الشرشف المغطى بدم بكاره علياء كدام عمامهه وجدهه وكلت...

هاذ نيشان عفت وشرف علياء وماستحي اطلعه كدام كل الناس لان هذي العلامه فخر بالنسبه الي ان اخذت منكم بنت طاهره وعفيفه وبريئه من التهمه الوجهتوهه الهه.

.ياجدهه ويا عمامهه العيبه طلعت من بيتكم بس ماطلعت من مرتي علياء روحو راجعو بناتكم وعرضكم

الجد: شش شيخ انت متاكد

عزيز: بعمري ماحجيت شي بالديوان واني مامتاكد منه. واني هذا النيشان متاكد منه اكثر من اي شي ثاني..

الجد:  العيبه طالعه من بيتنه بس مو من علياء ...يعني احنه ضلمنه البنيه اليتيمه وردنه ناخذ خطيتهه برقبتنه ..

العم الجبير: بويه اذا مو علياء منو مسوي هاي السوايه ابني امجد كال شفتهه بعيني واكفه يم الولد بيتنه ..

عزيز: لاا ابنك كال شفت نفس ملابسهه ماكال شفت وجهه

العم الجبير: يعني شنو احد بالبيت ملفق عليهه التهمه وحده من بناتنه مسويه العيبه ..
بس منو ولك خويه منو التلاعبت بينه واتهمت البنيه ظلم...

العم الصغير: اهده خويه اهده بعدين نعرف..

عزيز: بصوت عالي  ..لاا مو بعدين هسه اريد بناتكم يحضرن واني بنفسي استجوبهن..

الجد_

خليت وطلعت واني منزل راسي من خجلي من الشيخ رحت كلت لساجده تصيح كل البنات يجن للديوان ورجعت دخلت للديوان..شويه ودخلن البنات كلهن....

البنات : السلام عليكم شيخ

عزيز: وعليكم السلام ..بويه انتن كبار وفاهمات وتعرفن هاي العلامه شنو صح لو لا