تحت جناح الشيخ //

تحت جناحه//البارت ..27..

عزيز_
صفنت بيهه وهيه مركزه ترتب بالقميص واني احمد ربي واشكره الف مره جعلهه من نصيبي ..

اجه من قلبي وقربتهه علي وبست جبينهه لحضه وابتعدت وابتسمت الهه وبادلتني الابتسامه ..

علياء: رايحه ابدل اني ..

عزيز: ماشي واني اكمل وانزل انتضرجن لا تتاخرن..

علياء: حاضر..
رحت لغرفه الملابس واني وجهي مصخن بعدني مامتعوده على تصرفاته الفجائيه هاذي

اخذت ملابسي ورحت سبحت وبدلت بسرعه وخليت مكياج خفيف ولبست صايه وحجاب ونزلت لغرفه لمياء لكيتهه مكمله وكاشخه والمكياج على حبايه ونص ..

_شنو هل جمال ولج مثل الفتنه

لمياء: هههه جمالج حبيبتي

علياء: والله لو يشوفج الحب هيج كبل يكلج ماكو طلعه ..ههههه😉

لمياء: ولج صايره وكحه انتي ..

علياء: هههه انتن علمتني عل وكاحه ..يله امشي تاخرنه عزيز من مساع منتضرنه بره..

لمياء: يله امشي

طلعت واني بالي بغير مكان مو يمهم وصلت للسياره رفعت عيني واشوفه واكف يم عزيز لاااا كمت اتخيله نوب شنو ..
_ولج علياء منو هذا

علياء: خطيبج خيه شكله راح يوصلنه هوه

لمياء_ ماتخيلت الفرحه يلي احس بيهه لمن اشوفه تفاجات من نفسي ليش هيج فرحانه اني هيج شوفته خلقتلي واهس بالدنيا وبالطلعه..

عزيز_

طول الاسبوعين واني منتبه على لمياء تصفن هواي ولمن اجيب سيره سجاد يتغير لونهه وسجاد كذلك بقه يصفن هواي  شكيت بيهم اكو بخاطرهم شي اتجاه بعض

لهذا السبب كلت استغل فرصه الطلعه وادز عليه ياخذنه حتى اراقب وضعهم ونضراتهم ..

_يله بويه خلصتن.

علياء: اي شيخ خلصنه..

سجاد: مرحبا خويه..

علياء: هلا خويه مراحب..

سجاد_

طلعت وشفتهه كاشخه ومكياجهه بارز ملامحهه وتجيب التايه حسيت روحي اشتعلت وعصبت

سلمت على مرت الشيخ وعفتهه ماسلمت عليهه خليت وعبرتهه رحت كعدت بالسياره واني فاير دمي من شكلهه..

لمياء: شبي هذا حتى ماسلم علي..

علياء: مو زين ماكلج فوتي ماكو طلعه على هذا مكياجج..

لمياء: شنو لهل درجه مكياجي طوخ

علياء: ويجيب التايه همين ..

لمياء: يا عزه شلون سالفه هاي هسه ياخذ علي نضره الولد

علياء: مافكرتي هيج قبل لا تطلعين ..