تحت جناح الشيخ //

تحت جناحه//البارت ..11..

#في الصباح......
علياء_
فتحت عيوني الصبح شفت نفسي بمكان مو مالوف فزيت خايفه وين انه لحضه وصحصحت وتذكرت اني تزوجت وهذي غرفتنه انه وزوجي..

جريت نفس ورجعت تمددت التفتت مالكيت الشيخ والساعه ب٨ الصبح ..

يبووو شنومني لهل وقت خل اكوم راح يجون خطار..كمت سبحت ولبست فستان طويل انطتنيا مرت عمي حتى البسه صباحيه العرس

جان ابيض ومخطط ماروني وقماشه ناعم لبسته ولبست شال ماروني وخليت مكياج مناسب وحلو ..
صارت ب٩ خليت ونزلت جوه للصاله الجبيره لكيتهم كلهم كاعدين رحت لام عزيز وبست راسهه وصبحت عليهه..

_صباح الخير يمه

خديجه: هلا بنيتي صباح النور .

_صباح الخير لمياء

لمياء: صباح الورد حبيبتي

خديجه: يمه انشالله نمتي مرتاحه.

علياء: اي يمه نمت مرتاحه الحمدلله..

لمياء: شلون ماتنام مرتاحه وهيه بحضن اخوي..

خديجه: ولج جوزي عن سوالفج ..

علياء: استحيت من كلامهه تفاجات شلون تحجي هيج معقوله المتزوجات كلهن هيج عدهن عادي يسولفن بالاحضان وغيرهه..خليت ودخلت للمطبخ وره لمياء..

_حبي تردين اساعدج بشي

لمياء: لا حبيبتي مشكوره ماعندي شي روحي يم امي على ماجهز الريوك واجيبه نتريك كلنه سوه..

علياء: اوك حبي ..بس سؤال الشيخ يمته يكعد الصبح

لمياء: شوفي حبي عزيز يكعد ب٦ يروح للديوان منا لل١١يجي يسبح ويتغده ويبدل ويطلع للشركه..

علياء: شركه شنو

لمياء: شركه عزيز ماتعرفين ان عزيز مو بس شيخ لا عنده مصدر رزق ثاني فاتح شركه مواصلات ومخلي بيهه عمال وشخص ينوب عنه

يعني نائب مدير يصير صديق طفولته وهوه يروح بس يجيك على وضعهم ويوقع الاوراق المهمه ويرجع يعني تحسبيله ٣ او ٤ ساعات ويرجع للبيت العصر..

علياء: جا ومايرتاح يبقى من الصبح لليل يشتغل..

عزيز: اي حبيبتي اخوي عزيز من وهوه شاب هيج ..جان يشتغل ويه ابوي من الصبح لليل منا لتعود على وقت الشغل وصار عنده عادي مايتعب .

.اصلا هوه مو دائما يروح مرات اذا عنده شغل او ماله خلك يبقى بالبيت او بالديوان مايروح للشركه ..

علياء: هاا فهمت تصدكين عبالي يشتغل بس بالديوان

لمياء: هههه اي كلهه الناس عبالهه هيج انه وحده من الناس الجنت مادري بي يشتغل وبيناتنه الحجي قبل شهرين ياله عرفت بالشركه..

علياء: ههههه ..

لمياء: هههه والله..يله حبي روحي هناك لا تلزك بيج ريحه الطبخ راح يجن نسوان