تحت جناح الشيخ //

تحت جناحه//البارت ..19..

#في الصباح..

علياء_

كعدت الصبح كالعاده لكيت عزيز نازل يم اهله كمت سبحت وبدلت وخليت مكياج خفيف ونزلت جوه لكيتهم بالمطبخ كلهم عزيز وامه واخته استغربت دخلت صبحت عليكم..

_صباح الخير

الكل: صباح النور..

عزيز: يله يمه طالع انه عندي شغل شويه واجي محتاجه شي

خديجه: لا سلامتك يمه ..

علياء يمه خلصن شغلجن من وكت راح يجونه خطار

علياء: انشالله بس منو راح يجي

خديجه: بيت اخوي يعني خال عزيز يمه

علياء: هاا اوكي

رحت اخذت المكناسه وكنست البيت كله من اول بايه لاخر بايه تالي رحت غسلت ملابس العائله كلهه ونشفتهم وطلعت شريتهم

وبدربي جان البيت فارغ محد بي غسلت الساحه واني اغسل ماحس الا صاح عزيز علي بصوت خلاني ارجف..

.......................

الشيخ عزيز_

كعدت الصبح وشفت علياء نايمه صفنت بملامحهه البريئه شويه تالي كمت سبحت وبدلت وطلعت للديوان خابرني خالي..
(ملاحضه: احنه بيت خالي مقاطعينهم من زمان لان صارت مشاكل بيناتهم همه والوالد علمود الوالده )..الله اليستر  ..

_الو

خال عزيز "مؤيد" :السلام عليكم شيخ

عزيز: وعليكم السلام خالي شلونك شلون الاهل

مؤيد : الحمدلله تمام ..انتم شلونكم كلولي تزوجت

عزيز: اي والله زواج سكتاوي

مؤيد : لاااح الشيخ بكبر قدره يتزوج سكتاوي

عزيز: بعد صارت ياخال

مؤيد: يله لعد كول لاختي اليوم بعد الغده جاييكم اني والاهل

عزيز: هلا بيكم تشرفنه باي وقت خال

مؤيد: يله وصل سلامي لامك مع السلامه

عزيز: الله وياك..

سديت المكالمه واني مستغرب شعجب اتصل علي مامعقوله بس حتى يكلي رح يجون الله اليستر منهم..
رحت دخلت للمطبخ لكيت امي ولمياء ..

_يمه خابرني خالي كلي راح نجيكم وره الغده حضرو الضيافه الهم

خديجه: شعجب يمه منه من الشيطان

عزيز: الله اعلم ..

واني احجي نزلت علياء باوعتلهه مستغربه من وجوده كلنه بالمطبخ صبحت علينه وبقت واكفه .

.تذكرتهه امس من طلعت من الحمام توترت واشتعل قلبي كلت خل افلت لا يبين على وجهي شي .

.سلمت على امي وطلعت جان عدي اوراق بالشركه كلت اوقعهم وارجع وفعلا رحت بالدهداشه وصلت للشركه جانت فارغه العاملين معطلين وقعت الاوراق وخلصت شغلي خلال ساعتين ورجعت للبيت ..