تحت جناح الشيخ //

تحت جناحه//البارت ..22..

لمياء_

شفت علياء نامت وكمت بدلت ملابسي وطلعت لكيت بيت خالي جايين ونسوان بالصاله الصغيره كاعدات واحنه ماندري رجعت بسرعه للغرفه وكعدت علياء..

_ولج علياء كعدي خيبه هذول اجو

علياء: فزيت مخروعه ..شنو منو اجه..

لمياء: بيت خالي ياهمه بعد

علياء: جا بيش ساعه هسه ..

لمياء: ب٣ ولج عوفي الاسئله كليلي شسوي

علياء: كومي بدلي وعطري وخلي مكياج قوي شويه واهم شي الحلقه واليسالج شنو هل كشخه سوي نفسج مستحيه ماشي..

لمياء: وشكلهم جا

علياء: ماعليج اني اجاوبهم عنج وبعدين اذا سالوج يمته خطبتي كليلهم صارلي اسبوعين وخطيبي مساع جان يمي وراح يم الشيخ ماشي .

لمياء: ماشي ولج خايفه الله يعدي هل يوم على خير..

كمت سويت مثل ماكلتلي لبست فستان وردي وبي نقشه سوده وحجاب اسود وخليت حمره ورديه وخطيت عيوني

صار وجهي منور وعلياء كذلك بدلت وكشخت بس كشخه عادي حتى تخليني ابرز عنهه خلينه وطلعنه ..

علياء: دخلنه للصاله وشفنه اكو مره جبيره والباقي ال٣ شابات دخلنه سلمنه عليهن وكعدنه يم امي..

مرت خال عزيز"شيماء" : منو مرت عزيز منو لمياء تاهت علينه

خديجه: خيه هاي اليمي مرت عزيز علياء واليمهه لمياء .

شيماء: ماشالله مرته حلوه وناعمه الله يحفضهه..اي خاله لمياء شنو هل كشخه عيني كلهه النه..

لمياء_
حجت نفس الكلام الكالت علياء راح تحجي شنو هل بنيه تضرب بالفنجان..سويت مثل ماوصتني نزلت راسي وابتسمت بخجل ..

علياء: لا خاله اليوم الحب جان موجود عدهه وكاشختله

شيماء: شنو ياحب تقصدين

علياء: خاله خطيبهه شسالفه ماتدرين بيهه انخطبت صار اسبوعين

شيماء: شنووو خطيبهه وليش ماكتولنه

خديجه: خيه انتم مقطوعين عنه وماتعرفون اخبارنه وهيه الخطبه صارت سكته اصلا لان خطيبهه جان قرايبه متوفي وبسرعه بسرعه عقدو

شيماء: ومنو خطيبهه بله

علياء: سجاد رفيق الشيخ عزيز

شيماء: هذا السايق تنطونه بنت الشيخ صدك جذب

علياء: لا خاله سمعتي غلط انه كلت رفيقه للشيخ مو سايقه

خديجه:بصوت ناصي خلاص يمه لا تناقشيهه

...........................

الشيخ عزيز_
من علياء راحت لغرفه لمياء كعدنه  نسولف..

خديجه: يمه عزيز شلون راح تقنعهم انهه انخطبت