تحت جناح الشيخ //

تحت جناحه//البارت ..8..

خديجه: اي يايمه غير تكلي بتمن هيه وشنو مواصفاتهه عزبه مطلقه ارمله خوش بنيه لو لا واهلهه خوش ناس لو لا غير اعرف وتشاورني يايمه قبل لا تطلب ايدهه..

عزيز: يمه بعد صارت واني البنيه اعرفهه خوش بنيه وسالت عن اهلهه خوش ناس ورحت طلبتهه حتى لا تروح البنيه لغيري لانهه صغيره وحلوه والف واحد يتمناهه ..

خديجه: شكد عمرهه..

عزيز: ماعرف اعتقد ٢٠ لو ٢١ سنه اسمهه علياء والبنيه عزبه ..

خديجه: ٢٠ سنه يايمه بيناتكم ..

عزيز: اي يمه ٢٠ سنه بيناتنه

خديجه: يله دامك شايف البنيه وعاجبتك وتعرغ اهلهه زينين بيهه الخير والبركه انشالله اني واختك باجر نروح وياك نجيبنه..

عزيز: لا يمه انتو ضلو هنا لان راح يجون خطاطير ولازم احد يستقبلهه من تجي للبيت ..

وها يمه ترى البنيه يتيمه الاب والام وعايشه بيت جدهه اهل ابوهه هيه وخوانهه الصغار ديربالج عليهه واعتبريهه مثل بنتج خطيه..

خديجه: يا سوده علي خطيه ولا يهمك يمه احطهه بروحي قبل عيوني..

عزيز: اسم الله عليج يروحي تعالي ابوس راسج ..الله يحفضج النه يمه ومايحرمنه منج..

خديجه: يبعد قلبي وليدي ويحفضك ..يله يمه كوم اسبح وانام ارتاح اكيد تعبان اليوم ..

عزيز: انشالله امي حبيبتي..
بست راس الوالده ورحت لغرفتي سبحت وصليت ونمت بدون ماتغده كد التعب ..كعدت المغرب على صوت الاذان كمت توضيت وكعدت اصلي ودعيت ربي البنيه تكون مستوره عندي وماتنفضح او تفضحنه كدام الناس

ودعيته يهديهه ويحبب اهلي بيهه ويحببهه باهلي ويوفقني وياهه..خلصت دعائي وكمت بدلت ملابس البيت ونزلت اتعشه ويه العائله لكيت اختي "لمياء" وامي بالمطبخ ..

لمياء: مساء الخير ياعريس كلولي راح تزوج..

عزيز: هههه مساء النور اي والله مثل ماسمعتي ..

لمياء: اي بيهه الخير انشالله الله يوفقك وياهه ويسعدك..

عزيز: تسلمين يبعد اخيج..وين ابني "ياسر" ..

لمياء: بالصاله الصغيره كاعد يدرس..

عزيز: ها اوك..رحت للصاله ودخلت وكام ياسر سلم علي وباس ايدي ..

ياسر: الله يساعدك بويه..

عزيز: ويساعدك حبيبي ..شلونك بالمدرسه

ياسر: الحمدلله بويه كاعد ادرس بكل طاقتي والله كريم..

عزيز: الله كريم الله كريم..شبيك شو احسك ضايج..

ياسر: بويه صدك راح تزوج..

عزيز: اي بويه ليش

ياسر: بويه ليش ماتبقى هيج اخاف تطلع مو خوش مره وتعذبك وياهه..