تحت جناح الشيخ //

تحت جناحه//البارت ..15..

..........

الشيخ عزيز_

كاعد بالديوان وسمعت صوت علياء اعرفه من الف صوت ..صوتهه مليان براءة وطفوله..
كمت بسرعه فتحت الباب وشفتهه شايله الصينيه كوه خطيه..اخذتهه من ايدهه ودخلنه للديوان..
_يله تعالي تعشي وياي ..

علياء: جا والبنات

_متزوجتني لو متزوجه البنات..يله تعاي بدون عناد
علياء: ماشي ..

رحت كعدت واني مستحيه وافكر هسه شيكولن علي البنات عافتنه وراحت ..
بقيت صافنه عليه وهوه ياكل الى ان رفع عيونه علي وتلاكت بعيوني..

عزيز: تردين اوكلج بيدي

علياء: هاا لا لا هسه اني اكل..
نزلت عيني عنه ومديت ايدي اكل واشوفه مبتسم علي..

عزيز: تردين ترحين يم البنات

علياء: هاا لا بس كلت عيب هسه يكولن عافتنه..

عزيز: لا مايكولن ..دامج يمي يتفهمن هل شي اكلي ولا تهتمين

علياء: حاضر..
بقينه نتعشه لحدما خلصنه وشلت الصينيه ورحت للمطبخ وهوه كام غسل بره ورجع لمكانه..

استبرق: ها ولج بذاته مو عيب تعوفينه وترحين يم رجلج

علياء: ها يروحي والله هوه كلي كعدي يمي ماقبل اجي يمجن

استبرق: هههه لا اشاقه وياج حبيبتي هذا رجلج اكيد تردين تكعدين ويا وتاكلين عيب من عدنه اصلا نخليج يمنه ولا يهمج يروحي

علياء: هههه ماشي حبيبتي..
رحت غسلت صينيه الاكل مالت عزيز والبنات خلصن وكامن يجيبن الصحون

واني رحت وياهن فرغنه الاكل الزايد واجيت ردت اغسل الماعين..

استبرق: اوكفي لحضه علياء هسه اني اجي اغسلهم وياج ..

علياء:لا حبي اكدر اغسلهم وحدي

استبرق: اشش كتلج اني وياج ..

علياء: هههه يله ماشي انتضرج
راحت استبرق تغسل واني بقيت منتظرتهه الى ان اجت واجت كمنه نغسل الماعين ..

خلصنه ورحت وياهه للصاله الصغيره كعدنه شويه تالي كالت

رانيا:يله بنات خلي نروح تاخر الوقت

علياء: ها وين عمه ماشبعنه منكم

رانيا: عمه لازم نروح رجولتنه عدهم دوام باجر ..

خديجه: منو يوصلكم خيه

رانيا: هسه ناخذ كيه ونروح..

خديجه: ليش كيه هسه اخلي عزيز ياخذكم بالسياره الجبيره مدام ماعنده شي

رانيا: لا خيه ماريد اتعبه خطيه

خديجه: لا ماكو تعب انشالله ..يمه علياء صيحي لعزيز احجي ويا..