تحت جناح الشيخ //

تحت جناحه//البارت ..31..

عزيز_
تشكرنه الدكتور وتطمن قلبي عليه وطلعو ودو للغرفه وشفت حالته وروحي اشتغلت نار ومحد يطفيهه غير دم هل كل.ب ابن خالي..شويه واتصلو علي..
_الو ها خويه

علياء: اني علياء شيخنه طمني شلون الولد

عزيز: لا لا تخافون الحمدلله نجحت العمليه وخلو بالعنايه المركزه يراقبون حالته

علياء: اييي الف الحمد والشكر الك يارب الحمدلله على سلامته

عزيز: الله يسلمج يله بويه خلي اروح يم الولد مع السلامه

علياء: الله وياك شيخنه..

قفلت المكالمه ورحت لغرفه لمياء اطمنهه دخلت لكيتهه نايمه على المصلايه اجيتهه اكعد بيهه كوه فتحت عيونهه من البجي ..

_لمياء كومي سجاد نجحت عمليته وطلعو لغرفه العنايه المركزه

لمياء_
سمعتهه وتطمن قلبي وصارت دموع الفرح تهل رجعت سجدت لربي وبقيت اشكره لان نجاليا وماخله مكروه يصيبه ..تالي كمت حضنت علياء وكمت ابجي

علياء: هههه ولج كافي لا تبجين يعني فرحج وحزنج بجي

لمياء: مو بيدي ياخيه راحت روحي لمن سمعت بخبره وهسه ماكدر احبس دموع فرحتي بي..

علياء: ههه الله يديم المحبه يارب ..يله كافي ولج كومي غسلي وجهج وتعاي يمنه تغدي با تطيحين علينه بعدين

لمياء: اي يله جايه وراج..

مسحت دموعي وكمت غسلت وجهي وعدلت نفسي وطلعت لكيت امي وعلياء  على الطاوله منتضريني اجيت كعدت وياهم وتغدينه

بس بقه بالي يم سجاد تمنيت اروح واكحل عيوني بشوفته ..اكلتلي لكمتين وكمت رجعت لغرفتي تمددت عل جربايه وبقيت افكر بي الى ان نمت

ماكعدت منا للمغرب فزيت مخروعه كمت بسرعه طلعت لكيت علياء بالمطبخ تلف العجين حتى تخبز ..

_اكلج علياء ماكو اخبار عن سجاد بعد

علياء: لا خيه نقالج يمي من مساع ماتصل عزيز..لا تخافين ماكو شي انشالله مدام نجحت عمليته بعد بقه هسه بالمراقبه..

لمياء: ماشي خيه..خلي اروح اغسل واصلي انتي صليتي

علياء: اي خيه الحمدلله

لمياء: تقبل الله حبيبتي اني اصلي واجي وياج اخبز

علياء: منا ومنكم..براحتج حبيبتي اذا مالج خلك عوفي اني اخبز وحدي

لمياء: لا حبي اساعدج شلون اعوفج بحدج بس اصلي واجي انتضريني ..

علياء: ماشي حبي انتضرج..

بقيت منتضره لمياء شويه ورن نقالهه كمت بسرعه شفته عزيز اتصل ردت عليه..

_الو ها شيخ