تحت جناح الشيخ //

تحت جناحه//البارت ..33..

عزيز_
نزلت لكيت لمياء مسويه اكل لعلياء اخذته وصعدت فوك دخلت للغرفه وكومتهه تاكل ..

اكلت كوه من ايدي ماتشتهي لحدما خليتهه تخلص الصحن وانطيتهه علاجهه ونامت ونزلت اني امي ولمياء..

خديجه: ها يمه نامت مرتك

عزيز: اي يمه نامت..

لمياء: مبروك خويه ربي يتمم عليهه حملهه

عزيز: الله يبارك بيج خويه ..خلي اخابر على سجاد بله اطمن عليه..لزمت النقال واتصلت عليه وجاوبني علي..

_ الو السلام عليكم

علي: هلا شيخ وعليكم السلام..

_خويه شلون صار سجاد

علي: لا تمام الحمدلله توه كعد اكل وانطاه الدكتور علاج ونام ..

_اي الحمدلله على سلامته خويه اي شي تحتاجونه خابرني واني العصر اجي اطمن عليه همين..

علي: تسلم ياغالي ممنونين الك شيخنه

_ لا ولو ابني هذا واجبي اوكف وياه

علي: الله يخليك ربي يحفضك شيخ

_ يله بويه اخذ راحتك واي شي تحتاجونه خابرني

علي: انشالله تسلم شيخنه مع السلامه..

_الله وياك خويه..

خديجه: ها يمه شلون صار الولد..

عزيز: لا زين الحمدلله كاعد ماكل ومنطينه علاجه ونايم هسه

خديحه: اي الحمدلله

لمياء_

سمعتهم ورحت لغرفتي فرحانه رحت توضيت وصلين ركعتين شكر لله تعالى صليت وكملت وكمت طلعت

بلشت اسوي غده جهزته وخلصت وصبينه الاكل وتغدينه وصعد عزيز ينام وامي راحت نامت واني رحت لغرفتي بقيت اكلب بصور عقدنه واتامل بملامح سجاد لحدما غفيت ..

عزيز_

كملت غده وصعدت لغرفتي لكيت علياء نايمه اجيت بدون صوت دخلت جوه اللحاف وحضنتهه وخليت ايدي على بطنهه ونمت ..

ومر الاسبوع بطرفه عين واجه اليوم يلي بي نطلع سجاد من المستشفى..

كعدت الصبح لكيت علياء نازله جوه كمت سبحت وبدلت ونزلت جوه اتريك حتى اروح لسجاد نطلعه من المستشفى ولاكتني علياء .....

علياء_

كعدت الصبح شبعانه نوم خليت عزيز نايم وكمت سبحت وبدلت ونزلت جوه صبحت على امي ولمياء وجان تاخذني لمياء على صفحه تحجي ويا..
_ ها ولج شصاير

لمياء: اكلج حبي استحي احجي ويه عزيز اني انتي حاجي كليله لمياء ناذره ذبيحه من مالهه الخاص

نذبحه جوه رجلين سجاد من يطلع من المستشفى لان استحي اكله اني ومايجوز مايتوفى النذل

علياء: هههه ماشي خلي نتريك واصعد اكله قبل لا يروح..