تحت جناح الشيخ //

تحت جناحه// البارت ..14..

علياء: ههههههه لا همه عمامي كلواحد بيهم مشترين بيت وبانين ومقررين بس واحد من ولدهم راد يزوج

يخلي ويطلع ويه عائلته وتصدكن من اليوم الي قررو بي هل قرار صارت الخباثه فول بالبيت ووحده تكره الثانيه لا وولدهم مامفتكين منهن يتوسلن بيهم يتزوجون حتى يطلعن من البيت..عههههه

لمياء: ههههه شني هاي اني منهم اموت اعيش عمري كله ويه عيالي وبيت مليان ناس اشرد بروحي العزيزه هههه

استبرق: اي صدك مايصير هيج

علياء: بعد شبيدنه غير همه مايكدرون يفاركون جدي ولا هوه يكدر يفاركهم..

وهم تصدكين هذاك اليوم عمي الثاني كال بيبتي ازوج بي ولدي واكعدهم وانه ومرتي نبقى كاعدين بيت ابوي

استبرق: اي اشوه ..شكد عمرهم ماياخذني واحد منهم ههههه

علياء: هههه ياخذونج ليش لا وين يلكون احسن منج انتي ولمياء طبعا..

لمياء: لا ماريدهم نعمله

علياء: هههه خيه واحد عمره ٢٠والثاني عمره ٢٥

استبرق: يا ماشالله وانه عبالي صغار مراهقين لعد مايفيدوني هذول ماحب العشريني خلي للمياء

علياء: ههههه اوك

لمياء: ههههع لا والله ضاله تشمر علي رجوله

علياء: ههههه اي شكو بيهه هوه الرجال من وحده لوحده منا ليلتقي بنصيبه ويوكف.

لمياء: بس رجل استبرق مايوكف راح يبقى العمر كله يفتر يدور نصيبه وهوه جواه..هههه

استبرق: ههههه اي والله

علياء: الله يهدي ويرده الج حبيبتي..

استبرق: تسلمين حبيبتي..

لمياء: اكلجن اني نعست من الصبح كاعده

استبرق: اي والله حتى انه ..هاي شنو شو كلهه نايمه

علياء: هههه اي اخذتنه السوالف وماحسينه ..

لمياء: حبيبتي علياء روحي ارتاحي بغرفتج اكيد تعبتي اليوم احنه بعد راح نناملنه جم ساعه منا للعصر ..

علياء: يله اخذن راحتجن حبيباتي صاعده اني..
خليت وصعدت للغرفه فتحت الباب على كيف

لكيت عزيز نايم على بطنه ومتكشف تقربت منه غطيته وذبيت حجابي واجيت نمت على كيف عل جربايه وتغطيت ونمت منا للعصر

كعدت على صوت منبه نقال عزيز كمت طفيته وشفته نايم تعبان ماهان علي اكعده بس موزين عليه نوم الغروب..
_شيخ عزيز اكعد دنيا المغرب..

عزيز: هاا اي هسه شويه واكعد

علياء: موزين تبقى نايم صارت دنيا مغرب

عزيز: ماشي كايم ..

علياء_

شفته تحرك واني رحت غسلت وجهي واسناني وتوضيت وطلعت لكيته متمدد ويكلب بنقاله..