تحت جناح الشيخ //

تحت جناحه//البارت ..34..

لمياء_
كعدت الصبح شفت سجاد نايم بصفي بقيت اتامل بملامحه وهوه نايم بقيت اتلمس بحواجبه ورموشه وشفايفه الى ان فتح عيونه ..

سجاد:صباح الخير عروستي

لمياء: بخجل..صباح النور والسرور..

سجاد: انشالله نمتي مرتاحه امس

لمياء: اي

سجاد: تعالي بحضني تعالي احس اريد اضمج بروحي وماطلعج بعد

لمياء: سجاد

سجاد: عيون سجاد

لمياء: خايفه عليك

سجاد: ليش حبيبي

لمياء: اخاف يسوولك شي مرة ثانيه

سجاد: لا تخافين اعتبري من اليوم صفيت حسابي وياهم

لمياء: شلون يعني

سجاد: بعدين تعرفين هسه تعالي

لمياء: هاا وين

سجاد: ههه عبالج راح اخليج تكومين من الفراش بدون ماشبع منج..تعاليييي

لمياء: يااا سجاااد..ههههه
لمساته وحنيته علي ماعند احد احس كل لحضه وثانيه يزيد حبي اله ويتضاعف صرت احس بالامان واني جواه ..

ومن خلال حبه وحنيته ولمسته الحنونه الي راح انطي لنفسي وعد اني اسعده العمر كله وراح اسويله كلشي يحبه وانطي روحي وكلشي .....

سجاد: لمياء احبج

لمياء: اني اني هم احبك .....
مر اسبوع على زواجنه واحس سجاد ضام عني شي بكل مره ادخل الغرفه الكاه يخابر شخص ومن يشوفني يقفله

شكيت بي يخوني صرت اصفن واحتار معقوله بعد الحب والحنيه الشفتهم يخوني باسبوع عرسنه.....

.................... .................

سجاد_
بعد يوم من زواجنه اتصل علي الشيخ عزيز وطلب يشوفني كمت بدلت وطلعت كلت لمياء عندي شغل يم الشيخ ورحت وصلت لبيت الشيخ وطلع تلكاني ودخلنه للديوان..

عزيز: هلا بويه تفضل للديوان

سجاد: هلا شيخ امر شيخنه

عزيز: مايامر عليك ضالم ..بويه سجاد عندي خطه واريدك تساعدني حتى انفذهه وتتواصل ويه معاوني يوميه وتتفق ويا..

سجاد:انشالله شيخي بس كلي شنو راح نسوي..

عزيز: شوف وليدي.....

سردتله خطتي كلهه واتفقنه مانخلي احد يعرف بيهه غيري اني ويا ومعاوني بعدهه خله وراح للبيت واني دخلت للبيت وكعدت يم امي ..
_ها يمه شلونج

خديجه: هلا وليدي الحمدلله انت شلونك

عزيز: الحمدلله يمه ..اكلج يمه هاي ٥ ملايين ضميهن يمج مهر علياء لمن انطيج خبر تاخذينهه للسوك وتجهزينهه ماشي يمه..