كل دارٍ تضمك ليتها صدري وكل عينٍ تشوفك ليتها عيني

بارت 1

السلام عليكم ورحمة الله وبركاته ، بـ أسم الله أبتدي
وبـ أسم الله أنتهي ، رواية جديدة وأحداث مختلفة ،

~ كل دارٍ تضمك ليتها صدري وكل عينٍ تشوفك ليتها عيني ~

بسم الله نبدأ روايتنا .

~ أبناء الشيخ نايف بن محمد ال سلمان ~

~ طلال بن نايف ال سلمان ~

~ هزام بن نايف ال سلمان ~

~ علي بن نايف ال سلمان ~

~ أنتصار بنت نايف ال سلمان ~

~ بدور بنت نايف ال سلمان ~

بيت الجد نايف ، كبير العائلة وله كلمته حبيب الكل
دخل بيته وصوته يسبق خطاه نزل بشته وشاف عياله وأحفاده موجودين اللي يسولف ولي يلعب ولي بزاوية يقرأ قرآن كالعادة أبتسم لا شعورياً ،
أبو نايف قام : أرحب يالغالي حياك بصدر المجلس
الجد نايف : الله يرحب بك وانا أبوك ، فزو أحفاده وباقي عياله يسلمون ، الجدة منيرة : شريان ياوليدي
فز حفيدها شريان : لبيه عروق قلبي سمي
الجدة منيرة : لبى قلبك ياحبيبي
حازم : فيك شي ياجدة
الجدة منيرة : لا مافيني شي بس ابيه يساعدني بحاجة
شريان وهو يبوس يدينها : وش تبيني أساعدك فيه أمري بس
أبتسمت الجدة منيرة : تعال معي
شريان : أبشري
حازم همس لـ بدران : ودي أعرف جدة وش تبي بـ شريان
بدران : وش تبي فيه يعني أكيد كالعادة اللي مانعرف له وهو الوحيد اللي يعرف له
حازم ضحك : واللي هي دبة الغاز
بدران أبتسم : يافاهمني
أنتبه لهم الجد نايف : أنتم وراكم تتهامسون علمونا نضحك معكم
حازم : ولا شي كذا بس
أبو محمد : الا يبه ماسمعت باللي سواه صالح
الجد نايف : ماهي غريبة عليه ياولدي هذا صالح وهذي طبايعه من أول ولا هو يخليها
أبو نايف : والله يـ أبوي لو يضرك بـ شي مايسلم
الجد نايف : أركد مابه الا الزين أن شاء الله وأن ضرني داري أنكم ماتقصرون وبتأخذون حقي منه وزيادة
______________________________
~ بيت الشيخ صالح ال سالم ~
الجد صالح أصبح بعد وفاة أخوه الاكبر منه هو كبيرهم وله حشمته وتقديره عند أهله وناسه له خلافات وثارات قديمة مع الجد نايف ،
الجد صالح فراش فرشته وحاط جلسته وجالس بالحوش : ياسارة وين القهوة نبي نتقهوى
طلعت له الجدة سارة وهي تتعكز بعكازها : القهوة جاية الحين
الجد صالح : يلا نبي نتقهوى ونعين من الله خير
طلعت بنته خلود بالقهوة : وهذي قهوة لـ أحلى أم وأب بالدنيا
أبتسم الجد صالح وهو يشوف بنته ذات الشعر الطويل تقدم له التمر وتقهويه
خلود : سم
الجد صالح : سم الله عدوك
رجعت خلود تصب لـ أمها : سمي
الجد صالح : وين خواتك والعيال ما أشوفهم
خلود : داخل والعيال مدري ماشفتهم اليوم طالعوا بدري ،
الجدة سارة : اي طلعوا بدري يقولون معزومين
الجد صالح : زين الله يستر عليهم انا بقيّل شوي وإذا رجعوا قوموني وخلوهم ينتظروني بالمجلس
خلود : أبشر
______________________________
~ قهوة العم أبو ناجي ~
أبو أدهم : السلام عليكم
الكل : وعليكم السلام ورحمة
أبو ناجي : حياك الله
أبو أدهم : الله يحييك ويبقيك شلونك
أبو ناجي : الحمدالله
أبو أدهم : ياعسى دوم
أبو ناجي : ياولد عطنا كاسين شاهي نعناع
ناجي : أبشر على خشمي
أبو أدهم : غريبة وين الناس اشوف القهوة مابها الا كم رجال
أبو ناجي : كلٍ له أشغاله ومشغول بها تدري اليوم جمعة والناس يامشغولة ولا مجتمعة مع أهلها
أبو أدهم : صدقت مابه أحد فاضي كلٍ له شغله
ناجي : سم ياعم
أبو أدهم : سلمت شلونك ياناجي
ناجي : الحمدالله
أبو ناجي : يلا وانا ابوك رح كمل شغلك
ناجي : أبشر
أبو أدهم : مافيه أخبار جديدة من الشيوخ 
أبو ناجي : لا والله مافيه ولا سمعت بـ شي جديد على خبرك
أبو أدهم : اي زين الله يهدي نفوسهم
أبو ناجي : آمين
______________________________
~ حفيدات الجد نايف ~
الجازي : بنات وين البخور
البندري : شوفيه بغرفة جدة
الجازي : زين بروح أجيبه
البندري : وانا بروح أجيب القهوة
لمياء : يلا وانا معاكم بشوف البنات وينهم
وأنتشروا كل وحده بـ مكان في بيت جدهم الحنون الدافي
لمياء دخلت الصالة وشافتهم : الحين أنتوا ماتقولون لي وش تسوون هنا وتاركين الشغل علينا
خزامي : ولا شي جالسين كذا بس
لمياء : أدري ماوراكم فايده قوموا معي
بثينة : وش تبغين فينا ترا ماراح اسوي شي ،
لمياء : مانبي منك شي يارفلة بنجلس نتقهوى
خزامي ناظرتهم وكانت ماسكة الضحكة عشانها تعرف لمياء بتسدد لها وحده ، شافتها لمياء : وراك شوي وبتنفجرين طلعيها لا تفطسين علينا
خزامي ماقدرت تمسك ضحكتها أكثر وضحكت : ياخي ذبحتوني لازم تتهاوشون انتي وهي
دخلوا عليهم الجازي والبندري
البندري : ضحكونا معاكم
لمياء وهي تهز رجلها  : أبد أنتظر المتردية والنطيحة يقومون
ضحكوا البنات عليها
  الجازي : يلا ياعجايزنا قوموا
البندري : خلونا منهم بنات عمي علي ماراح يجون
خزامي : على كلام عمي يقول عند خوالهم عزيمة ولا جو
بثينة : لهم فقدة والله مشتاقة لهم
لمياء : كلنا والله
______________________________
~ عيال الشيخ صالح ~
حسين : ماكننا تأخرنا على البيت
فهد : الا والله بس الشكوى لله نصبر شوي لمن يجي الرجال
باسل : صبرنا بما فيه الكفاية ولا جاء وشكله ماهو جاي
حسين : قوموا نروح البيت تأخرنا ولا احد يدري عننا وأبوي اكيد انه بيضيق
باسل : مشينا ماعاد فيني حيل
فهد : خلونا نخلص شغلنا معه بس ولا عاد بنشوفه
باسل : بتنتظر لحالك بكيفك انا ماعادني قاعد
حسين : وانا بعد
فهد : دامكم بتمشون وش يقعدني لحالي أنتظره
حسين : توكلنا على الله
باسل : فهد دق على الرجال وكنسل المقابلة
فهد : أن ماخاب ظني أنه كذاب
باسل : هو كذاب من يومه لكن الايام جبرتنا عليه الله يقلعه
فهد : أنشهد
______________________________
~ الجدة منيرة وبناتها وحريم عيالها ~
بدور : اي شلونكم بشروني عنكم
أم محمد : الحمدالله أبشرك بخير ونعمة أنتي شلونك
بدور : ياعساها دايمة
بخير دامكم بخير
أم نايف : وين أنتصار
الجدة منيرة : بالمطبخ ماخلتني أكمل طبخ
أم محمد : ياخالتي مايصير كل جمعة أنتي اللي بتطبخين وتسوين
أم نايف : اي والله مايصير حنا عندك وحفيداتك عندك اطلبي وتبشرين
الجدة منيرة : اي الله لا يخليني لا من حريم عيالي ولا من حفيداتي وبناتي
الكل : أمين ،
دخلت عليهم أنتصار مبتسمة : ماشاءالله الله يوسع صدوركم بالعافية
الكل : وياك
بدور : تعالي تقهوي وأرتاحي شوي
أنتصار : أن شاء الله
الجدة منيرة : وين البنات
أنتصار : مضبطين لهم جلسة وقاعدين يسولفون
أم نايف : ماتعجبهم جالستنا ، ضحكوا من أم نايف
بدور : خلوهم لهم سوالفهم الخاصة
أم محمد : الله وأكبر يـ هالسوالف
الجدة منيرة : خلوهم على راحتهم لا تقولون لهم شي ولا تزعلونهم ، أنتصار : تراك مدلعتهم كثير يمه
الجدة منيرة : يحق لي أدلعهم دامهم حفيداتي
بدور : الله يخليك لهم ويخليك لنا
الكل : امين
أنتصار : مايصير يمه كلنا بناتك دلعينا مثل ماتدلعينهم
الجدة منيرة : دلعتكم لمن كبرتوا خلاص هالوقت وقتهم
أم نايف : أجل  الله يهنيهم بوقتهم