"اليوم الثاني"
~ غزاي بن طلال وفيصل بن هزام بالحد الجنوبي ~
فيصل صرخ للشباب بأعلى صوت : ياعيالللل غزاي تصاوب ، غزاي تسمعني
غزاي : أشهد أن لا إله....
فقد وعيه أخذ فيصل موية ويحاول يصحي غزاي لكن ماصحى
فيصل : تكفى ياغزاي تكفى ياولد عمي
عبدالله جاء يركض بخوف شاف غزاي طايح غرقان بدمه وفيصل عند راسه ويبكي مسك فيصل ويهزه : حي حي ، تكلم يافيصل حي
فيصل ببكى وأنهيار : مدري مدري تكفى ياعبدالله ولد عمي لا يروح من يدينا تكفى
ترك عبدالله فيصل وراح لـ غزاي يتطمن عليه ويشوف نبضه عايش ولا ميت : حي يافيصل غزاي حي بس مغمى عليه
فيصل بفرح سجد سجود شكر : الحمدالله والشكر لك يارب الحمدالله
سلطان جاهم بعد ما قدر أنه يقتل واحد منهم ويأخذ الثار : بشروني عساه عايش عبدالله : الحمدالله بس خلونا نشيله نداوي جرحه شدو الهمة
فيصل شاله بدون مساعدة : بسم الله فكوا لي الباب بسرعة
سلطان : يلا يلا ، عبدالله جيب سلاحه واغراضه
______________________________
~ بيت الشيخ صالح ~
باسل : اسمع يابلال جبتك عشان تصير قهوجي وتلبي طلبات الوالد والاهل بلال : تبشر أن شاء الله
باسل : تعرف كل شي ولا نعلمك
بلال : لا مايحتاج خبرة 16 سنة
باسل : كفو ،
بلال : كفوك الطيب
باسل : يبه جبنا لك قهوجي ويساعدك
الشيخ صالح بطرف عين : زين زين
باسل ضرب ظهر بلال : يلا يالذيب بترك انت والوالد وسو اللي قلت لك عنه ولا تضايق ابوي
بلال : ابشر
الشيخ صالح : هيه انت
بلال لف له : هلا
الشيخ صالح : صب لي قهوة
بلال بـ استفزاز : طيب
الشيخ صالح : يلا واذا خلصت سو الشاهي ماسويناه
بلال : ان شاء الله
الشيخ صالح : يلا عشان توديني بيت اخوي ولا تقول لـ احد واذا علمت حسابك بيكون عسير تسمع
بلال بتأفف واستغراب : ان شاء الله
______________________________
~ بيت أبو راضي ~
راضي : أنتم زوجتوني غصب وحده انا ما ابيها وسكت عشانكم وما زعلتها لكن تبوني اجيب منها عيال لا والف لا
أبو راضي بـ عصبية : وش هالكلام زوجتك عشان مصلحتك بنت أبو ناجي ماتصلح لك ولا نبي عيالنا يطلعون مثلها
راضي : ليه وش فيها وش ناقصها انت ذبحتني يوم زوجتني وحده ما ابيها يـ يبه ذبحتني
أبو راضي : فيها انها سمراء ولا هي من بنات القبايل
راضي بصراخ : الحين صارت ماهي من بنات القبايل ولا عشانها رفضتك وقالت لك انها تبيني وماتبيك
راضي صدم الكل بكلامه وخاصة امه
أبو راضي بـ عصبية : وقص يقص لسانك ياقليل الخاتمة ترفع صوت علي راضي بصراخ : اي ارفعه وبرفعه زوجتني ورضيت لكن تتدخل بـ أموري الخاصة مايحق لك
أبو راضي فقد سيطرته وضربه كف : اطلع ياعاق اطلع ولا عاد توريني وجهك
راضي : بطلع لكن مو قبل ماتسمع مني هالكلام اللي بقوله وتخليه بـ أذنك مثل الحلق ، احفظ وجهي زين هذي اخر مره بتشوفه ومن بعد اليوم وجهي عن وجهك حرام لا انا ولدك ولا انت ابوي
طلع ومتسارعة خطواته عشان ما احد يشوفه ودموعه تنزل ويصير بـ عيونهم ضعيف ترك امه وزوجته اللي تعبت من كثر مابكت منه وعليه
______________________________
~ بيت الشيخ سعد ~
راكان : تبون شي بطلع
أم راكان : وين ياوليدي
راكان : بشوف لي شغل طفشت من قعدة البيت
أم راكان : زين الله يحفظك
طلع راكان على صوت ضرب الباب وفتح : نعم خير وش هالضرب ذا كله
الشيخ صالح : نعامة ترفسك ياللي ماتستحي وين امك
راكان : وش تبي فيها ما انت محرم لها
الشيخ صالح دفه وطاح : هذا اللي ناقص يتطاول على عمه ، مزنة يامزنة طلعت أم راكان : وش جابك ياللي ماتخاف ربك
الشيخ صالح : جاي ابي اقول لكم شي وخاصة بناتك
رهف : وشو
الشيخ صالح : بزوجكم يوم الجمعة تجهزوا وبيضوا وجهي خلوني استفيد منكم واطلع فلوس وطلع بوكه وحذف عليهم فلوس ، هاكم ذي دبروا حالكم فيها
سديم خذت الفلوس وحذفتها عليه : خذ فلوسك زواج ما احنا متزوجين راكان ماسك أعصابه : تبي تزوج زوج بناتك ماشاءالله عندك 4 بنات زوجهم واستفيد منهم ويلا أطلع
أم راكان : أطلع من بيتي ياللي ماتخاف الله ولا عاد اشوفك جاي وبناتي ماراح ازوجهم عندك بناتك
مسكه راكان وطلع برا وقفل الباب بوجهه
______________________________
~ بيت العم علي ~
عبدالمجيد : السلام عليكم
الكل : وعليكم السلام أرحبوا يالله حيهم
عبدالمجيد : البقى
أبو حازم : يالله حيه شلونك
عبدالمجيد : الله يبقيك والله بخير شلونك انت بشرني عنك
أبو حازم : والله بخير دامك بخير
حازم : والله لك فقدة فاقدينك
عبدالمجيد : ماتفقدون غالي عاد انت اكثر واحد مرتاح مني هالفترة ما احد يزعجك ولا يقومك غصبٍ عليك
حازم : في ذي صدقت والله اني ارتحت
عامر : كيف السفرة ان شاء الله انبسطتوا
عبدالمجيد : الحمدالله كان ناقصها أنتم
أبو حازم : المرات الجاية ان شاء الله
عبدالمجيد : ان شاء الله وين امي وخواتي ما شفتهم
عامر : داخل
عبدالمجيد : اجل بدخل اسلم عليهم واجي
حازم : لا تبطي مضبط لك قهوة
عبدالمجيد ضحك : أبشر
~ عند الحريم ~
أم حازم : يالله حيها تفضلي
الهنوف : البقى ياخالة
أشواق : نورتي البيت
الهنوف : منور بوجودكم
أم حازم : عساكم بخير
الهنوف : الحمدالله الكل : دوم يارب
أبتهال : مشتاقين لكم والله
الهنوف : والله وأنتم بعد اشتقنا لكم
عبدالمجيد : السلام عليكم
الكل : وعليكم السلام
أم حازم : ياهلا بـ حبيبي ياهلا
عبدالمجيد : ياهلا بك يمه حي هالشوف اللي يرد الروح
أم حازم : ياقلبي وشلونك عساك طيب
عبدالمجيد : الحمدالله
أم حازم : ياعسى دوم
عبدالمجيد : وشلونكم ياعناقيد البيت
أشواق : الحمدالله
أبتهال : بخير
أنت تقرأ
كل دارٍ تضمك ليتها صدري وكل عينٍ تشوفك ليتها عيني
General Fictionأن ضايقوك الخاليق وأزعلوك ماعليك الا تزهمين حبيبك وكل ناسك وأبشري بسعدك ياقوت شريان . "رواية جديدة وحكايا جديدة ، أتمنى تنال رضاكم ولا أستبيح أقتباسها " "بعض من أحداث الرواية واقعية" للكاتبة : أمواج
