كل دارٍ تضمك ليتها صدري وكل عينٍ تشوفك ليتها عيني

بارت 9

~ بيت ابو نوف ~
ابو نوف : وش جابك ياخسيس
راضي : عن الغلط انا جاي اطلق بنتك وامشي
ابو نوف : ابرك الساعات وأسعدها والله فكه بنتي منك
راضي : وينها خلها تجي تسمع طلاقها نادها
ابو نوف : لا ماهي طالعة طلقها ورح باللي مايحفظك
راضي : طيب .. بنتك نوف طالق وبالثلاث
ابو نوف : يلا رح ولا عاد اشوفك اذلف
نوف : مو قبل مايسمع اللي بقول له
راضي : خير وش عندك قولي
نوف : يارب تشهق بـ البكى وامك تصيح خايفةٍ عليك تغسلك بماي مقري
ياجعلك بين العرب كأنك بليس
وتخسف بك الارض منا ومنا
هذي سبايبك فيني ياعلك تطيح
وكل دكتور يشوف حالك يقول مدري
راضي : خلصتي ؟ بردتي قلبك ؟
نوف : مايبرد قلبي لين اشوفك مثل المريض اللي كل من شافه يقول ماله علاج
راضي : زين زين
ابو نوف : يلا يلا اطلع ولا عاد توريني رقعة وجهك مره ثانية
_______________________________
~ بيت الشيخ صالح ~
بشاير بصراخ : يببببه , طلعت الجدة سارة وباقي بناتها وعيالها
الجدة سارة : ياوييييييليييي ياويللللييي صالح مااات
فهد بصدمة : اكيد مزح مو حقيقة ابوي ما مات ابوي حي
باسل سمع الصراخ وركض يدخل يشوف : علامكم وش فيهه من مات من
بشاير : ابوي يـ باسل ابوي مااااااات مقتول
باسل : لا لا ابوي ما مات ما مات لا
حسين : لا اله الا الله من قتله مننن
فهد : ان لله وان اليه راجعون الله يرحمه ويغفر له
خلود : يعني خلاص هذي اخر مره بنشوف فيها ابوي ماعاد بنجلس معه الصباح ونسمع سواليفه
سلوى : ما اقدرررر اتخيل ايامنا بدونه ليتني انا اللي مكانه وهو بقى حي
الجدة سارة : لا حول ولا قوة الا بالله الله يرحمه ويسكنه فسيح جناته يارب العالمين ، شيلوه وغسلوه خلونا نصلي عليه وندفنه
باسل ببكى وانهيار : راح الغالي راح
فهد : اذكر الله اذكر الله راح عند ربه عند اللي ارحم مننا
الكل كان مصدوم مو مصدقين وفاة ابوهم ولا عارفين مين قتله
_______________________________
~ مجلس الشيخ نايف ~
بدران : ياجدي صالح مات
الشيخ نايف : وشوو من علمك
بدران : توه سرور علمني
الشيخ نايف : لا حول ولا قوة الا بالله شلون مات
بدران : يقولون مات مقتول و ما احد يدري من قتله
الشيخ نايف : ان لله وان اليه راجعون الله يرحمه ويغفر له
ابو نايف : بتروح تعزيهم يبه ولا لا
الشيخ نايف : اكيد مهما كان بيني وبين ابوهم لازم اروح اعزيهم
ابو محمد : توه اليوم متوفي خلها بكره ونروح كلنا معك
الشيخ نايف : خلاص على خير ان شاء الله
ابو حازم : والله اني متثاقل روحتنا لهم بعد كل اللي سووه معنا في عيالنا
الشيخ نايف : مهما كان ياولدي الحين الرجال راح عند ربه ولازم نعزي عياله وقرايبه فيه
ابو حازم : اللي تشوفه
الشيخ نايف : رح وانا جدك علم جدتك وعماتك قل لهم جدي يقول البسوا عشان اوديكم لهم
بدران : ابشر تامر امر الحين اروح
الشيخ نايف : قل لـ جدتك تقعد عندهم لين العشاء وجبها انت
بدران : على خشمي تبشر
_______________________________
~ بيت مقرن بن نافل ~
ابو موسى : يالله حي احفاد الغالي
حازم : الله يحييك ويبقيك ياعم
ابو موسى : شلون نايف بشروني عنه
حازم : ابشر بخير وصحة يارب لك الحمد
ابو موسى : الحمدالله ، ياماجد ماجد
ماجد : لبيه
ابو موسى : رح جب ذبيحة بنعشي الغاليين
شريان : لا والله مايجيب شي حنا جايين عشان اغراض وبنمشي الله يكثر خيركم ويغنيكم ويزيدكم من فضله
ابو موسى : بس هذا عيب تجون من طريق فوق 100 كيلو ولا نقوم بواجبكم
شريان : خيرك سابق والله اننا مستجعلين ولا نقدر نمدد قعدتنا فالرياض ابد
ابو موسى : خلوني اذبح ذبيحتكم وخذوها معكم
حازم : لا والله ماتذبح ولا يروح احد ماتقصر الله يكثر خيرك
ابو موسى ضحك : على هواكم وسلموا لي على نايف سلامٍ كثير وقولوا له لنا زيارة قريبة ان شاء الله
حازم : يوصل ان شاء الله يلا مع السلامة
ابو موسى : في حفظ الرحمن ،
طلعوا من عند ابو موسى وتوجهوا للسوق ياخذون كم غرض حق الطريق
حازم : انا بدخل الدكان وبجيب اغراض للطريق
شريان : وانا بروح اشوف لي محطة اعبي بنزين انت انتظرني هنا
حازم : طيب
_______________________________
~ ام عبدالعزيز وبناتها ~
نجوى : ما عجبني شي صراحة مافيه شي حلو
قوت : عن الكذب كل البضاعة جديدة وحلوه بس ماتبين تعبتي ماتشوفين لك فستان للملكة
نجوى : والله مافيه شي حلو السوق هالايام ماش
ام عبدالعزيز : صادقه كل البضايع ماش مافيه شي يفتح النفس مثل لبسنا لبس جيل الطيبين
قوت : حرام عليكم والله البضايع تجنن وكلها تصاميم مصممات ازياء
نجوى : ما اعرف بس ما اعجبني شي بـ هالمول يمكن لو نروح مول ثاني نلقى فساتين وبضاعة حلوه
ام عبدالعزيز : اجل يلا توكلنا على الله
قوت : وين عبدالعزيز يمه
ام عبدالعزيز : راح مع عبدالمحسن يجهزون للملكة
قوت : ولا يكون بنروح للمول مشي
ام عبدالعزيز : اي
قوت : لا ياربي تكفين يمه ما ابي
نجوى : وش ماتبين اقول امشي واتركي الدلع مو وقته
طلعوا من المول للمول الثاني وكان شريان واقف ينتظر حازم ويلحقونهم شباب
قوت لفت لهم : نعم خير وش تبون ورانا
رائد : كلمة ولو جبر خاطر
قوت : ويع ويع
رائد مسك قوت وصرخت : بعدد يدك ياكلللب بعد
وصرخوا كلهم وانتبه لهم شريان ونزل يركض يفزع
مسك رائد مع رقبته : تعرفونه ياخالة
ام عبدالعزيز : لا ما نعرفه
شريان : ياكلب ياواطي وش تبي فيهم هاااه
رائد بخنقة : ما مالك دخل فيني ولا فيهم شيل يدك وقابلني
شريان : تعال والله لـ انهيك عن بكره ابيك والله
حازم طلع على الاصوات والهوشة وشاف شريان متعارك مع شباب وحذف اللي بيده وركض : شررريييياننن فكه ياشرييان لا تبتلي فيه فكه
شريان : والله لـ اربيه والله يتعرض لـ محارم الناس وش يحسب الدنيا ماهيب سبهللة وعلى كيفه
سدحه شريان على الارض وطاح فيه ضرب وتبقيس لما قال بس واستوقفه صوت ام عبدالعزيز : خلاص ياوليدي فكه خلاص ، فكه وناظر فيه وضحك :
أما توردها مواريد الأبطال
ولا استرح خل المعارك لـ أهلها
قام رائد وهرب لـ اخوياه اللي هربوا قبله
شريان : هاه توصون على شي ياخالة
ام عبدالعزيز : سلامتك
حازم سحبه وراحوا للسيارة : وش سويت انت
شريان : ماتحمل لي عقلي اشوفه يتحرش فيهم واسكت
حازم : خله باللي مايحفظه ماكان له داعي تسوي كذا
شريان : خلاص ياحازم لا تقعد تحاسبني الحين