~ بيت العم سعود ~
أم حازم : أشواق أمي
أشواق : لبيه
أم حازم : حبيبتي خذي البخور حطيه بالمجلس عشان جدتك مايكتمها
أشواق : أبشري
أبتهال طلعت : خلصت القهوة
الجدة فاطمة : تسلم يدينك ياحبيبتي
أم حازم : خالاتك وينهم
أبتهال : يرتبون الاشياء والاغراض اللي جابها جدي
الجدة فاطمة : اي يابعد حيي حيكم أبيكم تبيضون وجهي قدام الضيوف
أم ياسر : وجهك أبيض أن شاء الله
أم حازم : أبشري بسعدك وأنا بنت سعود
أم ياسر : كفو
الجدة فاطمة : كفو والله بـ بنيتي
أم حازم : كفوكم الطيب
أبتهال : أنا بروح للبنات داخل تبغون شي
أم حازم : لا
الجدة فاطمة : عطوني التيلفون بدق أعزم جارتي
أم ياسر : ليه ما عزمتيها أمس
الجدة فاطمة : لا والله راح عن بالي نسيت
أم ياسر : أبشري الحين اجيبه
أم حازم : بدخل المطبخ أشوف وش سوو البنات
الجدة فاطمة : زين وناديهم وأنتي جاية
أم حازم : أبشري
______________________________
~ جلسة أحفاد الجد نايف قدام البيت ~
بدران : شريان وش كانت تبي منك جدة
شريان : اي سو نفسك ماتعرف وش تبغى
حازم : لا يكون اللي مايعرف له الا أنت
شريان : هو ماغيره وأنا مدري هي شايفتني ملاك وحلال معجزات ولا وش بدران : أكيد بتشوفك ملاك سمي أبوها ما أنت شخص عادي والسلام
شريان ضحك : ياجعلني والله قبلها
العيال بصوت واحد : امين
أنصدم شريان وجاء بيحذفهم بالدلة وصرخوا بضحك : شريان لا هد نمزح معك ياخي
شريان : ياشينكم أنتم ومزحكم ذا أنا اقوم ادخل احسن لي
قام وطاحت عينه على بنات جايين يمشون صد بحرج : أخو العيال
حازم : شفيك
شريان : الله يقلع عدوكم
بدران وقف بيشوف وش شاف وشافهم عض شفته : يويل حالي جمالهم خبطني على قلبي
شريان : وجع خبطك اللي ماياوي لك صد فشلتنا
حازم : وش شفتوا ياعيال
وقف بيشوف رفسة شريان على رجله وطاح وأرتاح انه ماقام
حازم : رجلي ياحمار
طلع لهم نايف وأنجلط شريان : ياحبيبي كملت ماكان ناقصني الا ذا
______________________________
~ مجلس الشيخ صالح ~
باسل : وهذا حنا تجمعنا مثل ما طلبت سم
الشيخ صالح والشرار يطلع من عيونه : أنتم ماتعلموني وين تروحون ولا وش في روسكم
فهد : مافي روسنا شي طلعنا عشان شغل ورجعنا
الشيخ صالح : وش شغلكم ذا اللي من فجر ربي للحين هاه
حسين : شغل يخص الحلال وخلصناه ، حسين ماكان حاس انه جاب فيهم العيد وورطهم وورط نفسه
الشيخ صالح : يخص حلالي وساكتين ولا علمتوني
جاء بيتكلم حسين وتنحنحوا عشان يسكت
الشيخ صالح : وش علمكم
باسل : سلامة راسك الشيخ صالح : هاه علمني وش رحتوا تسوون أخلص ، هنا خلاص بردت عظامهم وخايفين حسين يجيب العيد ويفضح شغلهم لكن أرتاحوا من دخول أمهم اللي أخذت أبوهم لـ ضيفه
فهد : خبل انت خبل ليش تقول كذا تبي تورطنا
حسين : ما ابيه يشك في شي ومالقيت الا هـ الحل يخلصنا
باسل : انت بـ ذكائك ذا ما خلصتنا الا وهقتنا وش بيفكنا من أبوي
فهد : خلاص خلاص أقصروا الصوت الحين يسمعونا أمشوا نطلع برا يلا طلعوا وهم عارفين أبوهم بيرجع يسألهم ويعيد ويكرر نفس الكلام
______________________________
~ بيت عبدالإله ال عامر ~
أم عبدالعزيز : عبدالعزيز وينك
عبدالعزيز : سمي
أم عبدالعزيز : خواتك يبون السوق
عبدالعزيز : طيب أبشري على خشمي بأخذهم تأمرين على شي غيره
أم عبدالعزيز أبتسمت : لا ياحبيبي سلامتك
عبدالعزيز : الله يسلمك ياعيون عبدالعزيز
أم عبدالعزيز : ياقليبي انت بروح أشوفهم
عبدالعزيز : بنتظرهم برا لا يطولون
أم عبدالعزيز : زين زين
نجوى : يلا ياقوت خلصينا
قوت : ياخي دقيقة ، نجوى : ترا رايحين سوق ماله داعي كل هالكشخه قوت : ما أحب اطلع بدون ما اتكشخ اخاف تشوفني وحده وتنعجب فيني وتخطبني
نجوى : والله لو تسمعك أمي فصلت رقبتك عن جسمك
قوت : شدعوة أمي حليلة ماراح تسوي لي شي
دخلت أم عبدالعزيز : يلا عبدالعزيز ينتطركم برا
نجوى : يلا بنطلع له
______________________________
~ بيت بندر ال عامر ~
عبدالمحسن بـ حديقة بيتهم :
تعال ياكل الغلا حزة الشوق
ما أبيك تبطي لين تضمى عروقي
أنت الوحيد اللي أحبه وأداريه
وأنت الحياة يانبض قلبي وعمري
جنى : تحبها ؟
عبدالمحسن : مو بس أحبها الا ميت في هواها
جنى : مشتاق لها ؟
عبدالمحسن : حيل والحيل أحسها بـ حقها قليلة
جنى : أخطبها
عبدالمحسن : ودي ياجنتي واليوم قبل بكره لكن عوقي الوظيفة مالقيتها
جنى : مو شرط لما تتوظف أخطبها وبعد الوظيفة تزوجها
عبدالمحسن : أخاف ماتبيني
جنى : شدراك
عبدالمحسن : أحساس
جنى : مو كنت تقول الأحاسيس كذابة وش غيرك
عبدالمحسن : مدري
جنى : لا تقلق بحاول قد ما أقدر أني اعرف شعورها تجاهك من غير ماتحس
عبدالمحسن فز : صدق
جنى : اي
عبدالمحسن : امانه جنى بلا كذب
جنى : وش شايفني بزر قدامك أكذب عليك
عبدالمحسن ضحك : لا حشى لكن مدري وش جاني
جنى بـ أبتسامة : يارب هالضحكة دايمه
______________________________
~ بيت الشيخ سعد رحمة الله ~
سديم : لـ متى وحنا كذا عايشين تحت رحمة عمي ترا والله تعبت
أم راكان : يابنتي قولي الحمدالله تعرفين عمك شراني ولا ودنا نقول شي رهف : منجد يمه من بعد وفاة أبوي وعمي أخذ ورثنا كله شوفي حاله وشوفي حالنا أكل حقنا وسكتنا بس لـ متى بنسكت
راكان : قسم بالله العظيم وبالله الكريم حقنا بيرجع لنا وغصب عنه لكن اصبروا علي
أم راكان : تعوذ من بليس ياولدي عند الله مايضيع شي انت سندنا بعد ممات ابوك لا تكسرنا وتتركنا بدون رجال
راكان : ماراح يصير الا الخير وبأذن الله حقنا بيرجع قسم بالله أن يندمون على كل شي سووه فينا ابوي مات من قهره على اخوه وليت اخوه خاف الله فينا ماهمه الا الفلوس والدنيا واللي فيها
رهف : راكان معاه حق يمه عمي متى فكر فينا ولا تذكر أن عنده عيال اخو ايتام لولا الله ثم خالة سارة وش كنا بنسوي كل شي يجينا كان يجي بدون علمه تعرفين ليش عشانه لو عرف بيقلب الدنيا علينا ياخي تعبنا والله العظيم تعبنا ، سكتوا من بعد كلام رهف
أم راكان : حسبي الله عليك ياصالح
______________________________
~ في قطر ~
عبدالمجيد : يلا يـ الهنوف جهزي الشناط بنرجع الديرة
الهنوف : تكفى مدد السفرة كم يوم
عبدالمجيد : ما أقدر يـ أمي عندي شغل فالديرة
الهنوف تأففت : لو ماعندك شغل ماكان وافقت نرجع الديرة
عبدالمجيد : وعد مني لك ونذرٍ علي أني اعوضك بالمرات الجاية أن شاء الله وخلص شغلنا هنا وش له نقعد
الهنوف : طيب بطلبك طلب
عبدالمجيد : اطلبي عيوني لك
الهنوف : ابي اروح سوق واقف بشتري هدايا
عبدالمجيد : تم والله ما أردك وانا ولد علي
الهنوف : بروح ألبس وأجهز الشناط
عبدالمجيد : يلا لا تطولين بنطلع من سوق واقف على طول بنمشي للديرة
الهنوف : طيب
عبدالمجيد : بنزل للاستقبال اسوي تشيك أوت
الهنوف : لا تطول عبدالمجيد : على خشمي وأبشري ومن عيوني وسمي ياحبيبة عبدالمجيد وروحه
أبتسمت الهنوف وبصوت متذبذب : أحبك
عبد المجيد : يويل حالي أموت فيك وأعشقك بجنون
أبتسمت الهنوف من حُب عبدالمجيد لها ومن حُبها له حُب طفولة أصبح حقيقة وواقع يابختها فيه ويابخته فيها
أنت تقرأ
كل دارٍ تضمك ليتها صدري وكل عينٍ تشوفك ليتها عيني
General Fictionأن ضايقوك الخاليق وأزعلوك ماعليك الا تزهمين حبيبك وكل ناسك وأبشري بسعدك ياقوت شريان . "رواية جديدة وحكايا جديدة ، أتمنى تنال رضاكم ولا أستبيح أقتباسها " "بعض من أحداث الرواية واقعية" للكاتبة : أمواج
