كل دارٍ تضمك ليتها صدري وكل عينٍ تشوفك ليتها عيني

بارت 18

~ جلسة البنات وتأمل اجواء الديرة ~
جنى : ماتوقعت الاجواء كذا مررررا حلوة تبارك الرحمن
نجوى : ولا انا توقعت انها سيئة لكن تفأجات بالاجواء
جنى : احس يبي لنا طلعة بر ومخيمات الله
قوت : انا كل هذا ماهمني ولا اعنى لي شي لكن اللي صدمني صدمة عمري انه اللي دافع عننا طلع حفيد شيخ هالديرة
جنى : تصير عادي بس يمكن عشانك ماتوقعتي انه بيوم من الايام بتجبرك الظروف وتجين هالديرة وتشوفينه
قوت : يابنت الحلال انا توقعت اني اشوفه بكل مكان حتى بمنامي لكن ماتوقعت اني بشوفه ولا وبالديرة بعد ويطلع حفيد شيخ واحنا ياغافلين لكم الله
نجوى : واحنا هذاك الوقت وش كان يهمنا ولا وش بنستفيد اهم شي انه دافع عنك يوم لمسك الحيوان ذاك وبس واحنا كذا ولا كذا راجعين للرياض يعني عرفناه ولا ماعرفناه ماتفرق
جنى : صح صادقه يعني هل لو عرفتي هو مين ووش اصله ومن وين بتهتمين وبيهمك الموضوع ؟
قوت : الصراحه لا مابهتم ولا بستفيد شي بس كذا
جنى : هاه شفتي مو قلت ماراح تهتمين لو عرفتي
نجوى : هي ولا عمرها اهتمت والدليل الحين تقول مابستفيد شي خلاص دامك ماتهتمين لا تشغلينا
______________________________
~ بيت مقرن بن نافل ~
نريمان : مامتي الحلوة كيفك كويسة ان شاء الله بخير
ام موسى : اشبك ليش هالحركات ذي وين تبي تطلعي
نريمان : انكفشنا مامتي ابغى اروح المول اشتري كم حاجة ونجلاء حتروح معي
ام موسى : اخذتي الأذن من ابوك
نريمان : ايوا وقال لي قولي لـ امك اذا وافقت روحوا
ام موسى : خلاص روحوا بس لا تطولوا ما احنا ناقصين هواش من ابوك واخوانك
نجلاء : ماعليك ياماما بنخلص وبنرجع ممكن عالساعة 12 انا بالبيت ماراح نطول اكثر
ام موسى : ايش ايش ؟ ايش اللي عالساعة 12 انتوا حابين تفضحونا اليوم والله لو يعرف ابوكم والله ان يذبحكم
نجلاء : طيب عالساعة 10 كذا كويس ولا لا ؟
ام موسى : ايوا كويس لا تطولوا اكثر من الساعة 10 حدكم هالوقت وان تأخرتوا بالكثير لـ 11 فقط سامعين
نريمان : خلاص ياماما اللي تبغين يصير الساعة 10 خلاص 10 احنا بالبيت
ام موسى : يلا روحوا ودامكم طالعين برسل لكم اغراض للبيت مروا السوبر ماركت وجيبوها
نريمان : خلاص ابشري راح نجيبها
______________________________
~ بيت العم علي ~
الهنوف : يالله ياعبدالمجيد مشتهية بيبسي مع ثلج وفوقهم عصرة ليمون وملح
إبتهال : وش هالوحام الغريب ذا
عبدالمجيد : وش غيره عشان ما اروح وارجع مره ثانية اجيب شي
الهنوف : ياخي روح جيب هذا الحين وبعدها يحلها ربك
أشواق : خلك على استعداد لـ اي وقت ممكن تقول لك متوحمة على هذا وابغى هذا والله يكون في عونك
عبدالمجيد : ياخي انا وش الله قردني وخلاني افكر اجيب ورع كان انثبرت وقعدت لين احس اني على استعداد
الهنوف : ياويلك من ربي تقول عن ولدك ورع
إبتهال : اجل وش تبين يقول ؟ بيبي مثلاً
الهنوف : ايه بيبي مايصير دفش كذا ويقول عنه ورع ترا ما ارضى عليه رح جيب اللي وصيتك عليهم اخلص
عبدالمجيد : يالله يالله رايح الله يعيني ويصبرني
أشواق : يلا وبلا كثرة كلام انت وياها ازعجتونا نبي نريح
الهنوف : يالله عسى مايجي دور هالسنة الا وانتي تعانين معاناتي عشان تعرفين ان الله حق وماتقعدين تتفلسفين
أشواق : فال الله ولا فالك فكيني ما افكر بالعرس ابد
الهنوف : يارررب تجيبين 9 عيال عشان تتوبين عن الفلسفة اللي مالها داعي
أشواق : اهبي انا اقول اسكتي لـ اقوم اخذك رايح جاي
إبتهال ماتت ضحك : أهخ ياربي رباااااه بطني حسبي الله ارحموني
______________________________
~ بيت ابو راضي ~
راضي : تكفى يبه تكفى امش معي اخطبها لي والله اني بموت لو ماصارت حلالي
ابو راضي : والله لو تجيني على رجولك راكع ما رحت خطبتها مهبول انت مطلق بنت الاوادم والاجاويد ورايح تراكض ورا وحده الله يعلم كم كانت تعرف قبلك مانيب خاطبها لك لو تنقز ولو يجيك مرض ويقولون هي علاجه مارحت تسمع !!
راضي : طيب ليه وش السبب ليه ماتبي تشوفني مرتاح بحياتي ومع اللي احبها لهدرجة مستخسر تشوفني مرتاح !
ابو راضي : اشوفك مرتاح مع اللي جايزٍ لي وبنت اجاويد ماهو بنت ابو ناجي هالبزر اللي ماتعرف وين الله حاطها
راضي : هذاك انت خطبتها ليه ماقلت لعمرك انها بزر ولا تعرف شي ولا تدري وين الله حاطها
ابو راضي : تراددني ياكللب انت مالك علي كلام ولا انت وليٍ علي انا اسوي اللي ابيه مالك دخل انا ابوك بحاسبني على اللي بسويه ولا ماراح اسويه هذا اللي ناقص بعد بزر ويراددني
راضي : طيب انا ما ابي الا هي والله لو يجي عمري فوق الـ 50 سنة ما اعرست بغيرها زوجتني غصبٍ عني وسكت وطلقتها برضاها لكن الحين مانيب ساكت وانا اللي بروح اخطبها منة الله ولا منتك
ابو راضي : اذلف اذلف الله لا يبارك بـ اليوم اللي جبتك فيه وانربط اسمك بأسمي اطلع من هالباب وهذي اخر مره اشوفك فيها ياعاق ياخسيس اذلف الله يغضب عليك من عنده يالله
راضي : طيب انا طالع لكن اذا سويت شي يغضب الله قبل يغضبك ساعتها لا تقعد تحاسبني
______________________________
~ الجدة منيرة وبناتها ~
بدور : الحين هذول اللي جو من الرياض كيف عرفوا شريان !
الجدة منيرة : ابوك يقول انه دافع عنهم يوم انه فالرياض وجابتهم الظروف والاشغال
بدور : غريب الناس اللي بيجيهم شغل مايجيهم فالديرة
أنتصار : يابنت الحلال مو كل الناس مثل بعضها وتنشغل بالمدن اغلبها مثلهم يجوون لديرة عشان اشغالهم
الجدة منيرة : صحيح وابوك يقول انهم مروحين كلها فترة بسيطة وماشين لديرتهم
بدور : مدري مدري احس مادخلت مخي باقي ما استوعبت
أنتصار : وش تستوعبين ماتحتاج استيعاب ابد عندهم شغل وجايين يخلصونه
الجدة منيرة : اقول بس بس خلي عندك هالكلام الماصخ وانتي يـ أنتصار رجلك متى يجي
أنتصار : الخميس ان شاء الله
الجدة منيرة : ايه الله يجيبه بخير وصحة والعافية
أنتصار : امين يارب
الجدة منيرة : يلا يلا قوموا للمطبخ ورانا شغل نبي نخلصه بدري
البنات : ابشري
بدور : مع انه تونا ولاحقين على هالشغل اللي كل يوم ينعاد لكن ابشري
الجدة منيرة : تعرفين ابوك مايحب المصاخة والكسل اللي مامنه فايدة
أنتصار : يلا الله يعين يارب العالمين