~ استراحة العيال ~
سويلم : وينكم ماعاد نتشافون تغليتوا علينا اشوف
غزاي : ماتغلينا ولا شي لكن هالعزايم والاصابة اللي يالله اتحرك منها تقول عاجز ما يتحرك من هالرجل حاجة
سويلم : لاحول ولا قوة الا بالله يارجال اذكر الله مهوب زين تفأول على عمرك ان شاء الله انك بتتشافى
شريان : علموه ارشدوه تكفون مايسمع مننا ودايم يقول انا عاجز
مشاري : اذكر الله ياغزاي وبعدين وش هالكلام تراك تضيق صدورنا
غزاي : وانا عند ربي صادق لي حول 3 او 4 أسابيع احاول احركها وماش احاول المسها ولا احس بها
قاسم : وشنوحك انت ماصقٍ عقلك لا عاد اسمعك تقول هاك الكلام
سويلم : هاه جاك الحايلي عطه ياقاسم فهمه
فيصل : هههههههه ياحليلك ياقاسم اشهد انك ذبحتني
قاسم : وانا صادز ماغير يعبط من هالكلام اللي مالوه طعم حلولات من عبط وجهك بالدلة
غزاي : هههههههههههههههههه اغد رجال اغد رجال بس وخل عنك هالكلام
قاسم : انت اللي اغد رجال ذبحتنا بـ هالكلام الماصخ اللي مالوه طعم
جابر : ياعيال صلوا عالنبي خلونا ننبسط ونغني لا تضيقون صدورنا بالهواش والكدر
شريان : اي تكفى غن لنا سكتهم شوي اصمقونا
جابر تنحنح وابتدأ يدق عوده وبصوته العالي والعذب : اذا الله كتب لك عمر بأذن الولي بتشوف وتدري بوفاي بوقتٍ عيى لا يسعدنا أحبك لو انك في ديار الخطر والخوف
الكل بتصفيق وتصفير : يامعذب الصوت زيدنا عذب
______________________________
~ بيت الشيخ نايف ~
ابو جمعان : كثر الله خيرك يـ اخوي صار الوقت اننا نرجع ماقصرت لا انت ولا اهلك وعيالك
الشيخ نايف : وراك يـ اخوي تو الناس وما استانسنا معكم اقعدو ايام مددوها
ابو جمعان : والله مانقدر ورانا اشغال وميثاء وظيفتها طالبين حضورها اعذرنا والجايات اكثر ان شاء الله
ابو نايف : ياعمي ماعليكم خلاف لو مددتوا قعدتكم بنفقدكم لو رحتوا
ابو جمعان : ياطلال وانا عمك الجايات اكثر ولنا لقاء قريب ان شاء الله
ابو محمد : على خير ان شاء الله والله ماكان ودنا تروحون لكن للظروف احكام تحكم على الناس غصب
ابو جمعان : اي والله انك صادق يالله نشوفكم على خير مع السلامة
الشيخ نايف : في حفظ الرحمن يـ اخوي وعضيدي تطمنت عنكم اذا وصلتوا لا تخلونا نقلق عليكم وانتبهوا على عماركم من الخط
ابو جمعان : ان شاء الله ابشر وانتم بعد انتبهوا على عماركم
______________________________
~ بيت ابو نوف ~
نوف : استخرت وفكرت وانا موافقة
ام نوف : الله يسخره لك ويجعله من الحبوبين في قلبك ويجعلك من المحبوبين في قلبه وماتشوفين معه الا يسر قلبك وخاطرك
ابو نوف : مبروك يابنتي مبروك اجل بلغي الجماعة انها موافقة والله يتمم لهم على خير يارب
ام نوف : ان شاء الله بعد العصر ارد لهم خبر بموافقتها
ابو نوف : زين زين والله الله بيضي وجهينا مع الجماعة يوم الملكة
ام نوف : وجيهكم بيضاء وان شاء الله اني ماقصر في شي
نوف : عندي شرط واحد بس اذا وافقوا عليه تم
ابو نوف : وشهو شرطك يابنتي قولي
نوف : ما ابي اسكن في ذيك الحارة ابي اسكن بحارتنا
ام نوف : شقصدك يعني تبين بيت لحالك
نوف : ماتفرق لحالي او مع اهله بس الحارة ذيك ما ابي اسكن فيها كفاية علي اللي مريته وانا بها
ابو نوف : خلاص اجل انا بقول له ولـ ابوه وان شاء الله خير
نوف : يبه قل له اذا انت قابلٍ بالشرط هي موافقة واذا رافض الله يستر عليك مالك نصيب
ابو نوف : ابشري وعلى هالخشم وما اظن انهم بيرفضون لكن ان شاء الله خير
______________________________
~ جلسة العيال بعد الصلح ~
راكان : الا ياعيال شرايكم نروح نزور ابوي وعمي الله يرحمهم ويغفر لهم من زمان مارحت لهم
باسل : ليش انت كنت اذا رحت لـ عمي تروح لـ ابوي بعد
راكان : اي نعم من يوم اندفن ماكنت اتركه وما ازوره حتى ولو كان يكرهني أشد الكره
باسل : عجيب والله وحنا ياعياله ومانزوره الا يوم يومين وياليتها ورا بعض يوم ايه ويوم لا
راكان بصدمة : وكيف تطاوعكم قلوبكم ماتزورونه انا يوم مات ابوي احيانا ارقد عنده وهو تحت التراب وعمي اسهر عنده لين تشرق الشمس
حسين : ماشاءالله تبارك الله خلاص اجل خلونا نروح لهم ونسلم عليهم ونجلس عندهم
فهد : يلا توكلنا على الله مشينا
راكان : اسمعوني ياعيال من اليوم ورايح من العصر للمغرب وانتم معي عندهم ما ابي يجي يوم وماتجونهم
باسل : ابد خلاص من اليوم ورايح حنا معك
راكان : هذا علينا حق ولازم مانزعلهم حتى لو انهم تحت التراب ولازم نتصدق عنهم وبأساميهم بعد
حسين : تم على خير ان شاء الله والله يكتب اجرنا ويرحمهم برحمته
راكان : اللهم امين يلا مشينا
______________________________
لحظة دخول الحرامي على قوت وجنى ~
قوت بصراخ : يمممممممه حررررررامييي الحقونا
جنى : يمه ياناسسسس ياعالم الحقونا
الحرامي : اص ولا كلمة عطوني كل ماعندكم هاتوه
قوت : والله والله ماعندنا شي وحنا بنات بالبيت لحالنا وما احنا من اهل الديرة ذي
الحرامي : حلو حلو جابكم الله عز الطلب ادخلوا الغرفة ذي ادخلوا ولا بطلق عليكم
جنى : لا ماراح ندخل اطلق علينا نموت مقتولين ولا تسوي فينا الحرام ياكلللب
الحرامي مسكها : ترادديني بعدد امشي قدامي امشي
جنى : ابعد يدك عني ياكلللببب على جثتي تقرب مني ياحييوانن
قوت مكان عندها اي حل ثاني غير انها تهرب لـ اي بيت وتطلب المساعدة منهم طلعت ركض وشافت باب بيت الشيخ نايف مفتوح وعلى طول توجهت له : الحقوني الحقوني تكفون
الشيخ نايف : بسم الله عليك يابنتي وش فيك
قوت : تكفى ياعمي انا بنت ابو عبدالعزيز دخل علينا حرامي واخذ بنت عمي وقفل عليها الغرفة تكفى الحق
الشيخ نايف بصدمة : وشهوووو ومنهو ذا تعرفينه
قوت : لا والله ما اعرفه ولا قد شفته ولا نعرف احد فالديرة ابد
شريان : انا ولدك يـ ابوي والله لا انهيه عن بكره ابيه والله
طلع شريان يركض ووراه فيصل ونايف وحازم
الشيخ نايف : ادخلي يابنتي داخل ادخلي وبنت عمك ان شاء الله مايمسها شي طلع الشيخ نايف يلحقهم دخل شريان البيت وسمع صوت الصراخ ودف الباب بقوة : اطللللع ياكلللب اطللع والله ما اخليك والله
راحت جنى تركض للباب وتفتحته وطلعت وتخبت وراهم : تكفون خلصوني منه تكفون
والكل صد لما طلعت بدون غطاء
دخل فيصل للغرفة وسحبه : تعالل تعالل والله لـ اذبحك والله
الشيخ نايف : تغطي يابنتي وتعالي معي تغطي
جنى : بنت عمي بنت عمي وينها
الشيخ نايف : بخير بخير بس تغطي وامشي اوديك لها
واما عند العيال مسكوا الحرامي وضربوه ضرب مُبرح وكتفوه وربطوه واخذوه معهم للشيخ نايف : من انت ووش تبي في بناتنا هاه علمني
الحرامي بخوف : غلطة ياشيخ غلطة تكفى سامحني
الشيخ نايف : هذي تسميها غلطة ؟ انت كنت بتسوي الحرام عشان تشبع عمرك ياكللب والله ما اخليك والله لـ ادفعك ثم غلطتك غالي والله ، خذوه وحذفوه فالمستودع ولا اشوف وجهه لين اشوف وش اسوي به
فيصل : ابشر على هالخشم سحبوه معي وجيبوه ياعيال
أنت تقرأ
كل دارٍ تضمك ليتها صدري وكل عينٍ تشوفك ليتها عيني
General Fictionأن ضايقوك الخاليق وأزعلوك ماعليك الا تزهمين حبيبك وكل ناسك وأبشري بسعدك ياقوت شريان . "رواية جديدة وحكايا جديدة ، أتمنى تنال رضاكم ولا أستبيح أقتباسها " "بعض من أحداث الرواية واقعية" للكاتبة : أمواج
