~ عصر الديرة وطلعة العيال للسوق
عبدالمحسن : انت متأكد بتعرف وين السوق لا توهقنا ما احنا ناقصين مانعرف شي هنا
عبدالعزيز : ماعليك يابن الحلال عندي بس خلنا نطلع
عبدالمحسن : والله لو ضيعنا اني لـ افصخ جلدك عن عظمك
عبدالعزيز : لا تقعد تقروشني تبي حياك ماتبي انثبر هنا
عبدالمحسن : يليل طيب طيب امري لله امش يلا
طلعوا من البيت متوجهين لرحلة البحث عن السوق وللاسف طلع لهم سرور : وش تسوون ومن انتم هاه
عبدالمحسن : وانت شدخلك من حنا
سرور شمق له : واضح انك خكيري من وجهك
عبدالمحسن : احترم نفسك احسن لك ما ابي اغلط عليك في ديرتك
عبدالعزيز : ولد صل عالنبي لا تفضحنا ليتني خليتك ماقلت لك وين بروح
سرور اللي سوا نفسه قوي وياليته من قوته سالم : مسوي فيها قوي يـ الخكيري تعال ورني وش بتسوي
عبدالمحسن قرب له ومسكه مع رقبته : وهذا انا قربت وش عندك
عبدالعزيز : ياولددد فكه لا تفضحنا مع الناس واهل ديرته والله ان يقومون عليك ويلعنون شكلك
عبدالمحسن : هو يقول تعال ورني وهذا انا جيت خلني اعلمه كيف يغلط مع الناس
سرور برعب : يبببه يببببه ألحق علييي
عبدالمحسن ناظر فيه وانفجر ضحك : هاه وين القوي او اللي كان يظن انه قوي لا تهايط يـ الخكيري عشان ما احسب الله ماخلقك اذلف اذلف
راح يركض سرور من الخوف وطاح قدام البيت وقعدوا يضحكون عليه طلع لهم فيصل : هلا والله شفيكم واقفين برا
عبدالعزيز : ياهلا بك زود والله قاعدين ندور السوق نبي لنا كم حاجة
فيصل : اقلطوا تقهوو وبعدها ادلكم عليه حياكم
عبدالمحسن : لا والله مستعجلين دلنا عليه والجايات آكثر ان شاء الله
فيصل : تأمرون امر السوق من هنا تطلعون مع اخر الشارع تروحون يسار وتدخلونه
عبدالمحسن : جزاك الله خير ماتقصر يعطيك العافية
فيصل : ولو حق وواجب
عبدالعزيز : نشوفك على خير
فيصل : ياهلا ومرحبا
______________________________
~ بيت ابو نصار ~
نصار : يمه
ام نصار : هلا
نصار : ابي اقول لك شي
ام نصار : وشهو
نصار : ابي اعرس
ام نصار شهقت : قل والله
نصار : بسم الله عليك اي والله ابي اعرس
ام نصار : يافرحة قلللببييي يافرحة قللبيي ابشر ياحبيبي طايحةٍ لي على بنت من بنات خير الاجاويد وحليلة
نصار : ومنهي ذي ؟
ام نصار : نوف بنت ابو نوف حليلة وتهبل بسم الله عليها
نصار : هذي مو اللي كان متزوجها راضي ول ابو راضي
ام نصار : ايه هذي والله ما انت محصل احسن وأجمل منها فرصة وجتك لا تضيعها ياوليدي
نصار : خلاص اجل سوي اللي تشوفينه لي زين والله يتمم على خير
ام نصار : كللللولييش ابشر ياعين امي وابوي ابشر اخلص شغلي واكلم ام نوف واخذ منها موعد قريب
نصار : على خير ان شاء الله
ابو نصار : وش فيكم
ام نصار : البشارة البشارة
ابو نصار : الله يبشرك بالخير والعافية وش هي
ام نصار : نصار يبي يعرس جازمٍ عالعرس
ابو نصار بفرح : ماشاءالله تبارك الله مبروك ياحبيب ابوك
نصار : الله يبارك فيك يارب
ابو نصار : ومن بتخطبين له
ام نصار : نوف بنت جارنا ابو نوف
ابو نصار : والله ونعم بالرجال وببنته زين ما اخترتي والله ناسٍ اجاويد وطيبين وخيرهم سابق
ام نصار : اي والله الله يتمم على خير
______________________________
~ راضي وحور ~
راضي : شسوي طيب حاولت في ابوي ورافض انه يجي يخطبك لي خليني اجي واخطبك انا
حور : ماراح اوافق لو جيت لحالك بدون ابوك وامك
راضي : وليه طيب تبين تعب كل هالسنين يروح !
حور : ابوك هذي سادس مره يرفض يجي معك وانا بدون ابوك وامك اهلي ماراح يوافقون عليك والله
راضي : خليني اجرب طيب يمكن يوالفني الحظ ويوافقون ونعرس
حور : واضح انه مالنا انت وانت نصيب في بعض رفض ابوك صارم وما اعتقد راح يغيره ويجي لانه طلب يتقدم لي ورفضته مستحيل ياراضي يوافق
راضي : ليه مالنا نصيب في بعض ليه ماعلي من ابوي اهم شي انا رايدك وابيك حتى لو انه غاضب علي بس انا للحين رايدك وابيك تكفين لا تهدمين حب سنين
حور : وانا رايدتك وابيك وميته على اليوم اللي ابوك يوافق ويجي معك لكن وش بيدينا انا بنتظرك لو اخر يوم بعمري بجلس انتظرك بس ماعاد ينفع نشوف بعض حاسة انهم حاسين علينا بس ساكتين هذي اخر مره راح نشوف بعض فيها
راضي : طيب وانا كيف بصبر من دونك تكفين لا تصيرين انتي والزمن علي شلون بتطمن عليك
حور : بالمكاتيب حط لي مكتوب هنا وانا كل يوم فالليل بطلع واخذه وارجع انت بعد ساعة تلقى الرد بمكتوب بنفس المكان
راضي بحزن : ياكسرة قلبي والله حسبي الله على من كان السبب
حور : حرام تدعي على ابوك مهما كان ذا ابوك ومالك عنه غناة مع الايام ان شاء الله بيلين قلبه عليك
راضي : حور والله اني جسد بلا روح ماتوقعت ان ابوي بيسوي فيني كذا لجل وحده الله يستر عليها ماني قادر اصبر عليها
حور : خلاص خلاص رح الحين وانا بكتب لك مكتوب وبالليل بعد صلاة العشاء بحطه هنا وانت تعال اخذه
راضي : زين زين انتظرك
______________________________
~ بيت الشيخ صالح ~
الجدة سارة : ياعيالي انا اليوم ودي اعزم خالتكم مزنة وعيالها واصلح ماكان بينكم ماودي اموت وانتم متفرقين
خلود : بسم الله عليك بعد عمر طويل ان شاء الله
بشاير : لا تفأولين على نفسك يمه والله انتي كذا بتذبحينا
حسين : فال الله ولا فالك والله لا يسمع منك يمه ياحبيبتي ياقلبي لا تقولين كذا
الجدة سارة : ياعيالي هذي سنة الحياة فيها موت وحياة وانا مايندرى ربي وش كاتب لي من عمر عشان كذا انا اليوم بعزم خالتكم مزنة وعيالها واصلح مابيننا ومابينكم
فهد : خلاص اللي ودك واللي تشوفينه بس تكفين انا طالبك طاري الموت ماتجيبينه على لسانك
باسل : واذا تبين انا اروح الحين لـ بيت عمي واعزمهم
الجدة سارة : لا لا ياوليدي انا اللي بعزمهم انتم بس استقبلوهم استقبالٍ زين وبحرارة
باسل : ابشري على هالخشم ان شاء الله
الجدة سارة : ابيكم تفتحون مع راكان صفحة جديدة بدون مشاكل وهموم خلوكم على قلب واحد وانتم يابنات سوو بالمثل مع بنات عمكم
فهد : ابشري يالغالية تم
خلود : حنا ماعمرنا زعلنا من بنات عمي ولا كانا نسوي اللي يطلبه ابوي بالعكس نحبهم وودنا نشوفهم
بشاير : ما كنا نحسهم الا خواتنا واقرب لنا من ارواحنا
الجدة سارة بـ ابتسامة رضى : الله يرضى لي عليكم ومايوريني فيكم مكروة يارب العالمين
______________________________
~ بالليل وورا الحوش نجوى وعبدالمحسن ~
عبدالمحسن : ااهخ واخيراً كحلت عيوني بشوفتك يانجواي تصدقين اني كل يوم اشتاق لك واحس اني بموت من الشوق
نجوى : وانا بعد اشتقت لك بس كنت اخاف اكلمك قبل الزواج عشان اهلي مايقولون خفيفة ماصبرت
عبدالمحسن : اموت على اللي مشتاق لي بس خايف ياروحي انتي ماعليك دام انه بالحلال سوي اللي تبغين ماسويتي شي غلط ويغضب الله
نجوى : عارفة لكن وش بيفكني من قوت وجنى تعرفهم يدورون الزلة بس عشان يطقطقون علي
عبدالمحسن : افا ليش ماعليك منهم طنشيهم اهم شي تكونين مبسوطة ومرتاحة معاي
نجوى : انا مو مرتاحة وبس الا طاير عقلي من الفرحة ماكنت اصدق اني بيوم من الايام بنصير تحت سقف واحد
عبدالمحسن : انتي حبيتي عبدالمحسن وعبدالمحسن اذا وعد ما اخلف في وعده وتممه
نجوى حضنته من الفرحة : اهخ ياربي احبببكككك
عبدالمحسن كان بيحضنها وبعدت : ياحلوو هالحضن والله عيديه بالله
نجوى : انا كيف سويت كذا ياربييي
عبدالمحسن : عادي ياقلبي مو شي غلط حضنتي زوجك بالله عيديه
نجوى : لا خلاص بعدين
عبدالمحسن قرب لها وحضنها : اذا ماتبغين انا ابغى
طلعت عليهم جنى وخربت لحظتهم الرومانسية : اوه اوه شعندهم الحبايب متوزين ورا الحوش
نجوى بعدت : بسم الله
عبدالمحسن : ياشينك شتبين ياقاتلة المتعة قتلتي متعتي
جنى : احسن وبعدين ليش متقابلين هاه ياخفيف انت وهي مو قادرين تصبرون
عبدالمحسن : ييوه انا طالب منها تجي كيفي زوجتي وابيها
جنى : خف علينا المهم يلا تعالو سوينا حلى وبنسهر عليه
عبدالمحسن : طيب روحي جايين
جنى سحبت نجوى : لا الحين
عبدالمحسن : وجع خليني مع زوجتي شوي عبى انفراد
جنى : لااا كذا كفاية خلاص روح عند عبدالعزيز
عبدالمحسن : ياشينك قتلتي متعتي
جنى : يلا روح بس يلا
أنت تقرأ
كل دارٍ تضمك ليتها صدري وكل عينٍ تشوفك ليتها عيني
General Fictionأن ضايقوك الخاليق وأزعلوك ماعليك الا تزهمين حبيبك وكل ناسك وأبشري بسعدك ياقوت شريان . "رواية جديدة وحكايا جديدة ، أتمنى تنال رضاكم ولا أستبيح أقتباسها " "بعض من أحداث الرواية واقعية" للكاتبة : أمواج
