كل دارٍ تضمك ليتها صدري وكل عينٍ تشوفك ليتها عيني

بارت 11

~ بيت ابو جمعان ~
ابو جمعان : يلا يـ ام جمعان وين بناتك تأخرنا
ام جمعان : بالمطبخ يسوون قهوة الطريق
ابو جمعان : كم يبي لهم ويخلصون
ام جمعان : دقايق ماهم مطولين
ابو جمعان : اجل انا انتظركم برا
جمعان : يبه عطني مفتاح السيارة عشان نحط الاغراض ونرتبها انا وشايع
ابو جمعان : يوووه على ذي النسوة خذ حطوها بالسيارة
جمعان : ابشر
شايع : يلا ياميثاء اخلصوا ابوي قده بيعصب مايحب نتأخر ونوصل الديرة فالليل
ميثاء : يلا خلصنا بس بنجيب اغراضنا ونجي خذ ذي حطها بالسيارة
شايع : يلا لا تتأخرون
شيماء : ياخي وش فيها لو تأخرنا دايماً ابوي يحب نروح بدري وماعرفت وش السر
ميثاء : حُب الديرة بالنهار غلاب وغلب ابوي
ام جمعان : يلا يابناتي مشينا لا يعصب ابوكم
_______________________________
~ حازم وشريان ~
شريان : حي هالشوف والله ياكثر شوقي لها
حازم : انشهد منمصع قلبي من كثر الشوق
شريان : يلا خلنا ننزل نسلم على جدي
حازم : يلا والله اني مشتاق له
نزلوا من السيارة ونزلوا الاغراض ودخلوا البيت شافوا جدتهم اللي قاعدة تسوي قهوتها ترحب وتهلي وتغني لهم : يامرحبا بعيالي يامرحبا
شريان راح لها وباس راسها : البقى ياجدة شلونك بشريني عنك
الجدة منيرة : بخير دامكم بخير
حازم : جعلني والله فدوة هالوجه والضحكة
الجدة منيرة : اقعدوا اقهويكم ، اصب لك شاهي ولا اصب لك دلة ايش رايك اصب لك من دم شرياني يامرحبا بالقدوم وحي هالطلة يفدونك الناس واحدهم ورا الثاني
شريان ابتسم لا شعوريًا من شاف جدته تغني وترقص لهم
وحازم تشقق وجهه من الابتسامة من فرح جدته
طلعت بدور : ياهلا ومرحبا باللي شرفونا ياهلا
شريان : ياهلا بك شلونك يابدور
بدور : والله بخير الحمدالله شلونك انت
شريان : بخير دامك بخير
حازم : الا جدي وينه ماشفته
بدور : فالعزاء
حازم : اخو العيال عزاء من
بدور : عزاء صالح
شريان بصدمة : لا حول ولا قوة الا بالله متى مات
بدور : امس ومات مقتول
شريان : يويلي ويلاه من قتله
بدور : ماندري
حازم : الله يرحمه ويغفر له
الكل : امين
_______________________________
~ بيت ابو نصار ~
ابو نصار : يلا ياعيال مشينا نعزيهم
ام نصار : ودي اعزيهم انا بعد خل واحد من العيال عندي يوديني لهم اعزي
ابو نصار : ليه منتيب رايحة مع خواتك تعزونهم
ام نصار : لا هم قد راحوا وعزوهم
ابو نصار : خلاص اجل روحي البسي عباتك وتعالي نروح جميع ونعود جميع
ام نصار : يلا احتروني شوي واجي
ابو نصار : زين لا تبطين
ام نصار : لا لا وش يبطي بي
نصار : رح انت وناصر وانا اجيب امي
ابو نصار : لا يابن الحلال نبي نروح جميع ونعود جميع اعرفكم انا لو خليت واحدٍ منكم جبتوا العيد والناس في عزاء
نصار : زين على هواك واللي تشوفه
ابو نصار : يلا يـ ام نصار وينك تأخرنا يلا اعجلي
ام نصار : جيت جيت
ابو نصار : يلا توكلنا على الله
_______________________________
~ بيت الشيخ صالح ~
الجدة سارة : الله يرحمك ويغمد روحك الجنة والله يسامحك على كل شي سويته فينا وفي خلق الله
بشاير : يمه وش فيك تكلمين نفسك
الجدة سارة : مافيني شي مافيني شي
بشاير : بسم الله عليك ياعيوني انتي
الجدة سارة : وين صالح جيبوه لي وينه
بشاير : ابشري الحين اكلم باسل يجيبه
سلوى : وش فيها امي يابشاير
بشاير : مدري بس تبي صالح ولد باسل
سلوى : طيب كلميه يجيبه لها
بشاير : بكلمه بس انتي اجلسي عندها واستقبلي الناس اللي بتجي تعزي حالتها تكسر الخاطر
سلوى : ولا يهمك امي بعيوني روحي بس
دخلت ام نصار : السلام عليكم
سلوى : وعليكم السلام
ام نصار : عظم الله اجركم الله يرحم ميتكم ويغفر له
الجدة سارة : جزاك الله خير
ام نصار : شلونك ياوخيتي اليوم
سلوى : حالها مايبشر بخير ياخالة
ام نصار : ليه عسى ماشر وش فيها بسم الله عليها
سلوى : ماندري ياخالة من بعد وفاة ابوي وهي كذا والحين طلبت تشوف صالح ولد باسل
ام نصار : بسم الله عليك ياوخيتي وش فيك قولي لي
الجدة سارة : صالح يـ ام نصار اكل حقوق الناس ويتسلف من فلان وعلان وهو حي والحين كل خوفي يجون يطلبون بحقوقهم ولا نقدر نسددهم ترك برقبتي 6 ايتام وش اسوي كيف بعيشهم
ام نصار : ياحبيبة قلبي لا تشيلين هم فوق همك صالح مات واكيد انهم بيسامحونه واذا على عيالك هالايتام لا تقولين ذا الكلام كلهم كبار وكل واحد بيصرف على عمره وعلى البيت
الجدة سارة : ياليت يـ ام نصار ياليت
_______________________________
~ جلسة العيال على الدكة ~
بدران : انا ابي اعرف انت وش اللي خلاك تفزع لهم كان خليتهم مالك فيهم وراهم اهل ورجال
شريان : وش اللي اخليهم مامعهم احد وصاحوا يطلبون الفزعة تبيني اشوفه يتحرش فيهم واسكت لا والله
نايف : طيب وين حازم عنك وراه مافكك منهم
حازم : يابن الحلال انا داخل فالسوق اشتري من الدكان وهو راح يعبي بنزين طلعت الا هو متشابك مع عيال وفارك وجيهم فالارض
نايف : طيب وش صار بعدين
شريان : ولا قبلين انحاش ماقدرت امسكه
عامر : وش تبي به تمسكه وش هو مسوي لك
شريان : ابي امسكه عشانهم مهوب عشاني انا ياعيال والله انه خكيري انا من يوم يتعرض لـ محارم خلق الله ومفرط في شنبه وانا غاسل يدي مامنه رجاء
بدران : ياحر كبدي ليتني معكم كان علمته شغل الله
حازم : ماله داعي الذيب قام بالواجب مابقى فيه عظم صاحي
شريان : يستاهل حقه وماجاه وش يحسب بنات الناس لعبة عنده وعند اللي جابوه
خالد : خلاص اللي صار صار والحين تلقون اهل الحريم حايسين يدورونكم
شريان : يدورونا ليه وش مسوين لهم
خالد : يشكرونكم على اللي سويتوه مع اهلهم
شريان : ايه مانبي الا السلامة بس
_______________________________
~ بيت ابو نوف ~
ام نوف : لا تزعلين ولا يهمك بيجيك العوض ان شاء الله
نوف : انا ماني زعلانة عليه ولا اني مهتمة بالعكس شر وربي صرفه عني انتم اللي لا تشيلون همي
ابو نوف : والله لو ما اني كبير سن ولا كان عرفت وشلون اربيه واخذ لك حقك منه
نوف : يبه لا تسوي مشاكل انت في غنى عنها خلاص شر وانصرف عني لا تفكرون فيه ولا وش تسوون معه خلوه ربي بيجازيه وبياخذ حقي منه
ام نوف : الله يرزقك باللي احسن منه يصونك ويعزك ولا يزعلك وينزل دموعك ويضايقك
ابو نوف : امين ونذرٍ علي يابنتي اني ما ازوجك الا لـ خيرة الرجال واطيبهم واكرمهم
ام نوف : امين الله يسمع منك ويرزقها باللي احسن واللي يستاهلها