كل دارٍ تضمك ليتها صدري وكل عينٍ تشوفك ليتها عيني

بارت 27

~ المستشفى ~
ابو عبدالمحسن : بشروا كيفها الحين
عبدالمحسن : بغرفة العمليات
ابو عبدالمحسن : وش
عبدالمحسن : اي طلع معها فشل كلوي
ابو عبدالعزيز : وش قاعد تقول انت وش تخربط
ام عبدالعزيز : اي طلع معها فشل كلوي وكان بيتبرع لها لكن لقينا مُتبرع ثاني هو بيتبرع لها
ابو عبدالعزيز ارتخى بكل مافيه : ياربي الحمدالله الحمدالله متى بتطلع
ام عبدالعزيز : متى ما انتهت العملية بتطلع ان شاء الله
عبدالمحسن راح لغرفة العمليات ينتظرها وبحزن :
أمانه لا تموتين وينفتح لي للحزن بيبان
وأنا بيبان حزني ماحدٍ غيرك يقفلها
ولا غيرك يداريني ويسأل راضي او زعلان
ويمسح دمعتي ويلعن ثوى من هو ينزلها ، الله يقومك بالسلامة يانظر عيني وياحبيبة روحي
عبدالعزيز : شفيك جالس هنا لحالك
عبدالمحسن : انتظرها ياعبدالعزيز
عبدالعزيز : امش معي امش الله يهديك بس العملية تأخذ وقت وانت من امس معها ماتركتها رافضين جلوسك عندها وجلست غصبٍ عنهم
عبدالمحسن : اي اجلس غصب اي اجلس من هم عشان يطلعوني تبيني اطلع واموت بحرقتي اذا صحت ومالقتني عندها ؟ وش تبيها تقول عني تعبت قدام عيونه وراح وخلاني ولا هميته !
عبدالعزيز : ياحبيب اخوك انت اللي ودك انا ماقلت لك اطلع ولا لا تنتظرها بالعكس لكن أنتظرها بالانتظار بس لا تنتظر هنا
عبدالمحسن : خلني تكفى ابي احس اني قريب منها وقلبي مرتاح ما ابي ابعد عنها ويأكلني قلبي
عبدالعزيز : ياحبيبي انت مايصير كذا شف عمي وخالتي نادية جايين عشانك وانت تنتظر نجوى هنا ما اعطيتهم فرصة انهم يتطمنون عليك انت بعد
عبدالمحسن : واذا فاقت ومالقتني وش بتقول عني
عبدالعزيز : ماعليك هي كيف بتدري ولا كيف بتحس بتكون على بنج انت روح لـ عمي وانا بنتظرها هنا مكانك اذا فاقت جيت قلت لكم يلا ياحبيب اخوك يلا
عبدالمحسن : طمني تكفى
عبدالعزيز : ابشر من عيوني الثنتين
______________________________
~ بيت ابو ناجي ~
ابو راضي : انا جايك اليوم نبي القرب منكم جاي أخطب بنتك لـ ولدي راضي
ابو ناجي : ياهلا بك ومرحبا وابرك الساعات والله
ناجي : بس ماكنت معرس على بنت ابو نوف اول
راضي : ايه لكن ماصار نصيب وكل واحدٍ راح بدربه
ابو ناجي : والله ونعم بك ياراضي ونعم وسبعة انعام انا موافق لكن بنقول للبنت ونرد لكم خبر
راضي كان على قلبه هم وانزاح : اللي تشوفه ياعمي خير وبركة
ابو ناجي : انت اللي والله تستاهلها ماهو مثل هالرخوم
ابو راضي : منهم وش العلم يـ اخوك
ابو ناجي : ليه راضي ما قال لك السالفة
ابو راضي : لا سوالف العرب ومشاكلهم يدري عنها ولا يحب يحكي بها عسى ماشر
ابو ناجي : هالكلاب أدهم وسرور سمعهم راضي يحكون في بنتي كلامٍ ماينقال الله لا يبارك بهم
ابو راضي : اخو العيال عساك ماسكت عنهم
ابو ناجي : لا بالله ماسكت جبت ابوانهم ولعنت ثواهم وعيالهم لو اشوفهم ذبحتهم
ابو راضي : كأنهم حاكين فيها حكي ماهوب زين ايأني وأياك تقصر بهم تلومني يوم اقول ذولي مايستاهلون احدٍ يناسبهم ولا يزوجهم بناته
ابو ناجي : عز الله انك كنت صادق ولا كنت اسمع منك
______________________________
~ عيال الشيخ صالح وعبيد ~
حسين : هذا ثالث يوم لنا هنا ولا جانا خبر عنه انشقت الارض وبلعته يعني وين اختفى ذا
عبيد : وانت وش مستعجل عليه وراك شي ودك بشيء رح واذا صار شي كلمناك تجي
حسين : لا يابن الحلال ماوراي شي وبنتظر لكن انت متأكد ان ذا البلاغات ذي كلها بتجيب نتيجة وبيطلعونه
عبيد : ايه ولو اني شاك في كذا ديرة ماهم محصلينه لكن بننتظر وما احنا راجعين للديرة الا وهو معنا
باسل : ان شاء الله هذا اللي انا ابيه اني ارجع وهالكلب معي
فهد : غلطتنا جينا كلنا هنا وماخلينا واحد مننا فالديرة وعند امي يمكن يلتقى يمكن يجي عنه خبر
باسل : صحيح بس من بيرجع للديرة يشوف ويعلمنا
فهد : انا بروح وأنتم اقعدوا واذا صار شي علموني فيه وانا بعلمكم به لين نشوف وش بيطلع فالبلاغ
عبيد : شلون بترجع اذا كلنا جايين على موتري ومامعك موتر يوصلك الديرة
فهد : يابن الحلال ماعليك اخذ لي كداد يوديني للديرة اكيد اني بلقى كدادين رايحين للديرة بركب لي مع واحد
باسل : زين الله يستر عليك واحرص على عمرك وانتبه
فهد : ان شاء الله لا تشيلون همي ان شاء الله ماصاير شي
حسين : الله يستر عليك اذا وصلت للديرة كلمنا وطمنا
عبيد : ماتشوف شر درب السلامة ان شاء الله
فهد : ان شاء الله يلا مع السلامة اشوفكم على خير
باسل : الله يستر عليك
______________________________
~ بيت مقرن بن نافل ~
ابو موسى : انا ماشي للديرة ان شاء الله اللي حاب انه يروح معي يجهز نفسه على بكره العصر
نجلاء : وش عندك يابابا هناك وش تبغى في ديرة مافيها شي كأنك رايح بر ومقطوع
ابو موسى : ترفية عن النفس يابابا بعدين انتي ماقد رحتي لها عشان تتكلمين عنها انها مو زينة
نجلاء : صح انا مارحت لكن صديقاتي راحوا هناك وقالوا انها ابداً مو زينة ولا فيها شي مدري كيف عايشين فيها
نريمان : الصراحة انا بعد اللي عرفته مايحق لي اتكلم انولدت فيها يعني ما أقدر اقول شي واندم عليه بعدين
ام موسى : انتوا تدرون ايش مشكلتكم ؟ انكم ما عشتوا الحياة اللي انا وابوكم عشناها بالديرة كانت ايام حلوة
نجلاء : ايش الحلو فيها انا مو مقتنعة ابداً انها حلوة الا لما ازورها واشوف بعيوني
ابو موسى : يلا اجل انتي اول الراحلين معي ان شاء الله
نجلاء : لا لا يـ غالي لا ما اتفقنا على كذا مو مستعدة
موسى : اجل لا تقعدين تتفلسفين بشيء مو قده
نجلاء : يليل وش جابك انت وش تبي مني اوف صدق
موسى : متى رايح ان شاء الله يايبه
ابو موسى : بكره العصر ان شاء الله بتروح معي
موسى : ياليت والله على الاقل افتك من ذا البومة شوي
نجلاء : وجع احترم نفسك شفت يبه قاعد يغلط علي قدامكم وبعدين تجون وتقولون نجلاء السبب
ابو موسى ضحك : ماعليك منه لا تهتمين له خليه انا داري انك مو غلطانة في شي
نجلاء : اجل سكته ولا تخليني اسمع له صوت
موسى : هذا اللي ناقص بعد بتسكتني
ابو موسى : اي اسكت خلاص لا تقول لها شي يزعلها بذبحك ترا
موسى : اقعدد الوالد قلب علي عشانك بعد من قدك
نجلاء : اي احسن هذا مرادي وتحقق
______________________________
~ بيت ابو نوف ~
ابو نوف : ماقصرت وجعل خيرك سابق يـ ابوي انت
نصار : ماسويت شي ياعمي وودي بالاكثر واللي يجمل
ابو نوف : لا بالله لا تكلف على عمرك سويت اللي يجملك وزيادة
نصار : عاد انا استاذنكم وعليكم بالعافية مع السلامة
نوف بصوتها الناعم الحنون : دقيقة يانصار دقيقة
نصار غض بصره عنها : سمي وش بغيتي
نوف : يبه ماعليك امر ممكن تتركني مع نصار دقايق
ابو نوف : ابشري هذا رجلك وانتي مرته ادخلوا فالمجلس
نوف : اسمعني يانصار انا ابي اقول لك كلام يمكن يضايقك او يزعلك لكن اذا تبي زواجنا يستمر ماينتهي اسمع مني
نصار : كلي أذان صاغية سمي قولي اللي عندك لا يردك شي
نوف : انت تدري اني اعرست وهالعرس ما استمر صح ؟
نصار استغرب وتعقدت حواجبه : الله الله ادري
نوف : انا ما ابي اللي صار لي في التجربة الاولى يصير معي مره ثانية وتصير بيني وبينك مشاكل لها اول مالها تالي حبيت اقول لك اني اللي عشته بالتجربة الاولى ما ابي اعيشه معك
نصار : صح اني اول مره اعرس وانتي اول بنت أملك عليها لكن ابيك تعرفين اني مو مثل بعض الناس واذا صدق تبين عرسنا يستمر عرسك الاولي ماتجيبين لي طاريه خذي لي طريق يانوف ابي اطلع
نوف بلعت العافية وحست انها جابت طامة كبرى : طيب
______________________________
~ راضي وحور ~
راضي : شفتي اني عند وعدي وجيت اخطبك ؟
حور : انصدمت كيف ابوك اء اقصد عمي وافق انك تتقدم لي
راضي : سعيت لين صرتي لي وحلالي واذا على ابوي اقنعته بشيء يرضيه ويرضيني والحمدالله وافق
حور : كيف اقنعته توقعت انه جاي يهدد ابوي مو جاي يخطبني لك
راضي : اقنعته باللي اقنعه ما ابي افتح مواضيع الاقناع الحين اهم شي صار اللي كنت احلم فيه من سنين
حور : الحمدالله يارب صبرنا ونلنا ياربي لك الحمد
راضي : اي والله ماني مصدق احس اني في حلم واذا كان هذا حلم يالله عساني منه ما اصحى
حور : لا السالفة وكل شي صار حقيقة مافيه شي اسمه حلم الحمدالله يارب
راضي : من كثر ماني مستانس وطاير من الوناسة احس ودي يصير العرس الحين
حور : يلا ماعاد باقي شي كلها فترة ونجتمع تحت سقف واحد
______________________________
~ بالمستشفى ~
نجوى وتأثير البنج : انت مين وش تبغى بعد عني ياوصخ
عبدالمحسن بصدمة : عبدالمحسن زوجك
نجوى : لا زوجي احلى منك وجهه يفتح النفس انت وجهك يسد النفس اطلع برا
عبدالمحسن : انا وجهي يسد النفس واطلع برا ؟
عبدالعزيز ضحك : ههههههههههههههه هد هد وروقنا البنت تحت تأثير البنج مو حاسة وش قاعدة تقول
ام عبدالعزيز : يمه نجوى هذا عبدالمحسن كيف يطلع برا
نجوى : لا ذا ما اعرفه اول مره اشوفه خلوه يطلع
عبدالمحسن : انتي صحصحي بس اوريك بعدين
عبدالعزيز : اسمع اسمع اطلع شوي عند الباب بناديك وادخل مره ثانية بنشوف هي بتقول لك شي ولا لا
عبدالمحسن : ياربي الصبر يارب طيب امري لله بطلع
ام عبدالمحسن : تحمل شوي ياحبيبي البنت مو بوعيها
طلع عبدالمحسن وناده عبدالعزيز : ياعبدالمحسن تعال
عبدالمحسن دخل وهو مكشر وزعلان : جيت وش تبي
نجوى : اييي هذا عبدالمحسن مو هذاك قليل الادب
ام عبدالعزيز : بس يـ امي بس فضحتينا ارتاحي بس
دخل ابو عبدالعزيز واخوه : كيفها الحين
ام عبدالعزيز : الحمدالله بس تراها تحت تأثير البنج تقط خيط وخيط والدليل طردتها لـ حبيبي عبدالمحسن
ابو عبدالمحسن : والله طلعت مو هينة هالنجوى
ابو عبدالعزيز ضحك : وهي تحس بنفسها والله ماتدري
عبدالمحسن : كيفك ياقلبي الحين
ونجوى : نعم خير !؟ وش كيفك ياقلبي متى صرت قلبك انا ياقليل الادب
عبدالمحسن انجلط : ياربي انا ماعاد أقدر اتحمل والله بطلع اذا صحصحت نادوا لي مافيها عقل ذي
ضحكوا عليهم ، عبدالعزيز : قلنا لك تحت تأثير البنج ماتحس بنفسها وش تقول صل عالنبي واجلس
عبدالمحسن : لا لا مالي جلسة بتطير عقلي ذي تصحصح وتنادون لي يلا باي
نجوى بضحكة : هههههههههه احسن فكة برتاح منك
عبدالمحسن أدرك انها تمزح معاه : وش وش
ونجوى : أهخ ياربي ما أقدر بموت ترا كنت مصحصحة من لما امي قالت تقط خيط وخيط ومشيتها على اساس اني باقي تحت التأثير
عبدالمحسن : اي بنتتت اللي ماني قايل لعبتي بـ اعصابي وطيرتي عقلي
نجوى : تستاهل ابغى ابرد قلبي على اللي سويته
عبدالمحسن : هذا جزاي مالت علي ابي انقذك وانتي تصارخين ماتبغين احد يعرف وبعدين صدق ليش ما قلتي لـ احد انك تعانين من فشل كلوي ؟
ابو عبدالعزيز : اي صح ليش ماقلتي يابابا زين لك كذا خوفتينا عليك وطيحتي قلوبنا
نجوى : من قال لكم انو ما احد يعرف قلت لصحباتي وكان عندهم علم بـ هالشيء وكل فترة اروح معاهم المستشفى اشوف وش صار
عبدالمحسن : طيب واهلك وانا واهلي وش وضعنا ليش ماجيتي قلتي فيني كذا وكذا و و و
عبدالعزيز : خلاص اللي صار صار اذا تبغاها ماعاد تقول لك شي كثر من هالكلام
ابو عبدالمحسن تذكر فيصل اللي ينتظرهم برا : فيصل فيصل نسيناه
عبدالمحسن : فيصل مين ؟
ابو عبدالمحسن : ولد هزام ابو محمد
عبدالعزيز : يووه تاركينه برا طول هالوقت وين مكانه بروح اشوفه واطمنه واخليه يرجع
ابو عبدالعزيز : عند بوابة المستشفى الثانية بتحصله قدام البوابة على طول
عبدالمحسن : اصبر انا جاي معاك
عبدالعزيز : يلا تعال