~ غزاي وفيصل ~
غزاي : وش صار كيف تصاوبت وليه ماذبحته يافيصل
فيصل : جاك من ورا وأطلق عليك والحمدالله خفيفة وماكان يهمني الا صحتك تكفى لا تندمني على شي مالي فيه حيلة وسلطان اخذ حقك
غزاي : كيف طاوعك قلبك تخلي دم ولد عمك يروح وأنت تشوفه وما أخذت حقه
فيصل دق صدره بضيق : هذا اللي كنت خايف منه بتقوم وتعاتبني عليه وكيف خليت الغريب يأخذ حقك وانا قاعد
سلطان : وش هالكلام أنتم اخواني انت اخوي اللي ماجابته امي كيف تقول عني غريب واخوي دمه مايروح دامني حي
عبدالله : كلنا أخوانك وعيال عمك افا عليك بس لا عاد أسمعك تقول هالكلام وتعاتب فيصل على شي انت الحين عاتبتنا كلنا ماهو فيصل وبس
سلطان : انا اخذت حقك ولو انه ماهو من غريمك لكن نرد الثأر بالثأر
تكفى لا يضيق لك خاطر
غزاي أبتسم : الله لا يحرمني أخوتكم لا في الدنيا ولا في الاخره سامحوني أن كاني ضايقتكم وانت يافيصل سامحني ياعين اخوك لا تشيل بخاطرك علي
فيصل : وش تقول انت كيف أقدر اشيل بخاطري عليك وانت اقرب لي من رمش عيني واغلى من روحي علي مايطاوعني قلبي اسويها
______________________________
~ بيت العم هزام ~
أبو محمد : أرحبي ثم أرحبي ثم أرحبي
محمد : تبقى يالغالي يلا روحي عند جدي يلا
لينا : طيب
راحت لينا تركض لـ جدها هزام
أبو محمد :
أقبلي وأرحبي وطلي على من لـ شوفتك مشتاق
القلب من الشوق حيل ولهان أقبلي وأنثري في صدره الروح والبسمة
محمد : صح لسانك
العيال بتصفير وتصفيق : الله عليك ياكبير صح لسانك
أبو محمد : صح الله ابدانكم
شريان ناظر محمد : الله يقوم حظي مثل ماقام حظ بنتك
محمد : قول أعوذ برب الفلق بسم الله على بنتي من عيونك
خالد : هذي حفيدة العائلة انت خلص وقتك الوقت وقتها
أبو محمد : انشهد الوقت وقتها وغلاها في قلبي غير ما احدٍ بيوصل له شريان بمزح : يبه شف شكلها بتطلع على ابوها مافيها ملح
أبو محمد : والله انت اللي مافيك ملح وقبول
شريان ماتوقع ابوه بيسدد له : افا ياروح روحي افا وش سويت عشان تقول لي كذا
خالد ضحك : احسن تستاهل
أبو محمد : خلاص بس اسكتوا
سكت الكل بعد كلام العم هزام وصار المجلس هدوء ويحييه صوت لينا
________________________________
~ الرياض ، بيت أبو عبدالمحسن ~
أبو عبدالمحسن : اليوم بنروح بيت اخوي
عبدالمحسن : ليش
أبو عبدالمحسن : نخطب لك ؟
عبدالمحسن بصدمة : وشوو
أبو عبدالمحسن : شفيك ماتبي تتزوج
عبدالمحسن : امي رافضة اخطبها وانا باقي ماتوظفت
جنى : هي ماكانت رافضة هي كانت تبيك تنسى السالفة وتخطبها بس
عبدالمحسن بفرحة : صدق يمه ما اصدق جنى ترا
أم عبدالمحسن : لا هالمره صدقها صدق بنروح اليوم نخطبها لك عبدالمحسن : الحمدالله بس ماكان له داعي تسوون فيني كذا
أبو عبدالمحسن بـ إبتسامة : مبروك ياحبيبي مبروك
جنى : مبروك ياعريس
عبدالمحسن : الله يبارك فيكم يارب عقبال مانفرح بجنتي
أم عبدالمحسن : جعلني افرح بكم واشوف فيكم اللي يسر قلبي وخاطري قولو امين
الكل : امين يارب
أبو عبدالمحسن : يلا مشينا اضبطك ياعريس
عبدالمحسن بفرح وسرور : أبشر ياحبيب عيوني أبشر
______________________________
~ الديرة ، بيت الشيخ صالح ~
الشيخ صالح : ياعيالللل وينكم
الجدة سارة : بسم الله شفيك وش صاير
الشيخ صالح : عيالك وينهم ،
فهد : سم امر
الشيخ صالح : باسل وينه
حسين : في بيته
الشيخ صالح : ولد عمكم هالخسيس ابيكم تجيبونه وتربونه
الجدة سارة : ليه وش مسوي
الشيخ صالح ضرب بعكازه : جيتهم ابي اقول لهم اني بزوج خواته وطردني هالكلبب
حسين : وانا ولدك ياصالح وش تقول هالكلب يطردك والله لـ اعيد تربيته والله فهد : لو ماندمته على فعلته ذي هالشنب ماهو على رجال
الشيخ صالح بعصبية وصراخ : مروا باسل وعلموه وروحوا له وجيبوه تسمعون حسين : أبشر امش يافهد
الجدة سارة : لا ياعيالي لا تضرون ولد عمكم
، حسين : اجل نخليه يهين ابوي ونسكت امش يافهدد
الجدة سارة : ليه ياصالح ليه حرام عليك
الشيخ صالح : انتي اسكتي وادخلي داخل لا تتدخلين في شي مايعنيك يلا داخل
الجدة سارة : لا تنسى ياصالح انه يتيم واذا دعاء دعوته في اي لحظة بتصيبك
راحت وهي زعلانة على اللي يسويه وتركته حايس ويفكر وش يسوي فيه
_____________________________
~ بيت الشيخ سعد ~
فهد : اطلع ياكلببب والله لـ اذبحك والله وينك ياكلللبب
راكان : خير ان شاء الله ليه رافع صوتك وش تبون جايين
باسل : جايين نربيك ياكلب
راكان : هههههههههه ضحكتني والله من انت عشان تربيني
باسل : تاج راسك ياقليل الادب
راكان : تخسي وتعقب انت بالاول صير رجال بعدها تعال صارخ
حسين : باسل رجال غصبٍ عنك تسمع
راكان : اوووه طلع لك صوت انت المفروض ماتتكلم لـ انك رخمة وخواف ومالك بعلوم الرجال
فهد : احترم نفسك زودتها ترا من تكون عشان تغلط على اخواني
راكان : اخذ اخوانك واذلفوا لـ وربي اروح وارفع شكوى وساعتها ماعاد بينسمع لكم صوت لـ انتم ولا عمي
باسل : وش قصدك من هالكلام
راكان : قصدي انتم تعرفونه زين لو ارفع عليكم شكوى املاكنا وحلالنا ومحالاتنا كلها بترجع لنا وانتم بتقعدون عالحديد مالكم شي
حسين : كذاببب كل هالحلال حلال ابوي وانتم اللي مالكم شي
راكان : ههههههههههههههههههه ياحبيبي جدي مسجل املاكه بأسم ابوي وعمي ماله الا هالبيت اللي ساكن فيه بس ويوم ابوي مات اخذ كل حلالنا واخذ ورثنا اللي ورثناه واغتنى من ورثنا وحلال ابوي
راحوا وهم منصدمين ومايقدرون يتكلمون بعد اللي سمعوه
أنت تقرأ
كل دارٍ تضمك ليتها صدري وكل عينٍ تشوفك ليتها عيني
General Fictionأن ضايقوك الخاليق وأزعلوك ماعليك الا تزهمين حبيبك وكل ناسك وأبشري بسعدك ياقوت شريان . "رواية جديدة وحكايا جديدة ، أتمنى تنال رضاكم ولا أستبيح أقتباسها " "بعض من أحداث الرواية واقعية" للكاتبة : أمواج
