~ سهرة العيال فالبر ~
شريان : السلام عليكم
الكل : وعليكم السلام حياكم
حازم : البقى
مشاري : تجمعوا ياعيال وحاوطوا شبة النار
تجمعوا العيال حولين شبة النار يسولفون ويغنون
قاسم : تعالوا تعالوا اجلسوا هنا وانا بجي مكانكم عند العود ، قام يحوس ويدور على الجلسة
حازم صدع منه : ياكثر حركتك متى بتقر في مكان
قاسم : اصبر يابن الحلال وش فيك تسذا انت
حازم : دوختني ياولد مالك شحومٍ تنثبر عليها
الكل : هههههههههههههههههههههه
سويلم : خلاص اقعد نبي نسولف ونغني
شريان : ايه والله غنوا لنا من اغاني فنان العرب ولا مخاوي الليل
جابر بصوت عالي : وحدوا الصوت وغنوا ، ابتدا جابر يدق العود ويرفع صوته العذب : عودي المبري بقابه من عطايا الوقت روح
وفصل خامس ضايع بين الفصول الاربعة
شريان : ورأس مالي ذكريات وحلم وامال وطموح
لا صديق ولا رفيق ولا طريقٍ أتبعه
الكل بدون أستثناء كان يغني مع جابر يضحكون ومبسوطين بـ هالسهرة ماكان ودهم هالليلة تنتهي
______________________________
~ صباح يوم سفرة شريان وحازم للرياض ~
شريان : صباح الخير
الكل : هلا صباح النور والسرور
الجدة منيرة : تعالوا افطروا قبل تمشون والله اني اخاف عليكم من الجوع
حازم : جعلني والله قبلك ياجدة من يوم نطلع لين نوصل والخط فيه محطات ومطاعم مامن جوع
الجدة منيرة : وش هالاكل ماغير بربسة مامنه فايدة بس وجع في البطن وحرقان فالمعدة
شريان : ماعليك ياجدة ما احنا ماكلين من الخرابيط واللي مامنه فايدة
الجد نايف : اسمعوني وانا جدكم اذا وصلتوا للمكان اللي بقول لكم عليه اسألوا عن رجال يقال له مقرن بن نافل وعلموه من انتم له وبيعرفكم
شريان : ابشر ، يلا ماتشوفون شر ان شاء الله
الجد نايف : الله يحفظكم بعينه اللي ماتنام
الجدة منيرة : استودعتكم الله ياحبايبي انتبهوا لـ بعضكم
حازم : ان شاء الله ، سلموا عليهم وودعوهم وحركوا للرياض
______________________________
~ حلال ابو نصار ~
ابو نصار : وراكم مسوين فيها كذا هاه
ناصر : ماهي مني ذي من نصار
ابو نصار : هذا وانت الكبير ومعلمك على هالشغلة من يوم انك بزر وقايل لك ماتحلق شعر الحلال كذا
نصار : ماعليه يبه انا اسف وبعدين كل نفس إمارة بالسوء
ابو نصار انجلط من اللامبالاة وبرود نصار : عنبوا بليسك ذي بيأخذها الشيخ نايف وش اسوي بك اذبحك ولا وشوو
نصار : طيب عادي يـ ابوي اقصاه شعر وهو بالنهاية بيذبحها خلاص خلها
ابو نصار بعصبية : ناااااصرررررر
ناصر : لبيه سم
ابو نصار : تعال ذا بيجيب لي الجلطة اكبر منك ومفصوخٍ عقله وانت الصغير وافهم منه تعال
نصار : افا ياحبيب فؤادي ليه تقول عني كذا
ابو نصار : يقول المثل ان كبر ولدك خاوه وانا الله يخلف علي يوم خاويتك كنت بلا عقل
ناصر : ههههههههههههههههه خلاص انا عندك وش تبي فيه خله على هواه
ابو نصار : ايه هذا الولد الصالح ماهو بعض الناس
انصدم نصار وضحكوا : مقبولة ياغالي مقبولة
ابو نصار : طرقٍ من ورا خشمك بعد
ناصر ضاق نفسه من كثر الضحك ونصار مصدوم
ناصر : اه ياويلي ويلاه بطني ههههههههههههههههه
ضحك ابو نصار ونصار وجلسوا يرقعون عمله نصار بالخروف
______________________________
~ الخبر ، بيت ابو جمعان ~
جمعان : ابوي يقول بنطلع للديرة عقب بكره تجهزوا من اليوم عشان نمشي بدري ومانتأخر
ام جمعان : يووه تراه قايل لي بس اني نسيت
جمعان : ماعليه حصل خير يقول يمكن نقعد اسبوعين هناك
شايع : ياليت نقدر نقعد هناك وماعاد نرجع
ام جمعان : ليه وراك
شايع : يمه شوفي حالنا هنا وحالنا بالديرة اشتقت لـ كل شي فيها بيتنا عمي نايف والعيال وجمعاتنا كل شي
ام جمعان : اي والله في هذي صدقت
ميثاء : يمكن ما اروح معكم انا
جمعان : وليه ان شاء الله ماتروحين
ميثاء : وظيفتي ياخي ما اقدر اخليها واروح واسبوعين بعد تبيهم يفصلوني
شيماء : طيب عادي اخذي اجازة ماتضر ماقد اخذتي
شايع : اي والله من حبك للوظيفة ماقد شفتك اخذتي اجازة
ميثاء : بفكر
جمعان : المهم ماعلينا شايع ترا ابوي يبيك
شايع : طيب قل له جاي
______________________________
~ حازم وشريان ~
حازم : وش فيك منفس من يوم طلعنا عسى ماشر
شريان : ياولد ماودي اطلع من الديرة جتني ضيقة
حازم : احد يحصل له يطلع للرياض وينفس
شريان : اي انا ما ارتحت ليته ماشد عزمه فيني
حازم : مالت على هالوجهه اي والله
شريان : وكسر يكسر يدك وخرها عن وجهي
حازم شافه صدق منفس ولا له خلق حب يغير موده وقصد اكثر قصيدة تلامس شريان : وأنا شمس لكن مالقيت بالوجيه سفوح
شريان بـ أبتسامة : الله ، فهقّت الظلام ولا تخاذلت بأشراقي
وأنا نجم لكن لـ متى والنجوم تلوح
قبل غيبتي لابد ما أستثمر أفاقي
حازم : الله عليييييكك الله
شريان : مالي فالقصيد وهالقصيدة تعني لي الكثير
حازم : شفت اني جبت راسك هاه شف روقت من بعدها
شريان ضحك : اي والله الله يسامحك بس
______________________________
~ الشيخ صالح ورجاله ~
الشيخ صالح : اسمعوني زين اليوم فالليل تبدأ مهمتكم وياويلكم احد يحس عليكم او تلفتون انتبه احد
جواد : لا ياشيخ ماعليك الاوضاع مستتبة
الشيخ صالح : ما ابي يبقى فيه عظم صاحي وان حل لكم تذبحونه لا تقصرون
فاضل : أبشر ولا يهمك حنا قدها بأذن الله
مبارك : اذا تأمر على شي ثاني ترانا حاضرين
الشيخ صالح : لا اليوم بس ذا المهمة قاعد افكر في شي ثاني وبتنفذونه قريب
جواد : وش هو
الشيخ صالح : بعدين اقول لكم عنه الحين روحوا قبل ما احد يشوفكم او يسمعنا يلا
مبارك : ابشر ، ويـا للآسف فشلت خطتهم وسمعهم العامل بلال وماكان منتبة لـ صوت الشيخ يناديه
الشيخ صالح : بلالوه وصمخ وينك
بلال راح له ركض : سم امرني
الشيخ صالح : اصمخ انت ماتسمع وينك ذالف
بلال : اعذرني ماسمعتك كنت انزل اغراض الاهل
الشيخ صالح : ايه زين رح قل لهم يزينون القهوة وافرش الفرشة وحط الجلسة يلا
بلال : انا اسويها ماله داعي
الشيخ صالح بعصبية : انت بتقعد تراددني والقهوة اللي تسويها ماصخة الله يكرم النعمة مالها طعم اذلف
راح بلال بعصبية وبصوت واطي وحقد : الله لا يخليني اذا خليتك عايش
أنت تقرأ
كل دارٍ تضمك ليتها صدري وكل عينٍ تشوفك ليتها عيني
General Fictionأن ضايقوك الخاليق وأزعلوك ماعليك الا تزهمين حبيبك وكل ناسك وأبشري بسعدك ياقوت شريان . "رواية جديدة وحكايا جديدة ، أتمنى تنال رضاكم ولا أستبيح أقتباسها " "بعض من أحداث الرواية واقعية" للكاتبة : أمواج
