~ واخيراً اليوم المُنتظر يوم ملكة نجوى وعبدالمحسن ~
المأذون : قول معاي يـ ابو العروس زوجتك ابنتي نجوى ابنة عبدالاله على كتاب الله وسنة رسوله
ابو عبدالعزيز : زوجتك ابنتي نجوى ابنة عبدالاله على كتاب الله وسنة رسوله
المأذون : قول معاي ياعريس قبلت الزواج من ابنتك نجوى وعلى كتاب الله وسنة رسوله صلى الله عليه وسلم على المهر والشروط المتفق عليها فـ امساك بمعروف او تسريحٍ بأحسان
عبدالمحسن بـ ابتسامة عريضة : قبلت الزواج من ابنتك نجوى وعلى كتاب الله وسنة رسوله صلى الله عليه وسلم على المهر والشروط المتفق عليها فـ امساك بمعروف او تسريحٍ بأحسان
المأذون : بارك الله لكما وبارك عليكما وجمع بينكما في خير وصلى وسلم على نبينا محمد
ابو عبدالعزيز : مبروك الله يجمع بينكم على خير
عبدالمحسن : الله يبارك فيك ، امين
ابو عبدالمحسن : مبروك ياحبيب ابوك الله يوفقكم ويسعدكم
عبدالمحسن : الله يبارك فيك وياك ان شاء الله
عبدالعزيز : واخيراً شفناك عريس مبروك ياحبيب اخوك
عبدالمحسن ضحك : الله يبارك فيك وعقبالك
_______________________________
~ بيت الشيخ نايف ~
ابو جمعان : السلام عليكم مسهم بالخير
الشيخ نايف : وعليكم السلام ياهلا ومرحبا
ابو جمعان : تبقى وتحيى شلونك يـ اخوي بشرني عنك
الشيخ نايف : بخير دامك بخير بشرني عنك وشلونك وشلون الديرة مناك
ابو جمعان : والله بخير الحمدالله انت شلونك شلون العيال عساكم طيبين
الشيخ نايف : والله بخير وفي ستين نعمة يالله لك الحمد
جمعان وشايع : شلونك ياعمي بشرنا عن صحتك
الشيخ نايف : هلا بالغالين عيال الغالي والله بخير
جمعان : يالله عساها دوم يارب
الشيخ نايف : شلونكم يـ ام جمعان ويابناتي عساكم بخير
ام جمعان : بخير دامك بخير
ميثاء وشيماء : بخير وصحة وعافية ياربي لك الحمد انت كيف صحتك عساك ان شاء الله مرتاح
الشيخ نايف : الحمدالله الحمدالله تفضلوا داخل عند منيرة والبنات حياكم الله
ام جمعان : زاد فضلك والله يحييك ويبقيك
نايف : سم ياعم تقهو
ابو جمعان : سلمت شلونك يانايف
نايف : بخير
ابو جمعان : الحمدالله
نايف : سموا تقهوو
شايع : سلمت الله يعافيك
نايف : ويعافيك
_______________________________
~ بيت الشيخ صالح ~
خلود : وفضى علينا البيت بعد ما مات اللي كان يحييه
سلوى : والله اني مشتاقه له حيييل الله يرحمه
فهد : البيت من دونه موحش ماله امان
حسين وبشاير : والله الله يغفر له
الجدة سارة اللي كانت تلاعب حفيدها صالح : اييه ياصالح رحت وتركت لي 6 ايتام الله يرحمك
باسل : يمه حبيبتي وش فيك وش تحسين فيه ؟
الجدة سارة : مافيني شي ماغير بس وجع هالقلب وكسرة الخاطر
عيالها وبناتها تجمعوا حولها : جعلنا نأخذ كل وجع يمسك وكسرٍ يضايقك
الجدة سارة : لا والله جعلني اخذ ضيمكم واحزانكم ولا يمسكم شي
بشاير : جعلني فدا رجولك يمه تكفين طالبتك مانبي نشوف دموعك والله انها غالية علينا والله
الجدة سارة : كل هالدموع والله انها ماطاحت الا من حزني عليكم من بعد ابوكم وانتم ضايقين
حسين : لا يمه لا ماتبكين على ابطال من صلب رجال لا حنا عيال صالح وعيالك نضيق من كل شي الا قضاء الله وقدره
الكل : ماتبكين وعيالك حواليك وعندك
_______________________________
~ عبدالمحسن ونجوى ~
عبدالمحسن : اخيراً الحلم اللي كنت له بالايام ساعي صار حقيقة واقع مبروك علي انتي ومبروك عليك انا
نجوى : الله يبارك فيك
عبدالمحسن : فديت المستحي والخجول والله
نجوى : لا تقول كذا استحي ترا
عبدالمحسن : اموت على اللي يستحون والله ابشري ومن عيوني يانجوة فؤادي
نجوى بضحكة : هذا انت ماتغيرت من لما كنا صغار
عبدالمحسن : كيف تبيني اتغير وانا عطيتك وعد ما اتغير ؟
نجوى : يييووه للحين تتذكر الوعد اللي وعدتني اياه
عبدالمحسن : اجل تبيني انسى وعد عمري قلت لك وعد مني يانجوة فؤادي ما اتغير عليك ولا بيغيرني الزمن وارجع واقوله لك اليوم لك وعد مني يانجوة فؤادي ما اتغير عليك ولا بيغيرني الزمن
نجوى : حافظ ماشاءالله عليك
عبدالمحسن : اي لـ عيونك انا احفظ كل شي وما اخون وعدي اللي وعدته
نجوى : ماكنت اتوقع انك للحين تحبني وتبيني توقعت انه كان بس كلام اطفال ماراح يكون واقع
عبدالمحسن : افا يانجواي افا ظني كل شي الا هالشيء وتوقعي مني اي شي لكن هذا لا
نجوى بضحك : طيب شوي شوي شفيك كأنك عصبت
عبدالمحسن : ما احب اسمع هالكلام منك تكفين عطيني وعد ما عاد اسمعه
نجوى : خلاص وعد
عبدالمحسن : اي الحين صدق ارتحت ، ضحكت نجوى بخجل
عبدالمحسن بضحكة : جعلني والله فدوة لـ هالضحكة
_______________________________
لحظة وصول فيصل وغزاي للديرة ~
فيصل : الله على هالديرة وايامها جعلني والله ما خلا منها ولا من ايامها
غزاي : رجعنا ورجعت لنا الحياة
فيصل : اي والله
غزاي : يلا تعال عنز لي وخلنا ندخل بيت جدي
فيصل : يلا تعال
دخلوا بيت جدهم اللي كان مليان ضيوف ومجتمعين وكان دخولهم صدمة بنسبة للكل
غزاي : السلام عليكم
الكل بدون أستثناء يصارخ بفرح قاموا وسلموا عليهم كبيرهم وصغيرهم الكل كان مبسوط برجعتهم
الشيخ نايف : يالله حيهم يالله حيهم تو مانورت الديرة
فيصل : الله يحييك ويبقيك شلونكم ياجماعة بشروني عنكم عساكم بخير
الكل : بخير وصحة انتم شلونكم بشرونا عنكم
غزاي وفيصل : والله بخير الحمدالله
الشيخ نايف انتبه لـ اصابة غزاي : وش فيك ياغزاي عسى ماشر
فيصل : الحوثيين اطلقوا عليه لكن انقذناه بفضل من ربي
ابو نايف : الله لا يوفقهم دنيا واخره الحمدالله يارب على صحته وعافيته
غزاي : شلونك يبه شلون امي وخواتي بشرني
ابو نايف : ابشرك كلهم بخير وطيبين
الشيخ نايف بصوته العالي : بمناسبة زيارة اخوي وعضيدي ورجوع عيالي من الحد بالسلامة بكره عشاهم رح ياشريان عط امك وجدتك خبر
شريان : ابشر
راح شريان يركض داخل يبشرهم : يمه يايمه
ام محمد : لبيه وش فيك
شريان : البشارة البشارة
ام محمد : لك اللي تبي وش البشارة
شريان : فيصل يايمه فيصل وغزاي رجعوا
ام محمد : كللللللوللللييييشششش الله يبشرك بالخير الله يبشرك بخير
الجدة منيرة : وش فيه وش صاير
ام محمد : فيصل وغزاي رجعوا عيالنا رجعوا
الجدة منيرة : الحمدالله يارب الحمدالله وينهم الحين
شريان : برا عند جدي ، وايه بكره عشاهم هم وعمي ابو جمعان واهله
الجدة منيرة : يستاهلون والحمدالله على سلامتهم
شريان : الله يسلمك يلا انا بعود لهم توصون بشيء
ام محمد : سلامتك يابعد روحي سلامتك الحمدالله يارب الحمدالله
أنت تقرأ
كل دارٍ تضمك ليتها صدري وكل عينٍ تشوفك ليتها عيني
General Fictionأن ضايقوك الخاليق وأزعلوك ماعليك الا تزهمين حبيبك وكل ناسك وأبشري بسعدك ياقوت شريان . "رواية جديدة وحكايا جديدة ، أتمنى تنال رضاكم ولا أستبيح أقتباسها " "بعض من أحداث الرواية واقعية" للكاتبة : أمواج
