~ بيت ابو نوف ~
نوف دخلت البيت بـ حالة سيئة جداً
ام نوف : نوف يابنتي وش فيك ورا حالتك كذا وش صاير
نوف ارتمت بحضن امها وانهارت ،
ابو نوف : بسم الله عليك ياحبيبتي علميني وش صاير ،
نوف : ابي اتطلق من راضي يبه ما اقدر اكمل معه وهو في قلبه وحده ثانية تكفى يبه لا تخليني على ذمته ،
ابو نوف بعصبية : وشهو ليه ماجيتيني من اول وقلتي لي ،
نوف : ماقدرتتت عمي ابو راضي مارضى اطلع من بيته الا لـ بيت ولده ، ام نوف : حسبي الله ونعم الوكيل الله يورينا فيه عجائب قدرته ،
ابو نوف : هين وانا فلاح والله ما اخليهم واخليه يطلقك غصبٍ عنه ،
نوف : اذا على الطلاق بيطلق وبسرعة لكن المشكلة في ابوه حالف انه مايطلقني
ابو نوف : ماهو على كيفه انتي بنتي وانظلمتي من هالخسيس واجد وظلمك ابوه يوم خلاك عندهم لكن هين ، طلع من البيت معصب ،
ام نوف : هدي يا امي خلاص ابوك راح لهم وبيخليه يطلقك وغصبٍ عنه وعن ابوه خلاص ياعمري
نوف المرتمية بحضن امها وتشاهق ببكى ماتتجاوب مع امها ابد
_______________________________
~ في سوق الديرة ~
شريان : وشو ذا وش تبين به مامنه فايده وماله داعي رجعيه
الجازي : وانت وش دخلك وش ابي فيه امش وانت ساكت بس
شريان بـ عناد : وهذا بعد وش ماله داعي ماتحتاجينه اصلاً كل هالاغراض مالها داعي
الجازي : انت بتسكت ولا بـ ذا العلبة على راسك خلني اخذ اغراضي رح اذلف لـ امي
ام محمد : ولد انت وياها تراه مو البيت اقصروا اصواتكم شريان اطلع برا مالك حاجة
شريان حذف العلبة على اخته : ايه الله يعين بس بطلع انتظر برا وبعض الناس لا يشتري شي ماله داعي
الجازي : اذلف بس خلنا نعرف نشتري
شريان : طيب طيب ، طلع وصادف ولد عمه حازم
حازم : اووه ارحب وش تسوي هنا ،
شريان : جايب امي واختي يبون اغراض وانت وش تسوي
حازم : ابد اتمشى طفشت من قعدة البيت قلت اتمشى شوي
شريان : طيب عندك شي اليوم فالليل
حازم : لا ليه
شريان : حلو قابلني عند دكة جدي نايف
حازم : ليه وش عندك
شريان : بنروح لـ مشاري عنده سهرة العيال اليوم
حازم : وينها فيه
شريان : فالبر
حازم : ايه خلاص تم بعد صلاة العشاء تلقاني عند الدكة ، يالله تبي شي بروح الدكان وارجع للبيت
شريان : ابد سلامتك
حازم : مع السلامة
شريان رجع داخل : هاه خلصتوا ولا لا ،
ام محمد : ايه خلصنا
شريان : يلا مشينا
______________________________
~ بيت ابو راضي ~
ابو نوف : انت ماتستحي على وجهك ولا تخاف ربك هاااه
ابو راضي : خير عسى ماشر وش فيه ،
ابو نوف : ولك وجه تسأل بعد سواتكم في بنتي وحيدتي يوم انك تدري ان ولدك ماله خاطر بالعرس من بنتي وراك غصبته وراككك ظلمت بنتي مع هالخسيس ،
ابو راضي رفع راسه بعد ماكان منزله : يافلاح اذكر الله واقعد تنفاهم ونحل الموضوع ،
ابو نوف : ما ابي لكم قعدة ولدك يطلق بنتي يعني يطلقها وغصبٍ عنكم تسمع والله ماتبات عنده ليلة
ابو راضي : أبشر خلاص مثل ماتبون بيطلقها ،
ابو نوف : رب ولدك زين يامنصور ولا تبلي بنات الاجاويد مثل بلوتك في بنتي
ابو راضي : حسبي الله عليك ياراضي كأنك فضحتني في الاجواد ووطيت راسي
ام راضي : يافضيحتي الله يسامحك بس غصبت ولدك عليها وهذي اخرتها فضحنا بين الخاليق
ابو راضي : والله لـ اربيه وابرد خاطر هالمسكينة فيه والله لـ اخليه عضة وعبرة له ولغيره
ام راضي : وش بتسوي وين بتروح ،
ابو راضي : بروح اربيه هالكلب ماعرفت اربيه زين
______________________________
~ بيت الشيخ سعد ~
راكان : وهذا كل اللي صار بينا
ام راكان : عسى بس ما ضروك ولا سوو لك شي
راكان : لا يعقبون ما احد منهم لمسني ولا حتى قرب لي
رهف : اخيراً عرفوا عمايل عمي فينا وعرفوه على حقيقته
سديم : ما أعتقد صدقوا عمي بينكر هالشيء وبيسكتون
راكان : صدقوا ولا ما صدقوا بالطقاق ماهموني اهم شي قلت اللي كان بقلبي من سنين وبرجع كل شي اخذوه
ام راكان : لا تعلق معهم ياولدي كل شي يجي بالهداوة
راكان : يمه جعلني قبلك وفدا رجولك ماراح اسوي شي لا تخافين ولا تشيلين هم
ام راكان : ياليت يكون كلام كذا بس وماتسوي شي
راكان : ههههههههههههه افا ياحلوة اللبن ماتثقين في ولدك تربيتك
رهف : هههههههههه هي واثقة لكن داخل قلبها شكة
ام راكان : ماني ضامنتهم هذولي في اي لحظة بيسوون شي يحرق قلوبنا
سديم بضحكة : لا ان شاء الله مافيه شي وماصاير الا الخير
الكل : ان شاء الله
______________________________
~ بعد صلاة العشاء عند الدكة ~
حازم : هاه ياولد وينك كل هالوقت طولت بالحيل
شريان : يابن الحلال اسكت منحاش
حازم بأستغراب : منحاش ؟ من مين ؟
شريان : من لينا بنت محمد اخوي غصب اقعد عندها
حازم : ههههههههههه اهاا عشان كذا جاي تتسحب ياحلوها بس
شريان : امش امش قبل تحس اني منحاش وتطلع برا تدورني
حازم : بنروح سيارة ولا مشي
شريان : لا زحف وش رايك اكيد سيارة
حازم ناظر فيه بقرف : سخيف
شريان : الله يخلف بس امش لـ اسطرك
حازم : جرب تسويها يدك اكسرها لك
شريان : يارجال ... قاطعه صوت جده ووقف ، ابلش شكلها صدق حست اني منحاش ، لفوا لـ جدهم
شريان : سم ياجد
الجد نايف : تعالوا ابيكم شوي
حازم : ابشر
شريان : عسى خير ياجد امرنا
الجد نايف : بكره ابيك تروح للرياض من بدري تجيب لي اغراض من جماعة
شريان استغرب لكن سكت : ابشر ان شاء الله
الجد نايف : ولا تروح لحالك شف لك احد يخاويك
حازم : انا اروح معه ان كان وده
شريان : خلاص تم بيخاويني حازم ان شاء الله
الجد نايف : زين زين
حازم : يلا امش نروح
شريان : يلا
أنت تقرأ
كل دارٍ تضمك ليتها صدري وكل عينٍ تشوفك ليتها عيني
General Fictionأن ضايقوك الخاليق وأزعلوك ماعليك الا تزهمين حبيبك وكل ناسك وأبشري بسعدك ياقوت شريان . "رواية جديدة وحكايا جديدة ، أتمنى تنال رضاكم ولا أستبيح أقتباسها " "بعض من أحداث الرواية واقعية" للكاتبة : أمواج
