~ سهرة العيال ~
شريان : والله لكم فقدة والبيت بدونكم ماله طعم صرت ما اشتهي النوم بدون سوالفكم ولعبكم
فيصل : رجعنا وبترجع ايامنا ان شاء الله
غزاي : ياخي ودي اروح بر وش رايكم نكشت
نايف : هد يابن الحلال توك جاي وش اللي نكشت
غزاي : مشتاق للبر وطلعاته مشتاق لـ كل شي كنت اسويه قبل ما اروح للحد
شريان : اليوم ماينفع نطلع لكن نقلب الدنيا لك بر مشينا ياعيال هناك عند البطحة
جمعان : ليه نروح هناك ماله داعي نقعد هنا ونرجع له ايام زمان والسهرات
بدران : يلا يلا تجمعوا حوالين بعض بنرجعهم للماضي الجميل بس هاه انتم اللي بتغنون حنا بنصفق ونردد وراكم
فيصل ضحك : ههههههههههه خلاص ولا يهمك بس تجمعوا حولينا
تجمعوا حوالين بعض ويعززون لهم ويرددون وراهم
فيصل : البارحة يوم كلٍ نام ما لجلج النوم بعيوني
جيت ولقيت الحرس قدام وارجع من الباب مغبوني
كل العيال وبدون أستثناء كانو يغنون ويرددون ورا فيصل
_______________________________
~ صباح يوم العزيمة ~
طلع الجد نايف للحوش وشاف أحفاده كلهم نايمين بالمجلس ابتسم وطلع ماحب يزعجهم استوقفه صوت بنته بدور : يبه وين حابين تفطرون
الجد نايف : هلا ببدور البدر هلا والله يابنتي على هواك لكن اقصروا الصوت العيال نايمين بالمجلس
بدور : خلاص اجل بنحطه بالحوش عشان تفطرون كلكم
الجد نايف : اللي تشوفينه يابدور البدر سويه مانقول لا
بدور ضحكت : جعلني ماخلا منك ياحبيبي
الجد نايف : ولا منك ، صحى فيصل وطلع لـ جده وعمته
فيصل : صباح الخير ياكل الخير
الجد نايف : هلا هلا صباحك نور وسرور
فيصل : جاني السرور يوم صبحت على شوفك ياغالي
بدور : الله لنا
فيصل : كأنك غرتي من جدي ولا ؟
بدور : لا والله ماغرت بس عبرنا ياخي عطنا وجهه
فيصل راح لها وحضنها : امووووت على اللي يتزعل ابشري والله بسعدك
بدور ضحكت : ياحبيبي يلا اخليك مع ابوي بروح اجهز لكم الفطور
فيصل : يعطيك العافية مقدماً
بدور : الله يعافيك
فيصل : هاه ياجدي كيفك اليوم ان شاء الله مبسوط ومرتاح
الجد نايف : من جيتوا انا صرت مرتاح
فيصل : ياعساها دوم تعال تعال نقعد ونسولف مشتاق لـ سواليفك
الجد نايف : على هالخشم ابشر والله بـ السوالف الزينة
فيصل : عليه الشحم يلا عطنا منها شي
_______________________________
~ بيت ابو عبدالمحسن ~
ام عبدالمحسن : عساك ارتحت يوم خطبنا لك نجوى
عبدالمحسن : اي والله اني ارتحت خفت انها تروح مني
ام عبدالمحسن : خلاص صارت حلالك وارتحت من هـ الهم
عبدالمحسن : اي والله انه كان هم على صدري وانزاح يوم خطبتها
جنى : اسمع مستقبلاً اذا جتكم بنت سموها على اسمي تسمع
عبدالمحسن : من عيوني وابشري اول ضناي ان كأنها بنت والله ان اسمها يكون جنى
جنى : اي على بالي بعد كنت متخوفة بعد كل هالتعب اطلع من القصة بلوشي وبدون فايدة
ام عبدالمحسن : ليش وش مسويه له
جنى : اء اء كنت اسعى اني ازوجهم واشوف نظرة نجوى لـ عبدالمحسن وصار اللي كنت له اسعى
ام عبدالمحسن : يافضيحتي وش كنتي تسوين مع البنت
عبدالمحسن : يمه كل ذا اللي صار من اوامري لها هي مالها دخل بالموضوع انا اللي كنت اقول لها تجيس نبض نجوى وتشوف كيف مشاعرها اتجاهي
ام عبدالمحسن : وليش كل ذا وش تبي تستفيد
عبدالمحسن : يمه انا كنت احب نجوى من ايام الطفولة وهي كانت تبادلني هالشعور لكن كبرنا وماعاد صرنا نشوف بعض وتقابل مثل قبل وحبيت اتأكد شعورها للحين موجود ولا لا
ام عبدالمحسن : أهخ منك أهخ بتذبحني انت
جنى : صلي عالنبي يمه خلاص صارت حلاله وش بيفيد هواشك له الحين
_______________________________
~ بيت باسل ~
ليلى : شفيك ليه متضايق عسى ماشر
باسل : امي حالها مايبشر بخير حاس فيها شي
ليلى : وش فيها بسم الله صاير شي ما ادري عنه
باسل : صايرة تفكر بالديانة اللي ياخذ منهم ابوي وكيف بتصرف على خواتي وكيف وكيف فيه اشياء كثير تدور ببالها ما احنا عارفين وش هي
ليلى : جلستوا معها سمعتوا وش بخاطرها ووش تبي
باسل : جلسنا وتكلمنا لكن مافيه فايدة ساكته ماهي راضيه تطلع اللي بقلبها
ليلى : لا حول ولا قوة الا بالله الله يريح قلبها ويمدها بالصحة والعافية الابدية
باسل : تخيلي ان بشاير تسالها وتقول وش فيك ترد مافيني شي مافيني شي احنا عارفين ان موت ابوي كان بالنسبة لها فجعة بس هي تحاول تتأقلم وماتحسسنا بشيء مع اني والله عارف انها مستحيل تنسى كيف مات
ليلى : موت عمي ابداً ماكان مثل اي موته يموتها الانسان مات مقتول تعرف ايش يعني مات مقتول ؟ مستحيل تنساها وتتخطاها
باسل : تكفين يـ ليلى تكفين لا تقولين انه مات مقتول تراها تذبحني هالكلمة
ليلى : الله يرحمه ويغفر له ويسكنه فسيح جناته
باسل : امين يارب العالمين
_______________________________
~ بيت ابو عبدالعزيز ~
عبدالعزيز : اي يانجوى قلتي لي وش دار بينكم انتي وعبدالمحسن
نجوى : نعم خير وش تبي ؟
عبدالعزيز : ابي اعرف وش سولفتوا فيه وايش قال لك قوت جيبي الفصفص والشاي بسرعة
نجوى : لا لا تجيبين شي ماراح اقول لو تموت شي بيني وبينه وش تبي حاشر نفسك
عبدالعزيز خزها : شدعوة ترا عادي واي واي قطيعة
نجوى : بس بس اذلف شوف جاسم باق الشركة احسن لك من هالسوالف اللي بلا طعم
قوت : خير وش فيهم رية وسكينة تشادوا بالشعور احسن
نجوى : ياخي اخوك ذا قليل ادب مررره
قوت : اوووف ليش وش قايل لك
نجوى : يبي يعرف وش دار بيني وبين عبدالمحسن امس
قوت : لا ياشيخ وانت وش عليك بالله منهم
عبدالعزيز : اسكتوا قبل اقوم افرشك انتي وام كشة ذي يلا
نجوى : اذلف بس هذا اللي ناقص بعد
عبدالعزيز : هين اوريك يجي يوم وتساليني نفس هالسؤال واكرشك
قوت : والله ماظنتي من كثر ماتطلع عذاريب ببنات الناس
عبدالعزيز : اسكتي ياحسودة انتي
_______________________________
~ بيت الشيخ نايف والعزيمة ~
الشيخ نايف : يامرحبا بالجميع شرفتونا ونورتوا محلنا عزيمتي الليلة ماهي مثل العزايم عزيمتي الليلة بمناسبة جية اخوي وعضيدي نواف ورجوع عيالي من الحد تفضلوا الله يحييكم على عشاكم واعذرونا على قل الكلافة
الكل : ماقصرت والله يكثر خيرك والحمدالله على سلامتهم
الشيخ نايف : الله يسلمكم تفضلوا حياكم الله
جابر : ياعيال اخاف عمي نايف يشوف العود ويكسره على راسي خلوني ارجعه تكفون
بدران : اقعد وخله وماجاك بوجهي ماعليك
جابر : تقوله صادق
بدران : ايه ايه ماعليك اقعد بس
شريان : ما اخبرك ذروق وبعدين جدي تراه راعي طرب ماعليك
جابر : يابن الحلال شايف العالم اللي معزومة اغلبهم مطاوعة اخاف يجيني شيٍ طاير من احدهم
شريان : خلهم يخلصون من العشاء وتشوف كيف بينطربون معك وجدي ينبسط
قاسم : عمي نايف يقول بنلعب سامري حايل
شريان : اوووه عاد انت حايلي وجوك السامري وبينبسطون عليك
قاسم : والله اني ارتبك من الجماعة يتهايقون ويجيني هاك الربكة
شريان : ماجايك شي ان شاء الله
بعد نص ساعة تجمعوا الشيبان والعيال كلهم عشان يلعبون سامري حايل
الشيخ نايف : يلا ياقاسم اطربنا بالسامري
قاسم جاء بالنص وعلى يمينه شريان وعلى يساره فيصل والعيال وقبالهم الشيخ نايف واخوه ابو جمعان وابو نصار وعيالهم
قاسم ارتفع صوته : يابو سامي علامه صاحبي وشبلاه
قلة اني احبه والغلا مايعيب
قلبي اللي تعذب من سبايب حلاه
قاعدوا يرددون وراه ويرقصون ويلعبون وبعد ما انتهوا من سامري حايل قدموا جابر يغني ويعزف على عوده
جابر : وش تبون تسمعون
الكل : سمعنا غزلي
جابر تنحنح وابتدأ يدق العود : يازين خل الخد مكشوف
لا تلبس البرقع يغطيه
ما انت بعلى لبسه بمكلوف
توك صغير وجاهل فيه
الكل بتصفير وتصفيق : الله علييييييييككك ياجابررر الله
يرددون وراه ويغنون وما حسوا بمرور الوقت كانوا بقمة السعادة والفرح
أنت تقرأ
كل دارٍ تضمك ليتها صدري وكل عينٍ تشوفك ليتها عيني
General Fictionأن ضايقوك الخاليق وأزعلوك ماعليك الا تزهمين حبيبك وكل ناسك وأبشري بسعدك ياقوت شريان . "رواية جديدة وحكايا جديدة ، أتمنى تنال رضاكم ولا أستبيح أقتباسها " "بعض من أحداث الرواية واقعية" للكاتبة : أمواج
