كل دارٍ تضمك ليتها صدري وكل عينٍ تشوفك ليتها عيني

بارت 17

~ صباح أول يوم لـ اهل الرياض فالديرة ~
عبدالعزيز : وش ذا الإزعاج وش صاير برا
ابو عبدالعزيز : عادات وتقاليد الديرة
عبدالعزيز : اما عاد ذي عادات وتقاليد
ابو عبدالمحسن : اي وانا عمك ذي عاداتهم وتقاليدهم كلٍ له عاداته وتقاليده
عبدالعزيز : غريبة والله
عبدالمحسن : ماهي غريبة عليهم لكن اي احد يزور الديرة مثلنا اكيد بيستغرب هالعادات والتقاليد هذي
ابو عبدالعزيز : صحيح هم مايستغربونها لكن اللي مثلنا بيستغرب لانه اول مره يزورها
قاطعهم صوت دق الباب وراح عبدالعزيز يفتح وطلع خالد : السلام عليكم
عبدالعزيز : وعليكم السلام ورحمة
خالد : عسى ماسببت لكم إزعاج ولا شي
عبدالعزيز : لا ابداً حياك بأي وقت تفضل تقهو
خالد : تسلم ياحبيبي بس انا جايب لكم اغراض وذبيحة هذي من جدي نايف ويقول وصل لهم سلامي ويعذروني على قل الكلافة والقصور
عبدالعزيز : يوصل ان شاء الله وكثر الله خيره ويمال الغناة ماقصر
خالد : خذ لي طريق عشان ادخل الاغراض داخل البيت
عبدالعزيز : ماتقصر ياحبيبي انا اشيلها مانبي نتعبك
خالد : والله ماتشيل شي خذ لي طريق خلني ادخل الاغراض انتم ضيوفنا وهذا عيبٍ عندنا
عبدالعزيز : طيب خلني اساعدك الاغراض كثيرة عليك لحالك
خالد : على هواك بس خذ لي طريق قبل
عبدالعزيز : ادخل مافيه احد حياك
_______________________________
~ رجال الشيخ صالح رحمة الله ~
فاضل : فكنا الله من مهمته ومات ولا كان رحنا فيها من وراه
مبارك : يارجال والله اني ارتحت اول ماسمعت انه مات كنت خايف من انه يجي اليوم الثاني ويحاسبنا على كل شي مانفذناه
جواد : اي والله صدقتوا لكن اللي قاهرني اننا ماعاد بنأخذ رشوة وبخشيش منه
فاضل : الرجال كثير لا بد من اننا نلقى احد غيره مليان وبعيونه الشر ونطلع من وراه فلوس مثل صالح
مبارك : الرجال عندي ماعليكم لكن انه ماهو من الديرة ولا هو من اهلها
فاضل : ومنهو ذا لا تنكبنا مع رجال مانقدر عليه
مبارك : يابن الحلال تراه مثل صالح بالضبط لكن انه اضعف من صالح بـ واجد ولا يقدر يسوي شي للناس عشان مايحسبون الله ماخلقه بمعنى الكلمة الرجال ذروق ويبي له رجال تساعده في مهماته
جواد : الله عليك هذا اللي نبي منهو ووش اسمه ومن وين
مبارك : اسمه أسر بن عبدالخالق ومن جدة
فاضل : من جدة وش جابه للديرة
مبارك : يادلخ انت ناسي اننا كل سنة نغير ونروح للمدن والديار اللي فيها مثل صالح وأسر
جواد : شقصدك ؟ ننقل من الديرة لـ جدة يعني
مبارك : الله عليك ايه بننقل لـ جدة ونتفق معه ونأخذ منه رشوة وبخشيش لين نكح فلوس انتم بس طيعوني وامشوا ورا كلامي والله ان نطنخ من وراهم ونبطل هالشغلة ذي
فاضل : طيب متى يبي ننقل عنده
مبارك : بكره بدق عليه واشوف متى يبي ننقل عنده جهزوا انفسكم واغراضكم حنا انتهى شغلنا بالديرة صالح ومات ماعاد فيه احد الشر بعيونه ويمشي الحقد بدمه مثله
العيال : تم
_______________________________
~ بيت الشيخ سعد ~
رهف : اخيراً صرنا مثل العالم والناس نطلع ونروح ونجي ونأخذ اللي بخواطرنا ولا احد يتدخل فينا
راكان : ايه خلاص ما احد له فينا دخل ولا ولي علينا من بعد ابوي رحمة الله عليه كان شر وانصرف عننا
سديم : من زمان مو طالعة للسوق ولا شايفة الناس معقولة ذي ديرتنا وذي الحياة احس اني غريبة فيها من كثر مانبي مبسوطة ماكان ودي اننا رجعنا للبيت كان ودي اطول واتفرج بالبضايع واشتري
راكان : ولا يهمك بكره بعد اخذكم واوديكم واخليكم تأخذون راحتكم بالسوق ومانرجع للبيت الا اذا مليتوا
سديم : الله ايه تكفى باقي ماشبعت من السوق باقي
ام راكان : بس يابنت مو لازم تروحين مره ثانية رحتي اليوم يكفي والجمعة الجاية نروح
راكان : ليه مايروحون ؟ ليه مايحسون انهم مثل الناس يروحون ويجون ويسوون اللي يبون ؟ يمه ترا حنا طول حياتنا بعد ابوي ما شفنا السوق ولا رحنا ولا جينا خلاص انا ابي اعوضكم عن كل اللي مرينا فيه ابيكم تحسون انكم ما انتم اقل من اللي يروحون ويطلعون ويتمشون ابي اعوضكم واكون انا السبب بالعوض بعد الله
ام راكان بـ ابتسامة : رح يالله عساك من خير لـ خير ومن سعادة لـ سعادة يالله عساك تكون مرتاح وطيب وبخير وبستين نعمة وماينقصك شي
راكان بـ ابتسامة : امين يارب الله يخليك لنا ولا يحرمنا منك دامك معنا وصوتك يحيي هالبيت حنا بخير وماينقصنا شي
الكل : امين
ام راكان : ياحبيبي انت والله
_______________________________
~ بيت الشيخ نايف ~
الشيخ نايف : هاه يابوي وصلت لهم الاغراض
خالد : ايه وصلتها ودخلتها البيت مثل ماطلبت
الشيخ نايف : بعدي والله بعدي
ابو نايف : وش له كل ذا الاغراض يبه ماكان له داعي
الشيخ نايف : وش تقول انت ؟ جايين لديرتي ضيوف واخليهم بلا اكل وشرب وش بيقولون عني الناس
ابو نايف : ما اقصد كذا يابوي فهمتني غلط انت والله انك ماتقصر وخيرك سابق لكن هم يقولون انهم بس كم يوم ومروحين ماهم قاعدين والاغراض اللي وديتها كثيرة بتنكب
الشيخ نايف : لا لا ماهي منكبة ان شاء الله بيأكلونها ولا يتصرفون فيها ويعطونها اللي يبون اهم شي اني اكرمتهم
ابو محمد : ماقصرت الله يطول عمرك ويمدك بالصحة والعافية وهم مايندرى بيطولون ولا مروحين فالحالتين الاغراض بتنوكل ولا منكب منها شي ذي نعمة وما احد بيفرط فيها
ابو جمعان : نايف ابيك تخاويني
الشيخ نايف : على وين
ابو جمعان : قريب بتخاويني ولا اروح لحالي
الشيخ نايف : لا والله بخاويك مانيب مخليك لحالك
ابو جمعان : اجل يلا توكلنا على الله
_______________________________
~ العيال وحوستهم بالسوق ~
شريان : ياعياللل شوفوا وش لقيت
شايع : وشو
شريان : لقيت شريط اغاني جديد لـ مخاوي الليل
شايع : احلف
شريان : والله تعالوا
بدران : كذاب ترا اعرف سوالفك ذي
شريان : شايفني كبرك اكذب عليك تعال شف بعيونك
حازم : اسكتوا فضحتونا ترانا بالسوق ماحنا فالبيت
بدران : وش فيك ياجدة منيرة ليه معصبة ؟
حازم : وجع عنبوا هالراس اي والله
شايع : لاحول ولا قوة الا بالله انا وش جابني معكم ليتني قاعد احسن لي
شريان : ماعليك منهم امش معي وخلهم يتهاوشون لين يطيح اللي في روسهم
جمعان : بيفشلونا ماينتركون لحالهم ذولي
شريان : عجزت منهم مايفيد معهم الكلام امشوا وخلوهم
جمعان : ياعيال خلاص فشلتونا ترا الحين لو شافكم احد وش بيقول عنكم احفاد الشيخ نايف يتعايرون قدام الله وخلقه
حازم : فهم ذا الدلخ ماعنده الا ذا العيار اللي ماله طعم
بدران : خف علينا يا ابو المزوح والتضحك
جمعان مسك راسه ومسكهم : امشوا امشوا ماينطلع معكم انتم