كل دارٍ تضمك ليتها صدري وكل عينٍ تشوفك ليتها عيني

بارت 26

~ المستشفى ~
عبدالمحسن بصراخ : الحقونيييييي زوجتيي بتموتتتت
راح يركض طاقم من الاطباء معاه يدخلونها
عبدالمحسن : شوي شوي عليها يادكتور شوي شوووي
الدكتور : اذكر الله يـ اخوي ماهو زين تصيح قدام الله وخلقه الامور ان شاء الله بخير
عبدالمحسن : يادكتور هي فجعتني تقول ان فيها مرض ولا ادري ايش هو ماعاد تكلمت
الدكتور : ابشر على هالخشم الحين ندخلها ونكشف عليها ونرد لك خبر اذا كان فيها شي ولا لا
عبدالمحسن : انا داخل على الله ثم عليك انك تطمني عليها ذي قطعة من قلبي لا يمسها ضرر
الدكتور : ان شاء الله انت ادخل بس واستريح هناك لين نناديك
عبدالعزيز المنفجع : وش السالفة اختي وين ياعبدالمحسن
عبدالمحسن : داخل يكشفون عليها
عبدالعزيز : وش صار وايش فيها
عبدالمحسن : صار اللي صار والله مالي حيل اتكلم
عبدالعزيز بصراخ : لا تنشف لي دمي قول وش صاررر
عبدالمحسن : يابنننن الحلالللل كل شي صار فجأة خلاص الحين يطلع الدكتور ويقول لنا وش فيها
عبدالعزيز : يعني ماراح تقول لي اختي وش فيها
عبدالمحسن : وش اقول لك وش اقول تبي اقول شي انا مدري ايش هو ولا ادري عنه انا قاعد على أعصابي انتظر الدكتور يطلع يطمني اقعد ولا اطلع
عبدالعزيز : تطردني ياعبدالمحسن تطردني ؟
عبدالمحسن : اذا هذي سواياك اي اطردك ولا اراك شي
الدكتور طلع على تعالي اصواتهم : ياعيال صلوا عالنبي تراكم في مستشفى كل خلق الله تشوفكم
عبدالعزيز : بشر يادكتور اختي وش فيها
الدكتور : الامور ان شاء الله بخير بس نحتاج مُتبرع
عبدالمحسن : تبرع بالدم انا موجود اتبرع لها انا كلي لها
الدكتور بتردد : لا مو تبرع بالدم احنا نحتاج مُتبرع بالكلى
عبدالمحسن بصدمة : كلى ايش شقاعد تقول انت بعقلك شي انهبلت
عبدالعزيز وهو يحاول يسكته : اص اص ترا ما احنا بالرياض عشان تقول له كذا هد فضحتنا
عبدالمحسن : انت سامع وش يقول يقول انها تحتاج مُتبرع بالكلى انت مستوعب مستوعب انها مريضة بفشل كلوي ؟؟؟؟
عبدالعزيز : سامع ولا اني قادر استوعب لكن مو معناته اجلس اصارخ وارفع صوتي على دكتور لولا الله ثم هو ماعرفنا ايش فيها ولا ايش تعاني منه
عبدالمحسن : انا بتبرع لها طيب اذا فيه مجال اني اتبرع
الدكتور : اكيد ولكن قبل كل شي تأكد لو ماقدرت انت ماتيأس ان شاء الله بنلقى لها مُتبرع
عبدالمحسن : أهخ يادكتور انت ماتدري انها لو طلبت روحي ماقلت لها لا تتوقع اني ببخل عليها بكلية ؟ أهم ماعلي اني اشوفها بخير ماتهم صحتي اذا هي بخير هي صحتي وكل دنياي
______________________________
~ بيت ابو ناجي ~
ناجي : شفت يايبه شفت هذولي اللي كسرت قلب اختي عشان توافق على واحد منهم وبالاخير كلهم يتكلمون فيها
ابو ناجي : الله لا يبارك فيهم ويلعن الساعة اللي وافقت اني ازوجها واحد منهم
ناجي : الظاهر ان اللي صار يـ ابوي درس لك يمكن الله رايد لها الافضل والاحسن من ذولي ولو كانت هي موافقة انا ماني موافق اختي تعرس على واحد منهم لاني عارفهم وعارف سواياهم ونواياهم
ابو ناجي : اييه ياناجي لهدرجة انا قسيت عليها
ناجي : انت الله يهديك بس ويخليك لنا خطيت خطوة ماكان المفروض انك تخطاها لكن الحين تلقى حور زعلانة بناديها لك وتراضوا انت وياها وان شاء الله ربي بيرزقها باللي احسن ويستاهلها ويحطها في عيونه
ابو ناجي : الله يلعن الشيطان ويلعن هذيك الساعة رح نادها خلني استسمح منها واراضيها اطيب خاطرها
ناجي : ابشر بروح لها واخليها تجيك وتراضيها وترجع مثل قبل تحبها وتحبك وتجبر خاطرها مثل اول
ابو ناجي : يلا رح خلها تجي اراضيها احس اني قسيت عليها شوي يوم اني اجبرتها
ناجي : تمون على هالرقبة وهي ماهي معترضة على رضاوتك لها هي تموت على الارض اللي انت تمشي عليها على اذنك بروح اناديها لك هي وامي
ابو ناجي : زين زين
______________________________
~ بيت ابو أدهم ~
ابو أدهم : وطيت راسي وفضحتني عند ابو ناجي الحين وش اقول وين اودي وجهي
أدهم : والله مالي ذنب والله كل شي طلع من سرور هو اللي قال هالكلام عن البنت وانا والله مافتحت فمي بحرف يمسهم في فضيحة
ابو أدهم : شلون يعني انت ماقلت شي وابو ناجي يقول انك انت وسرور قايلين ذا الكلام قل لي
أدهم : كل الكلام اللي سمعتوه كلام سرور انا كل اللي قلته دامها كذا الله يستر عليها وهو يقول ويطعن في عرضهم انت تعرفني تربيتك مستحيل اني اسويها او اني اتكلم بحرف يمسها في فضيحة ولا يمس عرضها
ابو أدهم : متأكد انه ماطلع من غير هالكلام اللي اسمعه الحين ولا بس قدامي وقايل شي من وراي
أدهم : لا والله ذا كل اللي طلع مني واقوله قدامك ومن وراك انا ولدك تربيتك انت ربيتني على كذا ؟ لا ربيتني على الستر وحفظ الكلام وصون الاعراض
ام أدهم : هذا ولدك قال لك كل شي وش عاد باقي بتعاتبه عليه قال لك الصدق من الكذب وسرور هذي عوايده دايم يتكلم فالناس واللي رايح واللي جاي
ابو أدهم : انا اوريه هو وابوه قليل الادب والحياء
______________________________
~ بيت العم طلال ~
نايف : وش فيك سرحان
غزاي : ابد ولا شي
نايف : فيك شي وضعك ماعجبني اليوم عسى ماشر
غزاي : افكر في موضوع العرس اللي ابوي ينتظره على احر من الجمر شاغل تفكيري ومأكلني
نايف : وش فيه العرس ؟ انت ودك تعرس كان ودك رح لـ ابوي وقل له انك تبي تعرس وماهو مقصر معك ولا هو معيي وبيشوف لك ناس أجاويد يخطب لك منهم
غزاي : انا اللي شاغلني لو اعرست البنت وش بتسوي معي انت شايف وضعي وحالي مايساعد وخوفي تتضايق مني ومن وضعي وتقعد تزعل علي
نايف : غزاي انت متى تستوعب انك ما انت عاجز ولا انت مقعد بسم الله عليك عشان تقول هالحكي انت اللي فيك أصابة ومع الايام بتروح وبترجع غزاي الاولي ليه متقعد من ذا الموضوع وحاس انك لو اعرست ماهي مرتاحة معك
غزاي : ياخي انا خايف اني ابلشها مثل لمياء والبندري ما اسوي شي الا بمساعدة منهم
نايف : وانت تتوقع انها لو رضت فيك بتطفش ولا بتتضايق صدقني مارضت فيك الا وهي عارفة وضعك وعارفة وش انت مريت فيه مستحيل احد في هالديرة مايدري وش انت مريت فيه من تعب ومن اصابات
غزاي : احساسي يقول اني لو اعرس عرسي ماهو تام ولا بتوفق فيه ابد
نايف : لا حول ولا قوة الا بالله غزاي انت بك شي مسخن ؟ والله مافيه وحده بترضى على واحد هي ماتعرف وش هو مار فيه من ظروف ومن تعب واصابات يمكن ابوي يخطب لك من بنات عمي اصلاً وهم كلهم يعرفون وضعك فـ اللي ابيه منك انك ترتاح ولا تشيل هم العرس وتفكر في شي يدمرك وانت مافيك الا العافية ياغزاي
غزاي : الله يعين ويكتب اللي فيه الخير انت اكثر واحد تعرفني اني ما احب اظلم شخص معي
نايف : اعرف والله اعرف والكل يعرف انت ارتاح بس ولا تفكر بالموضوع بطريقة سلبية ابد
______________________________
~ المستشفى ~
عبدالمحسن : بشر يادكتور ان شاء الله اقدر اني اتبرع
الدكتور : تقدر تتبرع لكن ماراح نخليك تتبرع لها
عبدالمحسن : وليش ما اتبرع اذا انت تقول تقدر
الدكتور : لقينا لها مُتبرع بيتبرع لها ومايبي منكم الا الدعاء
عبدالمحسن : ومين هذا اللي بيتبرع لـ وحده مايعرفها
الدكتور : اعتبره عمل انساني هو كبير سن وحاب يتبرع انت تبي تعترض على شخص وده بالاجر ؟
عبدالمحسن : لا ابداً بس دامني انا اقدر انا اللي بتبرع لها
الدكتور : قلنا له انك انت زوجها وبتتبرع لها وقال لا انا اللي بتبرع لها ما ابي اشوف شخص يضحي وشخص يتعب وانا كذا او كذا ايامي معدودة خلوني انا المُتبرع وهم يرتاحون من هم التعب اللي بيمرون فيه بعدين
عبدالمحسن : لا اله الا الله تقدر توصلني له او توصل له شكري على الاقل
الدكتور : ابشر وش حاب تقول له
ام عبدالعزيز قاطعتهم : هاه ياعبدالمحسن بنتي وين
عبدالمحسن : داخل بالغرفة
ام عبدالعزيز : بعد بدخل اشوفها
الدكتور : ماتقدرين ياخالة الممرضات قاعدين يجهزونها للعملية
ام عبدالعزيز : عملية ايش بنتي وش فيها
عبدالمحسن : عملية زراعة كلى نجوى طلع عندها فشل كلوي وما احد كان يدري لما طيحها وماعاد صارت تقدر تصبر
ام عبدالعزيز : ايش لا تقولها بنتي مافيها شي لا تفأول عليها
الدكتور : للاسف الشديد ياخالة كلام أخ عبدالمحسن صحيح المريضة تعاني من فشل كلوي وكان هو بيكون المُتبرع لكن لقينا لها مُتبرع ثاني رفض زوجها يتبرع
ام عبدالعزيز : كيف ووشلون من متى وليش ماقالت
ام عبدالمحسن : يلا الحمدالله لقينا لها مُتبرع بيتبرع لها انتي الحين ادعي تقوم بالسلامة بس لا تجلسين تعاتبين الحين مايفيد العتب
عبدالعزيز : طيب يادكتور متى عمليتها
الدكتور : بعد شوي ادعوا لها تقوم بالسلامة هي بحاجة دعواتكم لا تتركونها من دعواتكم
______________________________
~ بيت الديرة ~
قوت : يبه تقدرون تروحون لـ نجوى المستشفى
ابو عبدالعزيز : كيف بنروح وانتوا من يجلس عندكم
قوت : لا تشيلون همنا بنجلس هنا او بنروح لـ بيت العم نايف روحوا
ابو عبدالمحسن : يابنتي كيف بنروح واحنا جايين على سيارتين وكلها مو موجوده
قوت : تقدرون تأخذوننا لـ بيت العم نايف وتطلبون منهم يوصلونكم المستشفى واحنا بنبقى عندهم لـ حد ماترجعون وتطمنونا على نجوى
جنى : صحيح منها انتوا بعد تتطمنون على نجوى وتعرفون ايش فيها ومنها تكونون مرتاحين اننا بخير
ابو عبدالعزيز : اجل توكلنا على الله روحوا البسوا وتعالوا
قوت : ان شاء الله يلا جنى قومي معي
ابو عبدالمحسن : الله ييسر ويستر يارب
ابو عبدالعزيز : اول مره يصير في بنتي شي ولا ادري عنه اول مره تخبي علينا موضوع مثل هالموضوع
ابو عبدالمحسن : هانت يـ اخوي الحين نوصل البنات ونروح المستشفى نتطمن عليها ان شاءالله مافيها شي
جنى : احنا جاهزين يلا
ابو عبدالمحسن : يلا يـ اخوي عطني يدك توكلنا على الله
ابو عبدالعزيز : ونعم بالله يلا يابناتي يلا مشينا
راحوا لـ بيت الشيخ نايف ودخلوا : السلام عليكم
الشيخ نايف : وعليكم السلام ورحمة حياكم الله اقلطوا
ابو عبدالعزيز : المرات الجاية ان شاء الله لكن حنا جايين نحط البنات عندكم ونبي احد يوصلنا المستشفى
الشيخ نايف : عسى ماشر وش فيكم
ابو عبدالعزيز : بنتي الكبيرة تعبانة وخذوها المستشفى وقلبي مو مرتاح ولا فيه سيارة عشان نروح جبنا البنات وقلنا يمكن نلقى احد يوصلنا
فيصل : حياكم انا اوصلكم للمستشفى
الشيخ نايف : سلامتها ماتشوف شر طمنا اذا وصلت وبناتكم في عيوننا لا تشيلون هم حسبة بناتنا
ابو عبدالمحسن : ماقصرتوا والله ماندري كيف نوفي لكم حقكم احرجتونا
الشيخ نايف : ابد البيت بيتكم خذوا راحتكم والعيال عيالكم لا تستحون من شي لا يردكم الا لسانكم
ابو عبدالعزيز : ماقصرت والله حنا نستأذن اجل
الشيخ نايف : في حفظ الرحمن بشرونا عنكم
ابو عبدالعزيز : ان شاء الله