كل دارٍ تضمك ليتها صدري وكل عينٍ تشوفك ليتها عيني

بارت 24

~ حوار أدهم وسرور بالسوق ~
أدهم : الحين ليه ابوي وابوك خطبوا لنا نفس البنت
سرور : والله يـ أدهم اني ما اعلم لكن انا عن نفسي ماراح اخذها ولا ودي بها وبيني وبينك سمعت انها طالعةٍ من ولد الله يستر عليها وفهمك كفاية
أدهم : وش وش ؟ تقولها صادق انت ولا تستهبل
سرور : جاك العلم اللي جاني يقولون انها تعيي عن الخطاطيب فيها علة واللي باليها مايندرى منهو ولدٍ له وانا معيي منها ولا ابيها وبرد لهم مافيه نصيب
أدهم : اخو العيال انا ولدك يـ ابوي وش هالكلام اللي اسمعه اجل تحرم علي دام ذي سواياها وعلومها مانيب بالي عمري مع وحدةٍ معلولة وتعمل هالسوايا الشينة
سرور : ايه احسن لك والله لا تبليك بسوالفٍ انت في غنى عنها ولا لك فيها مثل ماتعمل هي وتسوي
أدهم : اشوا انك علمتني قبل ابتلي فيها واعرس عليها وتطلع لي بلوة مالي فيها
سرور : ابعد عنهم وناجي ذا لا عاد تماشيه اكيد انهم عارفين بعمايل بنتهم وساكتين يتسترون عليها من الفضايح وقيلة يـ المعلولة
أدهم : اجل انا لازم اعلم ابوي قبل يتمم هالعرس منها وساعتها والله اني ببتلي بها وبعلتها
سرور : ايه ايه رح علم ابوك وانا بروح اعلم ابوي ونسكر هالسالفة ولا تنفتح ابد ابد
أدهم : يلا يلا انا بمشي مع السلامة اشوفك بعدين
ويـ للآسف سمعهم راضي اللي كان مار صدفة وراح ركض لـ بيت ابو ناجي
______________________________
~ عيال الشيخ صالح وعبيد ~
باسل : ياعيال انا بنجن هذا وين طس انشقت الارض وبلعته يعني ولا شلون
عبيد : يمكن انه سافر لـ ديرته وقطع كل شي يملكه ويدلكم عليه هنا
باسل : مايقدر يسافر لـ ديرته جوازه منتهي وضايع مايدري وينه فيه هو هنا فالسعودية ماطلع منها بس وينه مدري هذا اللي ذابحني وقالقني
عبيد : طيب خلونا نبلغ في كذا ديرة لو نسافر للرياض وضواحيها والديار القريبة منها نبلغ بلغنا هذا مايكفي ولا هو مساعدنا نلقاه
فهد : انا اشوف ان عبيد معه حق خلونا نسافر ومانرجع الا وحنا مبلغين في كذا ديرة وجارينه جرر هالكلبب
عبيد : انا بعرف كيف نلقاه بس انتم معي في كل شي اسويه وامشي عليه ولا اكمل لحالي
باسل : وش تقول ياعبيد هذا ابوي معك في اي شي يخصه ويخص غريمنا ابد رح وحنا معك باللي تسويه
حسين : مشينا ياعيال والله لـ اخليه يتمنى الموت ومايلقاه ويتمنى الفكة ولا يفتك والله
عبيد : توكلنا على الله ولكن قبل نمشي علموا امكم عشان لا ينشغل بالها عليكم وانا بجيب السيارة واجي
باسل : زين زين فهد دق عليها دق
فهد : طيب
دق على امه وردت اخته خلود
فهد : الو يمه
خلود : انا خلود امي برا
فهد : روحي عطيها الجوال ، ولا اقول لك لا لا بس اسمعيني زين
خلود : وشو اسمعك
فهد : عرفنا منهو غريمنا واللي ذبح ابوي والحين قاعدين نفر على مراكز الشرطة نبلغ عنه ونطلعه من تحت الارض
خلود بفجعة : وشوووو ومنهو ذا اللي ذبح ابوي الله لا يوفقه دنيا واخره والله يحرمه اغلى ماعنده مثل ماحرمنا من ابوي
فهد : الكلب العامل بلال هو اللي ذبحه واللي أكد لنا عبيد ولد جارنا
خلود بصراخ : الله لا يوفقكككككككك يابلاللللللل الله لا يوفقككككك قهرتنا في حبيبي في الغالييي
فهد : صلي عالنبي يابنت وقصري صوتك خلاص بندور عليه وبنجره جر ونذبحه مثل ماذبح ابوي
خلود : ياوجع قلبي ياوجع قلبي تكفى يافهد تكفى لا ترجعون الا وانتم جايبينه
عبيد : يلا ياعيال السيارة جاهزة برا
فهد : انا لازم اسكر علمي امي بالموضوع بـ هدوء ولا تفجعينها وقولي اننا ما احنا راجعين اليوم بنمشي للرياض
خلود ببكى وانهيار : طيب طيبب
______________________________
~ بيت ابو ناجي ~
راضي : تكفى ياعمي انا جايك بكلام يخص بنتك المستورة وابيك تسمعني للاخر وتهدأ
ابو ناجي : يخص بنتي انا ؟ وشهو قله
راضي : أدهم وسرور ياعمي
ابو ناجي : وش فيهم لا يكون تبي تصير معهم على بنتي
راضي : لي الشرف ياعمي نسبك ولكن ماني جاي عشان هالموضوع انا جاي عشان موضوع لو اقوله بيشيب راسك
ناجي : تكلم ياراضي وش فيهم ووشهو الكلام اللي سمعته عن اختي
راضي : كنت مار السوق وصادفت محل جنب المكان اللي هم كانوا قاعدين فيه وسمعتهم يقولون عن بنتك المستورة كلام يشيب الراس يقولون انهم مايبون واحد منهم يعرس عليها عشانها معلولة وتعيي عن الخطاطيب اللي يجونها عشان علتها اللي ما احد يدري بها غيركم وتتسترون عليها عشان ماتجيب لكم الفضايح وتبلشونهم فيها
ابو ناجي : وش تقووووول انت بعقلك صاحي ولا مهبول
راضي : والله اني ما اكذب عليك بحرفٍ قلته ويقولون بعد بيقولون لـ أبوانهم يجون يقولون مالنا عندكم نصيب
ناجي : انا ولدك يـ ابوووووييييي والله لـ اربيهم والله بأي حق يتكلمون عن اختي ويقولون عنها كلام ماهي تسويه
راضي : صل عالنبي ياناجي وكل شي يجي بالهداوة ، يردد بخاطره لا بالله مايجي الا بـ الذبح والله لـ ابرد خاطري ، صل عالنبي وهد هالامور تبي لها هداوة على كذا العرب كلها بتدري وعنادٍ فيكم بيعلمون العرب كلها في شي ماهو فيكم ولا في بنتكم المستورة ياناجي
ناجي : ياراضي وخر عني خلني اروح لهم والله ما اخليهم والله من هم عشان يتكلمون على اختي هااه منهم ؟؟؟
راضي : ابشر وعلى خشمي بخليك لكن هد لا يفضحون السالفة والعرب تصدقهم ياناجي خلها دامها مستورة حلوها بينكم بالستر
ابو ناجي بصراخ وعصبية : ياناجييييييي رح ناد لي ابو سرور وابو أدهم رح
هنا انجلط راضي : ياعمي اذكر الله توني اهدي ناجي عشان مايروح يبتلي فيهم لو تبي انا اروح واناديهم لك وبالهداوة ولا ارسل لهم بزر من بزران الحارة يناديهم
ابو ناجي : لا لا انت ماقصرت وجزاك الله خير قل لـ احد البزران يناديهم
راضي : ان شاء الله ابشر خلاص ياناجي اقعد لين يجوون وتتفاهمون بينكم احسن
______________________________
~ بيت الشيخ صالح ~
الجدة سارة : ياويليي عنك ياصالح ياويلي حسبي الله على من كان السبب في موتك يالله عساك تأخذ روحه
بشاير : الله لا يوفقه ولا يعافيه ويجعلها تصك فيه وين مادار بوجهه ياررب حرق قلوبنا وحرمنا من اغلى مانملك
خلود : للحين مو قادرة استوعب انه هو اللي سوا كذا في ابوي وقتله وهو ماسوا له شي ما اذكر انه ابوي مد يده عليه ولا قال له كلمة جرحته صح انه كان عصبي وشديد لكن بعض المرات يرحم وينسى ولا كأنه صار شي
سلوى : الله يأخذ حقنا منه ويبرد قلوبنا فيه مثل ماحرقها على ابوي ويذبحنا بقتله
الجدة سارة : اخوانك وينهم الحين وينهم دقي عليهم يجون
خلود : راحوا يبلغون في كذا ديرة يمكن يلقونه ويجيبونه ويتحأسب على اللي سواه
الجدة سارة : ياويلي ياويلي راح الابو وبيروحون العيال ياررررببب لا توريني فيهم مكروه ولا مصيبة يارب
بشاير : ان شاء الله ماصاير الا الخير بس انتوا ادعوا الله يردهم لنا بخير وصحة ويحفظهم
الجدة سارة : والله قلبي كان حاس انه بيجي يوم يروحون يسألون عن غريمنا ويدورنه يارب انك تحفظهم بعينك التي ماتنام وترجعهم لي سالمين غانمين
______________________________
~ بيت الشيخ نايف ~
شريان وبدران اللي كانوا يغنون ومو منتبهين للبنات اللي طلعوا من البيت للحوش : الله اللي خلق حسنة بوصوفٍ جنوبية
انتبه لـ خطواتهم شريان وصد بحرج : اخو العيال صدق معليش سامحونا ماكنا ندري انكم بتطلعون
قوت بصوتها الناعم : لا عادي احنا اللي اسفين عموماً حصل خير وجل من لا يخطى
شريان اول مره يتخرفن مع بنت : اي عادي كل الناس تغلط
ضحكوا البنات وضحك بدران : ولد وش غلطت فيه علمني
شريان : يارجال اكرمني سكوتك بس
قوت : احنا نستأذن واسفين عالمقاطعة
شريان : ابد مامن مقاطعة
طلعوا وضحك بدران : ههههههههههه ياخي انت عليك سوالف مدري من وين تجيبها
شريان : ضحكت من سرك بلا خير على وش تضحك
بدران : ابد سلامتك بس اول مره اشوفك تتأمل بنت كذا ومتخرفن عليها بالعادة من تشوف زول بنت كشرت
شريان : على تراب بس بعدين لا تخرفنت ولا شي هذا انا
بدران : هههههههههههههه اي واضح بسم الله عليك مؤدب وخلوق ولا عندك هالسوالف بس والله جمال وحده منهم خبطني على قلبي شرايك تشبكها لي ؟
شريان : خبطك اللي ماياوي لك ياسربوت امش امش والله لو يسمعك جدي ان يقطع العقال على ظهرك ويعلمك شلون تقول عن بنات الناس هالكلام
بدران : ماراح يسوي لي شي لو قلت له حتى انت تخرفنت وانهبلت على اللي بالوسط كلنا بالهوى سوا ياحبيبي
شريان بقرف : يع يع يع مايليق عليك هالكلام والله وبعدين لو يشوفون وجهك كشوا عليه من زين هالوجهه
بدران : ومن زينك انت عاد محسسني انك كامل الاوصاف انت وخشمك ذا اللي تقول صنبور موية رح بس
شريان : انت شايف راسك اللي تقول جبنة مثلثة وبطنك ذا اللي يمشي مترين قدامك
بدران : شايف راسك انت قبل تتكلم علي وشايف بطنك ذا اللي ماغير يصوت مثل صرصور الليل
شريان : امش امش داخل بس والله الكلام معك فاضي قسم بالله