كل دارٍ تضمك ليتها صدري وكل عينٍ تشوفك ليتها عيني

بارت 22

~ بيت الشيخ نايف ~
الشيخ نايف : اول شي صلوا عالنبي واقعدوا خلوني اقول لكم وش صار معهم
ابو عبدالعزيز : يـ ابو طلال والله العظيم عظامنا صبت ورجولنا ماعاد شالتنا بناتنا فيهم شي صار لهم شي ؟
الشيخ نايف : اذكر الله ماصار لهم شي ابد هم داخل عند بناتي وماعليهم خلاف انتم اقعدوا بس
ابو عبدالمحسن : اهم شي هم بخير ولا فيهم شي ولا مسهم ضرر
الشيخ نايف : لا لا ماعليهم خلاف بخير وطيبين بس طب عليهم حرامي ومسكناه
ابو عبدالعزيز : وشووو حرامي ومين ذا وكيف طب عليهم
الشيخ نايف : طب عليهم من سور جارنا كان في بيته وطب للبيت ووحده من البنات قدرت تنحاش وجتنا ووحده مسكها الحرامي وقفل عليها الغرفة
ابو عبدالعزيز : ايش ايش وش تقول يـ ابو طلال ومنهي اللي هربت واللي انمسكت
الشيخ نايف : بنتك هي انحاشت واللي انمسكت بنت ابو عبدالمحسن
ابو عبدالمحسن بصدمة : وشوو سوا فيها شي هالكلب !
عبدالمحسن : ايشش وش تقول ياعمي انت صادق طلع يركض يبي ينادي اخته وراح وراه فيصل ومسكه : عبدالمحسن اذكر الله اذكر الله اختك ماجاها شي ولا لمسها انا كسرت الباب ومسكته وهي تهدده انها بتذبح نفسها ولا قرب لها
عبدالمحسن : طيب يافيصل خلني اناديها بس ابي اتطمن عليها بس فكني
فيصل : ابشر وعلى هالخشم الحين اخليهم يطلعونها لك انتظرني هنا بس
عبدالمحسن : اي تكفى والله قلبي بيوقف
فيصل : بسم الله عليك اركد واذكر الله مافيه شي
~ بالمجلس ~
ابو عبدالعزيز : خلاص يـ ابو طلال بكره بنسلم لك مفتاح البيت وبنرجع للرياض واستروا على ماوجهتوا وشفتوا مننا ماعاد لنا قعدةٍ هنا
الشيخ نايف : يـ ابو عبدالعزيز اذكر الله ماصار الا الخير وبعدين انتم عندكم شغل هنا وشلون بتروحون وتخلونه
ابو عبدالمحسن : الشغل بكنسله وبنرجع خلاص الله يكثر خيركم وماقصرتوا على كل شي سويتوه معنا
ابو محمد : يـ ابو عبدالمحسن شغلكم والله وتالله مايتكنسل ولا تقطعون رزقكم بسبب موقف بسيطة وانحل وان كانكم تبون الحرامي هذا هو فالمستودع حاطينه لين نشوف له حل ولا نسجنه
ابو عبدالمحسن : يـ ابو محمد حنا عندنا اشغال ونضطر نطلع من البيت ونخليهم فيه لانهم مايحبون الطلعات والرواحات والجايات وشلون بنخليهم يقعدون بعد اللي صار وشلون بنرتاح ونتطمن انهم بخير
الشيخ نايف : خلوهم يجون عندي في بيتي وعند بناتي ولا بنات عيالي ابد بيتي وبيوت عيالي مفتوحة لكم ولعيالكم افا عليكم بس تبون تقطعون برزقكم عشان هالخسيس
~ بالحوش ~
جنى : أهخ ياعبدالمحسن أهخ كنت بموت لو ما قوت هربت وجت هنا تطلب الفزعة كان فات الاوان ورحت فيها
عبدالمحسن : ياجعلها بعمري عنك ياليتني مارحت وبقيت عندك وتبقين تحت نظري ولا اسمع انه صار فيك كل هذا بغيابي
جنى : خلاص توبة اجلس بالبيت بعد اللي صار اي مكان تروحون له اروح معاكم ولا اجلس بالبيت ، بكت وحضنت اخوها وكان يراقبهم فيصل من بعيد
عبدالمحسن : خلاص ياجنتي خلاص انتي الحين بخير ولا صار فيك شي ولا هالكلب قرب لك الحمدالله
جنى : متى نرجع للرياض ياخي من اول ماجينا هنا انا ما ارتحت وحاسة انو بيصير شي وفعلاً صار ولكن ماتوقعت انه بيصير معي انا
عبدالمحسن : خلاص ياجنتي خلاص وحقك انا بأخذه من هالكلب لا تشيلين هم انتي الحين ادخلي جوا لين نمشي
جنى مسحت دموعها وهزت راسها : خلاص طيب
______________________________
~ ملكة نوف ونصار ~
المأذون : ردد وراي يـ ابو نوف وقول زوجتك ابنتي نوف ابنة حمد على كتاب الله وسنة رسوله
ابو نوف : زوجتك ابنتي نوف ابنة حمد على كتاب الله وسنة رسوله
المأذون : ردد وراي يـ نصار وقول قبلت الزواج من ابنتك نوف ابنة حمد على كتاب الله وسنة رسوله صلى الله عليه وسلم وعلى المهر والشروط المتفق عليها فـ امساك بمعروف او تسريحٍ بأحسان
نصار : قبلت الزواج من ابنتك نوف ابنة حمد على كتاب الله وسنة رسوله صلى الله عليه وسلم وعلى المهر والشروط المتفق عليها فـ امساك بمعروف او تسريحٍ بأحسان
المأذون : بارك الله لكما وبارك عليكما وجمع بينكم في خير مبروك يانصار
نصار : الله يبارك فيك ياشيخ
ابو نصار : مبروك ياولدي عسى الله يهنيكم
نصار : الله يبارك فيك ويطول لي بعمرك
ابو نوف : مبروك يانصار الله يوفقكم ويهنيكم وهاه الله الله في بنتي انتبه لها
نصار أبتسم : ابشر ياعمي على هالخشم
ابو نوف أبتسم : عليه الشحم
ناصر قرب لـ اخوه نصار : مبروك يـ اخوي عسى ربي يوفقكم ويسعدكم
نصار : اللهم امين وعقبالك ياحبيب اخوك
______________________________
~ بيت الشيخ نايف عند الحريم ~
ام عبدالمحسن : يالله عساكم ماتشوفون فيهم الا اللي يسر قلوبكم ماشاءالله تبارك الرحمن الله يخليهم لكم ولا يحرمكم منهم عز الله انهم رجال من ظهور رياجيل
الجدة منيرة : ماسوينا شي ياحبيبتي وهذا حقٍ علينا وبناتكم مثل بناتنا واكثر
ام عبدالعزيز : ماقصرتوا ياعيوني وهذي مو اول مره يصير مع بنتي شي وتسكتون اولها شريان والحين شريان واخوانه يالله عساكم ماتذوقون حزنهم
ام محمد : اللهم امين والله يخلي لكم عيالكم وهالمزيونات تبارك الله زين واخلاق وهدوء عسى الله لا يضرهم
ام عبدالعزيز : تسلمين ياحبيبتي وانتي اشهد انك جبتي شهم وينشد الظهر فيه الله يبلغك فيه وتشوفين عياله
ام محمد : اللهم امين يارب وعقبال بنتك وولدك وعقبال ماتشوفين احفاد احفادهم ياعيني
ام عبدالعزيز : امين يابعد روحي امين
ام عبدالمحسن : حنا نستأذن يابعد روحي انتم
الجدة منيرة : وراكم تو الناس ماشبعنا منكم
ام عبدالمحسن : تقعد معكم العافية ياحبيبتي والله ورانا اشغال ولا ودنا نجلس اكثر بعد
الجدة منيرة : على هواكم عساكم ماتشوفون شر ياحبيبتي الله يحفظكم
______________________________

~ بنات الشيخ صالح وبنات عمهم ~
بشاير : ياربي يابنات من زمان عنكم والله اك
رهف : اشتقنا لكم والله وكنت اقول خلاص ماعاد بشوفهم
خلود : الحمدالله الذي بلغني هاليوم اللي اشوفكم فيه واجلس معكم قبل ما اموت
سديم : بسم الله عليك اي والله الحمدالله احس اني مستحية منكم من زمان ماشفتكم
سلوى : والله حتى انا ماكنكم بنات عمي احسكم غريبات
رهف ضحكت : الله يلوم اللي يلومك لنا فوق 10 سنين ماشفنا بعض
سلوى : اي والله بـ هذي صدقتي يلا الحمدالله اللي جمعنا مع بعض مرة ثانية
رهف : اي والله الحمدالله
خلود : ايه وش عندكم من السوالف قولوا لي ابي اسولف واسترجع ذكريات زمان
سديم : ابد والله مافيه سوالف انتم اللي عطونا سوالفكم ووش الدنيا سوت بكم
بشاير : ابد والله مافيه شي جديد على خبركم مقابلين بعض ونشتكي من بعض بس
رهف ضحكت : هههههههههه كلنا نفس الوضع اجل
سلوى : ايه مافيه شي جديد ابد ابد بس مقابلين بعض ونتحلطم على امي
سديم : اجل قوموا نروح لـ امي وخالتي سارة نجلس معهم نخليهم يقولون لنا قصصهم قبل والله انها توسع الصدر
خلود : اي والله قوموا دام كلنا ماعندنا سوالف نروح عندهم نسولف معهم ونضحك
رهف : يلا مانقول لا ابد عاد آنا مشتاق لـ قعداتنا معهم وقصصهم علينا وكيف كنا ننبسط ونندمج معهم ولا نحس بالوقت من حلو الجلسة
بشاير : اي والله صدقتي