~ مابعد العزيمة ~
فيصل : والله اني تعبت اليوم واجد على اذنكم بروح ارقد تصبحون على خير
الجد نايف : تلاقي الخير والله كلنا تعبنا اليوم ومانبي الا النوم
ابو جمعان : انشهد ليلة كانت من أجمل الليالي والله ماقصرت ياخوي على كل شي
الجد نايف : ولو حق وواجب ياخوك ماسويت شي
ابو جمعان : ودي انام ميت تعب
الجد نايف : والله وانا بعد تعبان قمنا نرقد
غزاي : تو ياجدي ماجانا نوم انا والعيال
الجد نايف : على هواكم لكن لا تبطون وتسهرون واجد
غزاي : ابد ابشر ان جاني نوم قومتوهم يرقدون
الجد نايف : يلا تصبحون على خير
غزاي : تلاقون الخير
شايع : انا بروح اجيب فحم نزيد شبة النار
نايف : تحصله ورا الحوش محطوط فوق الدكة القديمة
شايع : زين زين
بدران : انا جاي معك
_______________________________
~ جلسة البنات ورا الحوش ~
الجازي : شوي شوي اغلبهم نايمين والعيال بالحوش مانبيهم يحسون علينا
أشواق : يلا يلا بسرعة بسرعة اطلعوا مافيه احد
خزامي وهي تركض : أهخ ياربي تعبت يابنات
الجازي : قصري صوتك لا يسمعونا ولا يحس علينا احد
خزامي : ياختي تعبت من الركض والله عليكم مسكات غريبة مسكت معكم نسهر ورا الحوش وبرا البيت
لمياء : وش نسوي العيال جالسين بالحوش وبعدين نبي نغير شوي
شيماء : يمه يمه يابنات المكان يخوف
بثينة : حنا متعودين عالمكان ولا تخافين مافيه شي
إبتهال : خلاص اجلسوا ولا تسببون ازعاج عشان ماننكشف
البندري وميثاء اللي انكشفوا قبل يطلعون ،
شايع : وين رايحين انتي وهي
البندري غمضت عيونها: يمه يمه انكشفنا ياميثاء
ميثاء : هاه مابنروح مكان
شايع : وش هاه الباب ليش مفتوح ياميثاء
ميثاء : الب البنات برا وكنا بنطلع لهم
بدران : وش وش ؟ برا وش يسوون البندري تعالي
البندري هربت داخل وتركت ميثاء عندهم
شايع : امشي امشي روحي لهم خليهم يتغطون
ميثاء برعب : تغطوا يابنات انكشفنا
طلعوا لهم العيال وشافوهم جالسين
بدران : ماشاءالله تبارك الرحمن وش تسوون هنا هاه
البنات بخوف : سهرانين
شايع : مالقيتوا الا هالمكان اللي كل خلق الله تشوفه تسهرون فيه
بدران : قوموا قوموا داخل للعن مانيب قايل يلا
لمياء : بدران تكفى لا تقول لـ ابوي تكفى
بدران : شغلكم انتي والبندري عندي بعدين ادخلي الحين
دخلوا البنات يركضون داخل من الخوف
ميثاء : ياحيوانه ليه تركتيني لحالي بغوا ياكلوني هالاثنين
البندري : من الخرعة ماعاد عرفت وش اسوي وهربت
الهنوف : ياخوفي يقولون لـ للعيال وساعتها وش يفكني من عبدالمجيد ياربي
إبتهال : خلاص احنا غلطنا نتحمل نتيجة غلطنا
_______________________________
~ راضي وحور ~
راضي : طلقتها وش تبين بعد اكثر تكفين لا تخليني
حور : تعال اخطبني طيب وش تنتظر دامك ماتبيني اتركك
راضي : عطيني شوية وقت وعد مني اجي اخطبك
حور : دام ابوك ماوده اني اتزوجك لاني رفضته ما اعتقد يرضى على عرسك علي
راضي : حور انا ماعاد لـ ابوي كلمة علي الحين انا المسؤول عن نفسي وعن تصرفاتي
حور : مهما كان هذا ابوك حاول انك تجيه بالطيب عشان يرضى مايفشلك قدام ابوي وناجي
راضي : انتظريني فترة بس راح اجي واخطبك ولا توافقين على خطابك
حور : والله اني انتظرتك سنين طويلة مو عاجزة انتظرك فترة بس لا تطول علي الموضوع
راضي : لا ان شاء الله اوعدك الامور بتصير احسن
حور : طيب خلاص رح قبل يشوفنا احد ويعلم ابوي او ناجي يلا
راضي : انتظريني ياحور انتظريني
_______________________________
~ بيت مقرن بن نافل ~
نريمان : الحين من ذولي اللي جونا قبل فترة
ماجد : هذول احفاد صديق ابوي ليش
نريمان : اي اسال بس كان واضح عليهم مو من الرياض
ماجد : اي هم حياتهم كلها بالديرة مايجون للرياض والمدن الا نادر على كلام ابوي
نجلاء : واضح حياتهم زنقة مافيها حياة مثلنا
موسى : والله حنا اللي حياتنا زنقة مو هم حياتهم حلوة حتى لو انهم بالديرة ماشاءالله
نجلاء : منجدك ؟
موسى : اي منجدي كل شي فيها تدخلين ماودك تطلعين منها من كثر ماهي حلوة
نجلاء : على كذا لازم نزورها نشوف كيف الاجواء فيها
ماجد : ابوي هذاك اليوم يقول للعيال قولوا لـ جدكم لنا زيارة قريبة لكم
نريمان : منجدكم أنتم تبون تروحون للديرة مو عاجبتكم الرياض يعني ولا ايش
موسى : حنينا لديرتنا حنا مولودين فيها بس ما عشنا فيها كثير يمكن سنة سنة ونص حولها
نريمان : امانه حنا مولودين هناك
موسى : انا وانتي اي لكن نجلاء وماجد لا بتبوك
نريمان : ماتوقعت اني بيوم اسمع اني انولدت بالديرة
ماجد : وهذا انتي سمعتي وش ذا الصدمة عادي ترا اهم شي انك انولدتي بخير وعافية مايهم المكان وين
موسى : صادق ما احد يقدر يقرر وين يولد او ينولد اذا جاء الوقت اهم شي الخلقة التامة مايهم اي شي غير
نريمان : ياخي أنتم فهمتوني غلط انا ما اقصد كذا قصدي اننا ليش ماجلسنا هناك
نجلاء : ابوي يقول انه عشان دوامه وكل فترة ينقلونه لمنطقة لما استقر بالوظيفة هنا بالرياض
_______________________________
~ بيت العم علي ~
عبدالمجيد : لعنبوا بليسكم وش خلاكم تتطلعون تسهرون برا البيت هاه وش الله حادكم الحوش وش مقصر معكم فيه
أشواق : ضايقة صدورنا من الحوش ونبي نغير وطلعنا وش فيها
عبدالمجيد : ولك عين تسألين وش فيها بعد فيها انه عيب تطلعون من دون محارم وهذي عادتنا من أنتم عشان تخالفونها هاه
الهنوف : ياعبدالمجيد ياحبيبي هد خلاص اللي صار صار
عبدالمجيد : انتي اسكتي شغلك عندي وبعدين تعالي تعالي كيف قدرتي تنزلين مع الباب وهو مافيه درج
الهنوف بخوف وتردد : نطيت
عبدالمجيد : وش وش وش ما اسمع صاحيه انتي بعقلك شي شلون تنطين مع الباب وانتي حامل تبين يصير فيك وفي اللي ببطنك شي
حازم : ماهم صاحين ذولي حنا بالنسبة لهم جدران ومالنا كلمة عليهم ولا يؤخذ رأينا في شي
إبتهال : والله ماكان قصدنا حبينا نغير جو شوي
حازم : جو ؟ بالشارع عاد قدام الله وخلقه ماتستحون انتم ماتحسبون حساب احد والله لو يدري ابوي ان يقص ارقابكم انتي وهي
أشواق : شدعوة خليتونا مانحسب لكم حساب وبعدين انتم كنتوا مع العيال كيف بنقول لكم
عبدالمجيد بعصبية : اذلفوا عن وجهي قبل ما ابتلي فيكم الحين يلا داخل انتي وياها
أنت تقرأ
كل دارٍ تضمك ليتها صدري وكل عينٍ تشوفك ليتها عيني
General Fictionأن ضايقوك الخاليق وأزعلوك ماعليك الا تزهمين حبيبك وكل ناسك وأبشري بسعدك ياقوت شريان . "رواية جديدة وحكايا جديدة ، أتمنى تنال رضاكم ولا أستبيح أقتباسها " "بعض من أحداث الرواية واقعية" للكاتبة : أمواج
