كعدتني لجين وكت الغدا نزلت والافندي رافد ما راجع بعده
اتغدينه ورحنه نشرب جاي وهو ماكو
وين الا دخل يفر بالسويج و يغني وما هامه احد
سلم بطرف خشمه وراح خله السويج على الميز وصعد الغرفته
نص ساعه نزل سابح مبدل وطاك روحه بالكاع
نجوى* شنو يمه متريد غده
رافد * لا معزوم يم الولد
نجوي* شسالفه حتى ما تكعد يمنه ولا انشوفك مو حاله هاي يمه
رافد * اهووو يمه هاي شفتيني باعيلي اخبل
راح حضنها وباسها
يعرف شلون يسكتها
راح للميز يدور السويج مالته ماكو ملكا خليته يدور وما كتله
كمت رسلت رساله الوليد تعال بسرعه
وليد عازل يمنه وباب بحديقتنه بينه وبينهم
اشوف رافد حرك الدنيا وظل يصعد وينزل يدور اتخبل على اسويج سيارته
خليته كلش استوه
رحت وكفت كباله وطلعت السويج من جيبي ورفعته بوجها
رافد * شنو هالحركات سييف صار ساعه مثل المخبل ادور شو انطي الي عيب اتاخرت على الولد
* طزز بيك وبيهم السياره انساها راح تنباع
رافد* شنو اتفظلت حضرتك انطيني السيوويج سييف
* مالك اسويج يمي ولي امشي اطلع حرامي
نجوى * يما شهالحجي شنو حرامي تحجي ويا اخوك هالشكل
* يمه انتي مفاهمه شي
بهالحجي دخل وليد
شبيكم اصواتكم سابع جار
سيف * تعال شووف اخوك الشفيه شمسوي
نجوى* اي شمسوي يا يمه يريد يطلع وانت متخلي
* ميت علي وما ادري جاوبها يالمدلل كللها شمسوي شماخذ من المعرض
رافد * كلشي ما ماخذ لا تتهم تهايم نطيني سويجي خلي اولي يماا تره ولدج متفقين عليه
وليد* سيف فهمني شنو صاير
* اخووك الحرامي ماخذ 15 مليون من المعرض وارد اربع غرف بارباحهن لك كو.... الا ابيع سيارتك واسددهن
نجوى * يما على كيفك ويا اخوك يمكن احتاج مصرف
* يما لا تخبليني الخاطر الله اكلج 15 مليوون اتكليلي مصرف وليد احجيلك كلمه ويا امك عاد
وليد* والله يا رويفد اطلعهن من عينك وانتي يما كافي اتدافعيله على الغلط دمرتي ودمرتينه
رافد ** مماخذ منكم يما حاجي ولدج تره اخرب الاول والتالي
عافنه وطلع وكل عاده ما اخذنه لا حق ولا باطل بس مجرد علت اصواتنه والهوسه وللاسف امي بصفه
