* يما تعالي بالديوان اريدج بسالفه
نجوى* خير يما نقصت فلوس بعد
* لا يما تعالي سالفه ثانيه
رحت دخلت شويه ودخلت وراي كاعد واهز رجلي منين ابدي الموضوع ما اعرف
* سدي الباب وراج وتعالي
نجوى* قلقتني يمه شصاير وياك مرتك ملوعتك
ضحكت على تفكير امي
* يمه يعني الله عليج لجين ماذيتني اجي اشتكيلج
المهم اريدج اتركزين وياي
شوفي انا اليوم طلعت رافد من مصيبه جبيره تره ومو الرافد لا والله النه كلنه
وكعدت ااسولفلها كلشي
نجوى * شكد ما يستحن وما يخافن الله شيردن من ابني
* ااي مو ابنج زعطوط يما زلمه اشكده وليد مو اصغر منه اتزوج الله يخليج ركزي وياي انا اريدج اتشيلين عنه المصرف اريده بحسرة الفلس لهذا كاعد احجي وياج
يمكن اليوم كدرنه نحلها باجر لا صدكي ينهدر دمه
نجوى* يما اسم الله وليدي شوف سيف لا تظلم اخوك شمسوي هو قابل هنه يركضن وره
تدري شلون دليني بيتهم اروح لهلها اخليهم يربون بتهم
* خلي انربي ابنه احنه اول وبعدين نعتب على العالم
نجوى*ووولد شايل عيبه ومن باجر اشوفله مره حتى ينعدل وخليهن يتراكعن بنات بليس
غمضت عيوني ورفعت راسي فوك بحالة ميؤس منها الهي جاي اتشوف
* يما الزواج مو حل ابنج مخربط لا تورطين بي بنات الناس عبالج يتوب
كل الي اريده منج حرمي من المصرف بس
فدوه يمه رحت يمها بست ايدها
كعدت بالارض ثنيت ركبه مثل الواحد الي يتوسل وفعلا جنت اتوسل بيها
يما فكري بينه بخواتي عيال مروه شنو موقفها كبالهم لو فاحت ريحة اخونه انزين صفا عوفج من هاي اسم ابوي الي سنين يبني بي بسبب كم وحده هاعر يضيع هو هو رافد نفسه متخافين ينقتل بسبب هاي الامور
نجوى* لا اسم الله هاي هيه راح احرمه من المصرف بس صدكني اخوك مظلوم وهاي كله يطلعون سوالف علي حتى يجرون من عدنه فلوس
بست راسها وطلعت اعوفها بس حجي يجي يتوسل بيها لو تعرف اتبيع واحد من عدنه وما تخلي رافد محتاج
اموت واعرف شمسوي الها وهيج مفضلته على الكل
طلعت جنت اريد اروح للمعارض اشتري سياره بالاقصاد اتبهذلت ورن تليفوني الحك اخوك مسوي حادث
