* ليش رفضتي ؟
اسلوبج و تصرفاتج جانت اتكول العكس
* دراستي انور اريد اكملها وما اريد.....
*منو منعج عن دراستج منو كال مراح اتكملين
سكتت مكدرت اجاوبه شفت روحي ضعيفه يمه
هو هم ظل صافن عليه منتظرني ارد
* لتخلين بالي يروح بعيد ردي يبنت احد ماثر عليج
هزيت راسي بلا حجه بصوت عالي ودك على السياره لعد للليش الرفض
جريت نفس قويت روحي وباوعتله بتحدي
* احنه فقره وفكر ومو من ثوبكم اشلون تقبل ترتبط بوحده مثلي فكر
* هاي شلون حجي منين متعلمته
هذا كلامك من امي خطبة ريم العلي
وعفته ومشيت خليته صافن عليه
رحت امشي كوه حابسه دمعتي اعرف بعد هالحجي مستحيل ارتبط بي ويمكن ما اشوفه گلبي حيل اذاني حسيت عفت روحي مو انور
دخلت للمدرسه اليوم بان على غير العاده اجت يمي واعتذرت وتعالي نرجع صديقات
جان كلشي مطفي بعيني وروحي طالعه وافقتها بدون ما اجادل ردتها بس اتوخر مني
بنهاية الدوام صاحت تعالن ناخذ سلفي جرتني من ايدي
رحنه وره الحمامات لان ممنوع التليفون بالمدرسه
* اسو تعالي انتي صورينه لان طويله حتى كلنه انبين بالصوره
رحت اخذته من ايدها وصورت وظلت هيه اتصورنه اكثر من صوره شجاها على الصور اليوم
احنه بالمدرسه اغلبنه ننزع الحجاب لان بس بنات واسوارها عاليه المدرسه فماخذين راحتنه غابت عن بالي هاي السالفه بوقت الي صورنه لان گلبي يم انور
برجعتنه للبيت ما شفت انور امشي واتلفت ماكو انور يعني هاي هيه انتهت ظليت ابجي وانا بالشارع
لحد ما وصلت للبيت همزين امي وعلي مموجودين بس سرى
شفتها هم كاعده وتبجي
* شبيج سرى
* اسو فهد ميريدني ،
ودنكت راسها تبجي ما صدكت رحت يمها حضنتها وظليت ابجي
* لج اليوم واجهت انور بكلامه الامي من خطبت ريم وراح انور بعد ما اشوفه
زادت بجي اتكابلنه وظلينه نبجي حد ما سمعنه صوتهم دخلو كل وحده راحت مكان شكل انا ركضت للحمام وهيه راحت للمطبخ اتغسل وجها
طلعت لكيتها محضره الغده علي صاح عليه تعالي اكلي ويانا
كعدت الخاطر علي والا امي بعدها كالبه وجها عليه
