نزل من السياره فتح الباب يمي وصعد
كوه مهدي نفسه وانا من شفت شكله خفت رجعت وره
حجاهن بكلمات متقطعه
* بشنوو تهددج شنو لازمه عليج فهميني
لان الشيطان اتربع هنااا
دك على راسه ياشر وعاااط احجيييي
بلعت ريك خفت منه جسمي كله ظل يرجف
عدلت كعدتي وظليت احجي بس الحروف متعيني
عاط بيه احجي ووولج بشنو تهددج تره بالي ظل يجيب ويحط يبنت الناااس
* بحنة ريم من اخذتني للغرفه وطلعتهم هيه وعبيد
ظلت اتهددني اروح اكول العلي
حجيتهن بصوت يرجف وخوف
باوعلي وركز بعيوني شويه دنكت راسي محسيت الا راشدي فر وجهي فر ركعت بكرسي ريم
* جاااهل كدامج تضحكين علي بهاي الحجايتين احجي شنوو عدها عليج لج صبري خلص
حطيت ايدي على خدي وهديت بجي وظليت احلف والله هو هاي كلشي هيه شافتك وخلتك ببالها وطلبت رقمك جنت ما تهمني نطيتها رقمك ووالله بس بعدين لا من حبيتك حاولت ابتعد منها بس رجعت تهددني حتى العيد ميلاد رحت غصب عني وجنت داخله قبلك بثواني
* ليش ما كلتيلي ليش ما صارحتيني ليش رحتي من وراااي
* خفت منك وخفت يصير شي وتنفذ تهديدها وتروح العلي
* مجاي يدخل عقلي يااابشر كلامج ما يدخل العقل
ظل يباوع فتره ونزل رجع بمكانه
شغل السياره ومشه عدلت كعدتي ريم نطتني كلينكس مسحت وجهي
* اذا هذا الحجي صح او كذب فانتي بغبائج ضيعتي كلشي اي حرف من الحجيتي مدخل عقلي تهددج بشي لو حاجيته يمكن نكدر ننكر واصلا خطبتج وانتي رفضتي اكدتيلي كلامها هيه الصح
* رفضت لان علي وكف بعيني من انت رفضته وكلت عنه فكر مهان عليه
ضحك وهز راسه
* والله يا الله العذر اقبح من الذنب مراح ابرر بعد لان ما عدتي تهمني بس انا مستحيل انطي بعلي لو مو يم امه لو بيني وبين نفسي ما اسويها
بعدها سكت وحرف محجه لحد ما وصلنه بيتهم
نزلت ردت اروح بيتنه مقبلت ريم وهو صاح خلي تجي هنا بيتهم مقفول
ودخل
* امشي فدوه تعالي بغرقتنه
* باعي وجهي هذا حال ادخل بي
* اتخبلين شبيج امشي غسلي وتعالي يلا البيت متروس عالم منو راح ينتبه
مسحت دموعي ودخلت وياها شفته بعده بالحديقه مبين جان ينتضرنه واكف وايدي بجيوبه بس شافنه دخل للبيت وكامت الهلاهل
