نزل من السياره عيونه حمر وصاح صعدي
وكفت متصنمه عيوني بعيونه رجف گلبي
اتقرب يمي وهو يكلي صعدي خلي نحجي
* مالي حجي وياك بشنو نحجي
* صعدي يبنت تعبتيني
درت وجهي وخطيت خطوه وانا اكله مابينه حجي
جرني من ايدي وصعدني بالسياره ما ما نعت ولا حاولت ابتعد
كعدت وانا محاوله اسيطر على دموعي
شغل السياره ومشينه
* كل عقلج وافقتي تتزوجين واحد اكبر منج ومتزوج وعنده هالكد جهااال
* ابن عمي احسن من الغريب
* منين طلع ابن عمج منننين امس عرفتو ولج دعيج من كل هذا اشلون قبلتي بزواجاته
* شي ميخصك
جنت اباوع كدام ما التفت علي ورد مثل الانسان الالي الي يشوفني يكول هاي البنيه شكد جامده بس داخلي عكس ظاهري منهاره وجسمي يرجف وتمنيت اشمر روحي بحضنه واكله خلصني بس لا هو الباعني يخلصني شلون
* انتي جاي تعرفين شنو احجي جاي تفهميني لو مجرد رد والسلام
* اي جاي افهمك انوور بس الي مجاي افهمه انت ليش جاي تدخل بيه وبحيااتي شعليك بيه بشنو اهمك انا
انت بعتني ورتبطت بغيري
* لا اتطلعين عن الموضوع
* لا ما اطلع هذا الصدك واصلا انا شلون سمحت النفسي اصعد ويا رجال غريب وانا مخطوبه
* منو هذا الغريب لج نسيتي انا انوور
* اي انوور زوج ذيج البنيه انسان غريب عني نزلني لا افتح الباب واطفر نزلني
ظليت اصيح وهو هم يصيح وثنينه علت اصواتنه ما حسيت الا صوت هورنات عالي باوع كباله والا سياره جايه علينه
بسرعه وبقدرت قادر شخط السياره وصارت صفحه وزين ما نگلبنه
صرخت صوت وغطيت وجهي كل ظني انتهينه
صار هدوء وسمعته يحجي بصوت متقطع بانفاسه يناهد
* بيج شي يبنت خبصتي گلبي لج وخري ايدج خلي اشوفج
مد ايده يوخر ايديني مجرد لامس ايدي صرخت وهو جرني حضن راسي ويمسح على شعري
* ماكو شي لتخافين اسف والله منتبهت للطريق
بعدت روحي منه حجايه وحده حجيتها وصلني للبيت
هز راسه ونطاني ماي شربي وجهج اصفر صار
مشه بينه بغير اتجاه غمضت عيوني بياس منه
* اشكد صادفت بحياتي بنات بس ما حبيت منهن الا انتي ام السان الوحيده دخلتي گلبي من يوم اتعاركتي وياي بالمحل
