بنات فدوه لتنسون التصويت ★ .
علي* بيت عمي باجر راح يجون ياخذون سرى حضرو روحكم انروح انجيب زينه
* علي ليش هيج هالاستعجال سرى اتروح بدون حفله ليش مينتظرون السنويه
* لعد مو راح يجيبون بتهم بدون حفله لو اختج على راسها ريشه
هاي جانت اول مره تحاجيني ويريتها محاجتني
* بس بتهم اتخصهم همه شمروها براس علي ما اعتقد سرى احد ذبها عليهم مو صح ست سرى
باوعت عليها خازرتها اتمنيت اتوافقني انا على مودها ميهون عليه اختي اتروح عبالك فصليه
بس سرى باوعت عليه ودنكت راسها
* علي احجيلك كلمه انت قابل على هالوضع
* لا بالله ما قابل بس اختج وامج خططن مستصغراتني وما صار الي اي حساب بهذا البيت معذورات انا رجل ناقص مووو صح يماااا
متت قهر على حجي علي شمر هالكلمتين وراح
* مسمومااات مو بنات كومي سرى خلي افصلج باقي القطع كوومي
كامت امي راحت الغرفة الخياط وسرى وراها ركضت عليها جريتها
* لج لا توافقين انتي مو كلتي فهد ميريدني وفوك هذا رايحتله هيج عبالك فصليه والله ميحترمج والله
* انا مو مثلج اريد رضا امي وفهد باجر يحبني ويتعود عليه وخري مني متكدرين تلعبين براسي
دفعتني وراحت وره امي سودت الدنيا بعيني وكرهت كلشي
اموت واعرف امي ليش هيج تسوي ليش شمرت سرى لللليش
دخلت غرفتنه طلعت الكتب احاول ادرس لان هذا سلاحي الوحيد
صار يوم ثاني اجيت من المدرسه وشفت بيت عمي عدنه وسرى محضره جنطها متت قهر
سلمت ودخلت للغرفه شفتها جانت تبجي
* ليش تبجين مو هذا الي تردينه انتي و امي كومي عيني كومي عيالج بره
حجيتها مستهزئه
* اسو مناقصتج انا حلي عني
* بعدنه على البر كومي طلعي ورفضي كولي مارايد ه
كولي اريد دراستي
* بعد شنو ارجع كلها ساعتين و اروح وياهم
*ولج هالساعتين اتحل الف مشكله كومي انا و علي وياج كوومي طلعي واجهي احجي رررفضي
ما ردت عليه اكتفت تحضن وجها وتبجي
رحت العلي حجيت ويا هم نفس الشي وكالي لتفشلين روحج
