,
ايمااان طمنيني مروه ماتت مووو
* لا والله في ذكري الله اصلا كلشي ما بيها وهاي انور راح يجي ويحجيلج كلشي كومي غسلي وجهج صوفر راح تموتين
** كليله خلي يسئل عن يوسف فدوه شلونه ابني حليب صدري نشف
* كومي في والله كطعتي گلبي الخاطر ابنج امليلج لكمه شوفي شصار بيج شحالج
ككت وياها اسحل بروحي طلعت استغربت لكيت ولد شاب عدهم بالبيت شافني سلم وطلع
** منو هذا ايمان
* ابن عمتي لا تهتمين هو ميظل هنا
** اشكد عيب اكيد مضايقته عبالي عمتج بس هيه وزوجها
* عدها ولد وبنيه متزوجه وهذا الولد كله هايم يجي ينام موجوده انتي لو لا اصلا هو هيج
وصلتني للحمام دخلت ذبيت على روحي ماي حسيت شويه التعب نزل
انا كاعده بالغرفه وساكته من اجيت لهسه بس جانت تعب روحي مو جسدي
طلعت وخطيه ايمان تنتظرني مشطت شعري وجابتلي اكل تجبرني اكل شويه مالي نفس نطفت روحي بالي يم ابني ويم الوضع شنو راح يصير بيه
للساعه عشره دخلت عمتهم كالت اجه انور
لبست حجابي وطفرت معبالك الي قبل شويه اسحل روحي
دخلت للستقبال مالتهم نصدمت بشوفت سيف رجعت وره
شافني هو ودنك راسه بس اهواي مبهذل وضعفان واللحيه شطولها
* تعالي في دخلي سيف يريد بس يحجي وياج
سلمت و وكفت بالباب بس انور رد عليه السلام
عيني على سيف منتظره منه ردت فعل
انور ترخص ويريد يطلع وطفرت انا بوجها
** لا انور لا فدوه لتخليني هنا
سيف مينحزر بلحظه يتغير مزاجه وخفت اظل وحدي يمه
طفر هو حجه وياي
* تعالي في اريد بس احجي كلمتين و اولي ويمكن متشوفين شكلي بعد
* في تره هو رجلج شسالفتج انا بره واكف اي شي صيحي عليه معايفج يلا زحمه تره
انور يحجي وياي وانا عيني على سيف الي احس وجها كتلت نار صاير وهو يخزر بانور
طلع انور كام سيف سد الباب غمضت عيوني جنت صدك خايفه منه ومرعوبه
حسيت بيده من كض ايدي وجرني للقنفه كعدني وكعد يمي
* تحتمين بالغريب مني في
ما رديت علي دموعي هيه ردت والخوف الي مرسوم على وجهي وايدي الترجف
